4John 4

1KAUN lao kotin mangi, me Parisär akan rongadar, me Iesus kin wiada tounpadak kan o paptais toto sang Ioanes,Select John 4:1

2Ari, pwe sota me pein Iesus kotin paptais, sapwilim a tounpadak kan ta,Select John 4:2

3Ap kotila sang Iudäa, kotin purelang Kaliläa.Select John 4:3

4A a kotin weid nan wein Samaria.Select John 4:4

5I ap kotilang kanim en Samaria eu, me adaneki Sikar, koren iong sap, me Iakop ki ong na ol Iosep.Select John 4:5

6Iei wasa en Iakop a parer eu mia. Iesus ari ngirekila a sapasapal, ap kaipokedi pon parer o, ari mepukat wiauier impan auer kawonu.Select John 4:6

7A li en Samaria amen ap kodon idip pil ia. Iesus kotin masani ong i: Kido lim ai kis pil en!Select John 4:7

8Pwe sapwilim a tounpadak kan ko ong nan kanim, pan netiada sak arail.Select John 4:8

9Li en Samaria ap indang i: Iaduen, komui kisan men Sus, ap poeki pil re i? Pwe ngai li en Samaria amen, pwe Sus akan sota kin waroki ong men Samaria.Select John 4:9

10Iesus kotin sapeng masani ong i: Ma koe asa duen kisakis sang ren Kot o is i, me indang uk: Kido lim ai kis pil en, koe pan poeki re a, a ap pan ki ong uk pil memaur.Select John 4:10

11Li o indang i: Maing, sota sapwilim omui men idip pil, a parer me lol, a ia wasa, kom pan idip sang ia pil memaur?Select John 4:11

12De komui lapa sang sam at Iakop, me kotiki ong kit er parer en, o pein nima sang, o na kan, o na man akan?Select John 4:12

13Iesus kotin sapeng masani ong i: Karos, me nima sang pil wet, pan pur ong men nim pilada.Select John 4:13

14A meamen, me nima sang pil, me I ki ong i, pan solar men nim pilada kokolata, pwe pil, me I kin ki ong, pan pot loli kusukusudang maur soutuk.Select John 4:14

15Li o ap indai ong i: Maing, kom kotiki ong ia kisan pil o, pwe i en solar men nim pil, o solar kodo o idipa sang met!Select John 4:15

16Iesus kotin masani ong i: Kowei ukedo om paud!Select John 4:16

17Li o sapeng indada: Sota ai paud. Iesus kotin masani ong i: Melel om lokaia: Sota ai paud.Select John 4:17

18Pwe om paud me limen mas kokodo, a kaidik om paud, me koe paudeki met; iei melel, me koe indada.Select John 4:18

19Li o indang i: Maing, i ap asaer, me saukop amen komui.Select John 4:19

20Sam at akan kaukaudok pon nana wet, a komail kin inda dene Ierusalem eta wasa me aramas en kaudok ia.Select John 4:20

21Iesus kotin masani ong i: Li, kamelele ia, a korendor ansaun omail pan solar kaukaudok ong Sam pon nana wet, pil sota Ierusalem.Select John 4:21

22Komail kin sasa, me komail kin kaukaudok ong. A kit asa, me se kaukaudok ong, pwe kamaur pwarado sang ren men Sus akan.Select John 4:22

23A ansau korendor, ari a leler, me toun kaudok melel akan pan kaudok ong Sam ni Ngen o melel, pwe iei ta song en toun kaudok kan, me Sam pil kotin kupura.Select John 4:23

24Ngen eu Kot, a me kaudok ong i, ren kaudokki Ngen o melel.Select John 4:24

25Li indai ong i: I asa, me Mesias pan kotido, me maraneki Kristus. I lao kotido, a pan katiti ong kit meakaros.Select John 4:25

26Iesus kotin masani ong i: Ngai i, me lokelokaia ong uk.Select John 4:26

27A sapwilim a tounpadak kan ap purodo, puriamui a masan ong li amen. Ari so, sota me indada: Da me re kotin kainoma, de da me re kotin mamasani ong i?Select John 4:27

28Li o ap pwilikidi potel en pil o, ap koieilang kanim o kasoi ong aramas akan:Select John 4:28

29Kodo, kilang aramas amen, me kasale ong ia karos, me i wiadar, ma i kaidin Kristus?Select John 4:29

30Rap koieila sang nan kanim o potodo re a.Select John 4:30

31Ni ansau ota sapwilim a tounpadak kan poeki re a, potoan ong: Rapi, re kotin konot!Select John 4:31

32A kotin masani ong irail: Kan ai kisin manga mia, me komail sasa.Select John 4:32

33Tounpadak kan ap kasokasoi nan pung arail: Muein amen wa dong i sak.Select John 4:33

34Iesus kotin masani ong irail: Wiawia kupur en me kadar ia do, o kapwaiada sapwilim a dodok, iei kan ai,Select John 4:34

35Komail sota kin indada: Saunipong paieu mi mon rak? Kilan, I indai ong komail, sarada, kilang matuel o pwe a malar.Select John 4:35

36Me dolung kin pwaipwai o nanak ong maur soutuk, pwe ira karos, me kamorok o me dolung en peren pena.Select John 4:36

37Pwe ni mepukat kasoi o pwaidar: Amen me kin kamokamorok, a amen me kin dolung.Select John 4:37

38I kadar komail wei, en dolung pena, me komail so doke, Akai me dodoker, a komail me id aneki arail rak.Select John 4:38

39Men Samaria toto kisan kanim o posonla i pweki kasoi en li o, me kadede: A kotin kasale ong ia karos, me i wiadar.Select John 4:39

40Men Samaria kan lao pokon dong i, rap poeki re a, en kotikot re ’rail. I ari kotikot ia pong ria pong.Select John 4:40

41A me toto me posonlar pweki a masan,Select John 4:41

42Ap indang li o: Se poson kila kaidin om kasoi, pwe se pein rongadar o weweki, me i melel Saunkamaur pan sappa.Select John 4:42

43Murin ran riau Iesus kotila sang wasa o, kotilang Kaliläa.Select John 4:43

44Pwe pein Iesus kotin kadedeki, me saukop amen sota kin mau nan udan sap we.Select John 4:44

45A lao kotilang Kaliläa, men Kaliläa me kasamo i, pwe re iang kilanger me a kotin wiadar Ierusalem ni kamadip o, pwe re toun iang kamadip.Select John 4:45

46Iesus ari kotin pure dong Kana nan Kaliläa, wasa a kotin kapikila pil wain. A monsap amen mia, me na ol somau nan Kapernaum.Select John 4:46

47A lao rongadar, me Iesus koti dong Kaliläa sang Iudäa, ap poto dong re a, poeki i en kotidi, kakelada na ol, pwe a koren iong mela.Select John 4:47

48Iesus ap kotin masani ong i: Ma komail so kilang kilel o manaman akan komail sota pan poson.Select John 4:48

49Monsap potoan ong i: Maing kotidi mon nai seri mela!Select John 4:49

50Iesus kotin masani ong i: U kowei, noum ol memaur. Ari aramas o poson masan o, me Iesus kotin masani ong i ap koieila.Select John 4:50

51A ni a kodila, a ladu kan me tu ong i, kasoi ong i, me na putak mauredar.Select John 4:51

52I ap kalelapok re ’rail: Ansau da me a pikikidi maur? Irail indang i: Aio ni auer kaisu karakar ko sanger.Select John 4:52

53Sam o ap asadar, me i ansau, me Iesus kotin masani ong i: Noum ol memaur. I ari o na kan me posonla i.Select John 4:53

54Iet kilel kariau, me Iesus kotin wiadar ni a koti dong Kaliläa sang Iudäa.Select John 4:54