15Luke 15

1A SAUNOPWEI o me dipan akan karos ap kai dong i pwen rong i.Select Luke 15:1

2A Parisär o saunkawewe kan lipaned indada: Ol men et kin kompokeki me dipan akan o iang irail sakasak.Select Luke 15:2

3A a kotin masani ong irail karaseras wet:Select Luke 15:3

4Is aramas re omail me na sip epuki, a ma amen irail salongalar me so pan pwilikidi ir duekduemen nan wel ap raparapaki me salongalar, lao a pan diarada i?Select Luke 15:4

5A lao diarada i, a kidang pon pop a pereperen.Select Luke 15:5

6A lao pure dong deu a, a kin eker pena kompokepa kan o men imp a kan indai ong irail: Komail iang ia perenda, pwe i diaradar nai sip me salongalar.Select Luke 15:6

7I indai ong komail, nan iduen peren pil pan mi nanlang pweki me dipan me ta men, me kalula, sang duekduemen me pung ap sota mau ong kalula.Select Luke 15:7

8O is li o me na denar eisok, eu ap salongala sang, me so pan isikada lamp o koke im o, o raparapaki mau, lao a pan diarada?Select Luke 15:8

9A lao diaradar i, a kin eker pena kompokepa kan o men imp a kan indai ong irail: Komail iang ia perenda, pwe i diarada ai denar o, me salongalar.Select Luke 15:9

10Nan I indai ong komail, iduen peren mi ren tounlang en Kot akan, pweki me dipan me ta men, me kalula.Select Luke 15:10

11A kotin masani: Aramas amen mia, me na ol riamen.Select Luke 15:11

12A me tikitik re ’ra indai ong sam a: Sam ai, kotiki dong ia pwais ai en soso, me udan ai. I ari nene ong ira ara dipisou kan.Select Luke 15:12

13A murin ran akai me tikitik ren ol oko ki pena a dipisou karos, ap sailokalang sap doo, wasa a kasela mal a kapwa kan nin tiak sued.Select Luke 15:13

14A lao kamuse weita a kapwa karos, lek lapalap ap pwaida sap o, i ari dupokalar.Select Luke 15:14

15I ap koieila dodok ren me pweledan sap o men. I ap kadarala i, pwen kamanga na pwik kan.Select Luke 15:15

16I ari inong iong, kangkang wantuka kai, me pwik kin namenam, a sota me mueid ong i.Select Luke 15:16

17A kadekadeo i lao lolekongalar, ap indada: Ladu me depa mi ren sam ai, me kan ar manga me rak, a ngai pan mekila so kan ai manga.Select Luke 15:17

18I pan uda purela ren sam ai indai ong i: Sam ai, i wiadar dip ong nanlang o ong komui.Select Luke 15:18

19I solar warong adaneki noumui putak, komui ari wia kin ia ladu ’mui men.Select Luke 15:19

20I ari uda purela ren sam a. A ni a mi wasa doo, sam a kilangada i, ap pokela, pitipiti dong i o polodi i, metik i.Select Luke 15:20

21A putak o indai ong i: Sam ai, i wiadar dip ong nanlang o ong komui, i solar war ong adaneki noumui putak.Select Luke 15:21

22A sam masani ong na ladu kan: Wado likau kasampwal o kalikauwia kida i, o ki ong ring ni sondin pa a, o sut ni nä a kan.Select Luke 15:22

23O wado kau pul wi o kamela, pwe kitail en kang o pereperen.Select Luke 15:23

24Pwe nai putak men et melar ap mauredar, a salongalar ap diarokadar. Irail ari perendar.Select Luke 15:24

25A na putak laud mi nan sap o. Ni a pure dong koren iong im o, ap rongadar kakaul o kakalek,Select Luke 15:25

26Ap kalelapok ren ladu men duen ar wiawia.Select Luke 15:26

27A indang i: Ri omui ol puredo, sam omui ap kamela kau pul wi o, pwe a diaradar i memaur o kelail.Select Luke 15:27

28A ap makara kida o sota men pedelong, sam a ap pedoi dong re a poekipoeki.Select Luke 15:28

29A a sapeng indang sam a: Kom mangi, par toto me i papa komui, o i saikenta kawela eu omui masan akan, a kom sota kotiki ong ia kisin kut amen, i en kamadipeki kompoke pai kan.Select Luke 15:29

30A noumui putak men et lao kodo, murin a kamuse wei a dipisou ren me sued akan, komui ap isik ong i kau pul wi o.Select Luke 15:30

31Sam a ap masani ong i: Nai seri, koe kin mimieta re i ansau karos, o ai meakaros me om.Select Luke 15:31

32Me mau, koe en peren o insenemau. Pwe ri om ol men et melar, ap mauredar, a salongalar ap diarokadar.Select Luke 15:32