1Luke 1

1MURIN me toto ar intingiedier kasoi pan meakan, me kitail kin kamelele,Select Luke 1:1

2Duen ir, me kasokasoi ong kit, me saunkakede o papa pan masan sang ni tapi o,Select Luke 1:2

3I ap pil lamedar, me mau, i en inting wong komui, Maing Tiopilus, pwe i lelepokki karos sang ni tapi o kokodo.Select Luke 1:3

4Pwe komui en asa duen meakan me komui aleer, me pung melel.Select Luke 1:4

5Ni muein Erodes nanmarki en Iudäa, samero amen mia, kisan pwin ong Apia, me mar a Sakarias, o a paud amen sang nain Aron seripein oko, me mar a Elisapet.Select Luke 1:5

6Ira karos me pung mon Kot, o ira ineneweita ni en Kaun a kusoned o tiak kan karos.Select Luke 1:6

7A sota naira seri, pwe Elisapet li dapwan amen, o ira karos likailapalar.Select Luke 1:7

8A kadekadeo ni a kapwaiada a dodok en samero mon Kot ni ansau o, me a pwin pwaisaneki,Select Luke 1:8

9Duen a kin wiaui ren samero kan, o ansau en isik mairong lao leler, a kotilong ong nan im en kaudok en Kaun o.Select Luke 1:9

10A pokon kalaimun mi liki, wiawia kapakap ni klok en isis.Select Luke 1:10

11A tounlang en Kaun amen pwara dong i, kotikot ni pali maun en pei saraui en potik.Select Luke 1:11

12Sakarias lao masani, ap lusikida o masapwekada.Select Luke 1:12

13A tounlang o masani ong i: Sakarias, der masak, pwe om kapakap pwaidar, om paud Elisapet pan naitikeda seri ol amen, a koe pan ki ong mar a Ioanes.Select Luke 1:13

14O a pan kare ong uk peren o popol, o me toto pan perenki a ipwidi.Select Luke 1:14

15Pwe a pan lapalap ren Kaun o, a sota pan nim wain, pil so eu song en soko; a pan dir en Ngen saraui nan kupur en in a.Select Luke 1:15

16A me toto ren nain Israel akan, me a pan kawuki ong Kaun ar Kot.Select Luke 1:16

17A pan tiong mo a ni ngen o roson en Elias, pwen kawuki ong seri kan mongiong en sam arail akan o me sopeik kan ong lamalam en me pung kan, pwen kaonopadang Kaun o pwin aramas lelapok eu.Select Luke 1:17

18A Sakarias masani ong tounlang o: Da me i en asaki me wet? Pwe i ol laudalar amen, o ai paud pil likailapalar.Select Luke 1:18

19A tounlang sapeng masani ong i: Ngai Kapriel, me kin ariri Kot, o me pakadarado, en lokaia ong uk, o wa dong uk rongamau pukat.Select Luke 1:19

20Kilang, koe pan lotong la, o sasa lokaia lao lel ran o, me mepukat pan pwaida, pweki om sota kamelele ai kasoi, me pan pwaida ni a ansau.Select Luke 1:20

21A pokon o auiaui Sakarias, puriamuiki a pwapwand nan im en kaudok.Select Luke 1:21

22A lao pedoi sang, a solar kak masan ong irail. Irail ap dedeki, me a udial manaman eu nan im en kaudok o. A olol ong irail o lotonglar.Select Luke 1:22

23Kadekadeo ran akan en a dodok lao nikier, a kotin purelang sap we koieilang im a.Select Luke 1:23

24Murin ran pukat a paud Elisapet liseanda o mimieta nan deu a saunipong limau indada:Select Luke 1:24

25Iduen Kaun o kotin wiai ong ia ni ran oko, ni a kotin masan dong ia, pwen kotiki sang ia kanamenok pai ren aramas.Select Luke 1:25

26Ni kawonu en saunipong tounlang Kapriel pakadarala sang ren Kot ong nan kanim en Kaliläa eu, me ad a Nasaret,Select Luke 1:26

27Ren seripein makelekel amen, me kisin nin ong ol amen, me mar a Iosep, kisan kadaudok en Dawid; seripein makelekel o adaneki Maria.Select Luke 1:27

28Tounlang o kotilong ong nan deu a masani ong i: Kaselelia Maing, kom meid pai, Kaun o kotikot re omui! Kom meid pai nan pung en li akan!Select Luke 1:28

29A lao kilanger i, o rongadar a masan, ap masapwekadar madamadaua: Duen song en ranamau o.Select Luke 1:29

30A tounlang masani ong i: Maria, ender masak, pwe komui me konekonelar ren Kot.Select Luke 1:30

31A kilang, komui pan liseanda o naitikeda seri ol amen, a komui pan ki ong mar a Iesus.Select Luke 1:31

32Nan i me pan lapalap, o a pan maraneki Sapwilim en Kaun lapalap, o Kaun Kot pan kotiki ong i mol en sam a Dawid.Select Luke 1:32

33O a pan kakaunda kadaudok en Iakop kokolata, o sapwilim a wei sota pan imwila.Select Luke 1:33

34Maria ap masani ong tounlang o: Daduen mepukat pan kak wiaui, aki i sasa ol amen?Select Luke 1:34

35Tounlang o kotin sapeng masani ong i: Ngen saraui pan kotin ti po omui o roson en Kaun lapalap pan kipa komui di, i me saraui o, me pan ipwi sang komui, pan maraneki: Sapwilim en Kot.Select Luke 1:35

36O masani, ri om Elisapet pil liseandar ni a likailapala, a pan naitikeda seri ol amen, a kawonu en saunipong ansau wet; iei i me dapwan,Select Luke 1:36

37Pwe sota meakot, me Kot sota kak ong.Select Luke 1:37

38A Maria potoan ong: Masani, ngai lidu en Kaun o; en wiaui ong ia duen omui masan. Tounlang o ap kotila sang re a.Select Luke 1:38

39I ran oko Maria madang kotila pon nana o nan kanim en Iuda eu,Select Luke 1:39

40Ap pedelong ong nan im en Sakarias o ranamau ong Elisapet.Select Luke 1:40

41Kadekadeo Elisapet lao ronger en Maria a ranamau ong i, seri o ap mokideda nan kaped a; a Elisapet ap direkila Ngen saraui,Select Luke 1:41

42O ngil laudeda masani: Komui meid pai ren li akan, o meid iasanai ipwin kupur omui!Select Luke 1:42

43A iaduen pai wet a ko sang ia, pwe in en ai Kaun koti dong ia?Select Luke 1:43

44Masani, ni ai ronger omui ranamau, seri o ap mokideda nan kaped i aki a peren.Select Luke 1:44

45O komui meid pai, pweki komui poson! Pwe a pan pwaida, me Kaun o kotin masani ong komui.Select Luke 1:45

46Maria ap masani: Lol ai kapinga Kaun o,Select Luke 1:46

47O ngen i perenki Kot ai Saunkamaur.Select Luke 1:47

48Pwe a kotin kupurala sapwilim a lidu tikitik o. Kilang, sang met o kokolata di karos pan kapai kin ia,Select Luke 1:48

49Pwe a kotin wiaer song en manaman ong ia, me lapalap o mar a me saraui.Select Luke 1:49

50A kotin kalangan ong di karos kokolata, ong irail me kin lan i.Select Luke 1:50

51O a kotin wia kida lim a manaman akan. O a kotin karawan pasang, me kin lemai nan mongiong arail.Select Luke 1:51

52A kotin sikin wei saupeidi kan sang mol ar, ap id kasapwilada me tikitik kan.Select Luke 1:52

53A kotin kamede kida kapwa me men mangadar akan, ap kotin kadarala kaip me kapwapwa kan.Select Luke 1:53

54A kotin upor kin sapwilim a ladu Israel, o kotin tamataman a kalangan,Select Luke 1:54

55Duen a kotin masani ong sam atail akan, ong Apraam o kadaudok a kokolata.Select Luke 1:55

56A Maria kotikot re a saunipong silu, ap purelang im a.Select Luke 1:56

57Ari, ansaun Elisapet leler pwen naitik, a naitikeda seri ol amen.Select Luke 1:57

58O men imp a kan o sau i rongadar, me Kaun o kotin kupura i, rap iang i peren kida.Select Luke 1:58

59Kadekadeo auel en ran o re pwara dong sirkomsais seri o; ir ari ki ong mar en sam a Sakarias.Select Luke 1:59

60A in a sapeng indada: O kaidin, pwe a pan maraneki Ioanes.Select Luke 1:60

61Irail ap indang i: Nan sota sau om men me maraneki met.Select Luke 1:61

62Irail ap olol ong sam a, duen me a mauki, seri en adaneki.Select Luke 1:62

63I ari poeki slet eu, ap intingiedier o masani: A pan adaneki Ioanes. Irail karos ap puriamuiki.Select Luke 1:63

64A madang silang i wasok pasang o tenap a sapadokada; i ari masani o kapinga Kot.Select Luke 1:64

65A masak kipadi karos, me kaukauson imp ar, o wiawia pukat lolok sili pon nana en Iudäa karos.Select Luke 1:65

66A karos me rongadar, kin nekinekid nan mongiong arail, indada: Da me seri men et pan wiala? Pwe lim en Kaun o kotin iang i.Select Luke 1:66

67A sam a Sakarias direkila Ngen saraui ap kokopada masani:Select Luke 1:67

68Kapinga ong Kaun Kot en Israel, pwe a kotidier ren sapwilim a aramas akan dore ir ala.Select Luke 1:68

69O kotin wiadang kitail kamaur patail sang nan kadaudok en sapwilim a ladu Dawid.Select Luke 1:69

70Duen a kotin masanier ren sapwilim a saukop saraui kan, sang tapin kaua kokodo,Select Luke 1:70

71Me a pan kotin dore kitail la sang ren atail imwintiti o sang nan pa en me kailong kin kitail,Select Luke 1:71

72O kotin kalangan ong sam atail akan, o kotin kupureda a inau saraui,Select Luke 1:72

73O kaula eu, me a kotin kauki ong sam atail Apraam, en kotiki ong kitail.Select Luke 1:73

74Pwe sen dore sang nan pa en atail imwintiti, ap papa i so masak,Select Luke 1:74

75Nin tiak lelapok o pung mon silang i ran karos kokolata.Select Luke 1:75

76A koe nai seri pan adaneki: Saukop en me lapalap o, pwe koe pan tiong mon silang en Kaun o, pwen kaonopada sapwilim a al akan.Select Luke 1:76

77Pwen kawewe ong sapwilim a aramas kamaur, iei lapwa pan dip ar akan;Select Luke 1:77

78Pweki en atail Kot a kalangan melel, me marain dakaraki dong kitail sang poa.Select Luke 1:78

79Pwen kamaraini toun pali rotorot o mot en mela, o kainen ong nä atail nan al en popol.Select Luke 1:79

80A seri o kakairida, o kelail ni ngen e, o a kin mimi nan sap tan, lao a pan sansal ong Israel.Select Luke 1:80