10Luke 10

1MURIN mepukat Kaun o pil kotin piladar isiakan o porone irail wei mo a ni wad riamen, en kakan sili nan kanim laud o tikitik kan, wasa me a pein pan kotilang ia.Select Luke 10:1

2A kotin masani ong irail: Rak me kalaimun, a toun dodok me malaulau; poeki ren Kaun en rak, en kadarala toun dodok nan a rak.Select Luke 10:2

3Komail kola; kilang, I kadar komail la dueta sippul akan nan pung en kidi en wei akan.Select Luke 10:3

4Komail der wewa ed en moni, de ed en sailok, de sut, o der ranamau ong meamen nani al o.Select Luke 10:4

5A ma komail pan pedelong ong nan im eu, komail pan inda mas: Popol en mimi nan im wet!Select Luke 10:5

6A ma popol amen mi wasa o, omail popol pan mimieta re a, a ma so, omail popol pan pure dong komail.Select Luke 10:6

7A komail pan mimieta nan im ota, o manga o nim, me mi re ’rail pwe toun dodok me warong pwain a. Komail der pedoi sang nan eu im ap kolong ong nan eu.Select Luke 10:7

8A ma komail pan pedelong nan eu kanim, o re pan kasamo komail, i wasa komail pan tungole, me pan wisike dong komail.Select Luke 10:8

9O kakelada me somau kan, me mi wasa o, o kaire kin irail: Wein Kot koren dong komail.Select Luke 10:9

10A ma komail pan pedelong nan eu kanim, o re sota pan kasamo komail, i wasa komail pan pedoi nani al indada:Select Luke 10:10

11Pil pwel par, me ko dong kit nan omail kanim, sipede dong komail; ari so, komail en asa, me wein Kot koren dong komail.Select Luke 10:11

12I indai ong komail, nan a pan mangai ong Sodom ni ran o sang kanim o.Select Luke 10:12

13Suedi ong uk Korasim! Suedi ong Petsaida! Pwe ma manaman akan, me wiaui ong uk er, wiaui ong Tirus o Sidon, nan melel, re pan kalula nan tuk en likau o nan pas.Select Luke 10:13

14A a pan mangai ong Tirus o Sidon ni kadeik o sang komail.Select Luke 10:14

15A koe Kapernaum, me paidar nanlang, pan pisikondi ong nan pweleko.Select Luke 10:15

16Me rongerong komail, nan a kin rongerong ia; o me mamaleki komail, nan a kin mamaleki ia. O me mamaleki, ia, nan a kin mamaleki, me kadar ia do.Select Luke 10:16

17Me isiakan ap puredo, pereperen potoan ong: Maing, pil tewil akan udi ong kit ni mar omui.Select Luke 10:17

18A kotin masani ong irail: I kilanger Satan likamata liol a pupedi sang nanlang.Select Luke 10:18

19Kilang, I ki ong komail manaman, en tiakedi serpent o skorpion, o en poedi kel en imwintiti karos. O sota meakot pan kasuedi ong komail,Select Luke 10:19

20Ari so, komail der peren kida, me ngen akan kin udi ong komail, a komail peren kida me ad omail intingidier nanlang.Select Luke 10:20

21Ni auer ota Iesus kotin perenda ni ngen e masani: I kapinga komui, Sam ai, kaun pan lang o sappa, me komui okila mepukat sang me lolekong o koiok kan, ap kasale ong seri pwelel akan! Ei Sam ai, pwe iduen me komui kupukupura.Select Luke 10:21

22Meakaros muei ong ia er sang ren Sam ai, o sota me asa sapwilim a Ol, pwe Sam eta. O sota me asa Sam, pwe sapwilim a Ol eta, o me sapwilim a Ol pan kasale ong.Select Luke 10:22

23I ap kotin saupei dong tounpadak kan, masani ong irail eta: Meid pai por en mas akan me udial, me komail udialer.Select Luke 10:23

24Pwe I indai ong komail, saukop o nanmarki kan toto anane udial, me komail kin ududial, a re sota kilanger; a re men rongada, me komail kin rongerong, ap sota rongadar.Select Luke 10:24

25A kilang, saunkawewe men ap uda, kasongesong i potoan ong: Saunpadak, da me i en wiada, pwen sosoki maur soutuk?Select Luke 10:25

26A kotin masani ong i: Da me intingidier nan kapung o? Daduen om dondoropwe?Select Luke 10:26

27A sapeng indada: Koe en pok ong Kaun om Kot mongiong om unsok, o ngen om unsok, o kel om unsok, o om Iamelam unsok, o men imp om dueta pein koe.Select Luke 10:27

28A kotin masani ong i: Koe meid sapeng inen, wiada mepukat, a koe pan maurela.Select Luke 10:28

29A ap men ak kapungki pein i indang Iesus: A is men imp ai?Select Luke 10:29

30A Iesus kotin sapeng masani: Aramas amen momait sang Ierusalem kodila Ieriko ap lodi ong lolap akai, me ter sang a likau kan, o kame i, rap koieila; i ari pan mela.Select Luke 10:30

31A samero amen momaitela nani al ota. A ni a kilang i, ap daulul wei sang.Select Luke 10:31

32A leap amen pil dueta. Ni a leler wasa o, kilang i, ap daulul wei sang.Select Luke 10:32

33A ol en Samaria amen sailok sili ap pil weid wasa o. Ni a kilanger i ap pokela,Select Luke 10:33

34Kola re a, o kidim pena a pwal akan, ap ki ong le o wain lole o kamondi i pon dake pa man o, wala nan im en kairu eu, apapwali i.Select Luke 10:34

35Manda a pan samala, ap ki ong kaun en im o denar riau indang i: Apapwali i! A ma mekis pan dauli, i pan kapungala, ni ai pan puredo.Select Luke 10:35

36A is ren ir silimen, me koe wiaki men impan ol o, me lodi ong lolap oko?Select Luke 10:36

37A sapeng: Me wiadar dodok kadek ong i. Iesus ap kotin masani ong i: Ari, kowei ala sang!Select Luke 10:37

38A kadekadeo ni ar kotin sailokela, a kotilong ong nan kisin kanim eu. Li amen mi wasa o, ad a Marta, me kasamo i long ong nan im a.Select Luke 10:38

39Ri a li amen mia, me ad a Maria, me momod ni aluwilu en Iesus, rongerong a masan.Select Luke 10:39

40A Marta kasopisokki pein i a papa i. I ari potodo potoan ong: Maing, re sota kotin kupuroki ri ai li, me sota kin iang ia dodok? Re kotin padaki ong i, en sauasa ia.Select Luke 10:40

41A Iesus kotin sapeng masani ong i: Marta, Marta, koe meid nongki o sopisokki okotme.Select Luke 10:41

42A me ta kot me kasampwal. Maria piladar pwais mau, me sota pan katia sang.Select Luke 10:42