14Luke 14

1KADEKADEO ni a kotilong ong nan im en kaun pan Parisär amen, pwen konot ni ran en sapat; a irail masamasan i.Select Luke 14:1

2A kilang, aramas amen mia wasa o, me lisongepo.Select Luke 14:2

3Iesus ap kotin sapeng masani ong saunkawewe o Parisär akan: Me pung, en kakelada ni ran en sapat?Select Luke 14:3

4Irail nenenla. I ap kotin sair i, kakelada o kadara wei.Select Luke 14:4

5Ap kotin sapeng masani ong irail: Is re omail, me na as de kau pupedi ong nan por o, me so pan madang apiada sang ni ran en sapat?Select Luke 14:5

6A irail sota kak sapengki i meakot.Select Luke 14:6

7A kotin masani ong toun kapar karaseras eu, ni a kotin mangi, me re inong iong en mondi ni tapin tepel, masani ong irail:Select Luke 14:7

8Koe lao pan luke dong kamadip en kapapaud ren meamen, ender mondi ong leppantam, pwe ele amen, me lapa sang koe lukedor.Select Luke 14:8

9O me luk uk edo o pil i, pan kodo indai ong uk: Ki ong ol men et deu om! A koe pan namenok kodido ong nan roulap.Select Luke 14:9

10A koe lao paluke, kola mondi ong nan roulap, pwe me luke uk lao pwarado, en indai ong uk: Kompoke pai, kotidato! Koe ari pan kaindand nan pung en ir, me iang uk ni tepel.Select Luke 14:10

11Pwe karos me kin kasapwilada pein i, pan kasapwilidi, o me kin kasapwilidi pein i, pan kasapwilada.Select Luke 14:11

12Ap pil kotin masani ong me lukedo i: Kom lao wiada konot en ni sauas de nin sautik, eder lukedo kompokepa om ko, de ri om akan, de sau om, de men imp om kapwapwa kan, pwe re de pil luke uk, o depuk ong uk.Select Luke 14:12

13A ma koe pan wia kamadip, en lukedo me samama o me pali duk kai, o me sikilikil, o me maskun akan.Select Luke 14:13

14Koe ari pan meid pai, pwe irail sota pan kak depuk ong uk, a a pan depuk ong uk ni ran o, me pung kan pan maureda.Select Luke 14:14

15A amen ir, me iang ni tepel o lao rongadar mepukat, ap potoan ong i: Meid pai, me pan sak prot nan wein Kot.Select Luke 14:15

16A a kotin masani ong i: Aramas amen mia, me wiadar kamadip lapalap o luke pena me toto.Select Luke 14:16

17O kadarala na ladu o ni dokan kamadip, pwen kaire kin irail, me pan toun kapar: Komail ukedo, pwe meakaros onoper.Select Luke 14:17

18Irail ap wiaki eu ikidiki okotme. Men mas indai ong i: I netiada sap eu, i pan kola kilang; i poeki re om, koe en kadar ia la.Select Luke 14:18

19A amen inda: I pwainda kau ol ek, a met i pan kola kilang ir; i poeki re om, koe en kadar ia la.Select Luke 14:19

20A amen inda: I paudeki li amen, i me i sota kak kokila.Select Luke 14:20

21Ladu o ari purodo, kaireki a monsap meakan. Monsap o ap makara kidar indai ong a ladu: Tange wei nani al laud o al tikitik en kanim o wado me samama kan, o me pali duk, o me sikilikil, o me maskun akan.Select Luke 14:21

22A ladu o indada: Maing, a wiauier duen omui masan, a deun akai pil mia.Select Luke 14:22

23Monsap o ap indai ong a ladu: Kakan sili nani al o ni kailan kel akan, papain ir do, pwe im ai en tounla!Select Luke 14:23

24A i indai ong komail, nan sota amen ren ol oko, me paluke, pan song ai kamadip.Select Luke 14:24

25A pokon kalaimun idauenla i. I ari saupei ong irail masani:Select Luke 14:25

26Meamen kodo re i, ap so maliela sam a, o in a, o a paud, o na seri kan, o ri a ol, o li akan, o pil pein maur a, nan a sota pan kak ai tounpadak.Select Luke 14:26

27A meamen so kida a lopu o idauen ia do, a sota pan kak ai tounpadak.Select Luke 14:27

28Pwe is re omail, me pan kauada im en taulik eu, me sota pan mondi mas ap lamelame duen pwain a, ma a pan kak ong de so?Select Luke 14:28

29Pwe a de pasonedi, ap sota kak kanikiela; a karos, me udial, pan kaurureki i,Select Luke 14:29

30Indada: Aramas men et pikikidi kauada im, ap sota kak kanikiela.Select Luke 14:30

31De is nanmarki o, me pan mauin ong amen nanmarki, me sota pan mondi mas ap lamelame, ma a pan kak kaloekidi aramas nen aramas rianen?Select Luke 14:31

32A ma so, a pan kadarala men kadar akai, poekipoeki muei mau ni ara non doo pasang.Select Luke 14:32

33Nan iduen amen amen komail, me so muei sang meakaros, nan a sota pan kak ai tounpadak.Select Luke 14:33

34Sol me mau, a ma sol sarasang, da me a pan kanomanom mau kida?Select Luke 14:34

35A solar mau ong nan sap, pil so nan pwel, pwe aramas kin kasela. Me salong a mia men rong, i en rong!Select Luke 14:35