17Luke 17

1A KOTIN masani ong sapwilim a tounpadak kan: Nan a sota kak, men kamakar kan en so pwaida, a suedi ong me kokido.Select Luke 17:1

2A mau ong, takai en ir plaua eu en paudoki ong ni tapin wor a, ap lokidokila nan madau, sang a kamakar amen tikitik pukat.Select Luke 17:2

3Kalaka pein komail! Ma ri om ol wia dipi ong uk, en kapung ong i, a ma a pan kalukila, maki ong i.Select Luke 17:3

4A ma a wia dipi ong uk pan isepak ni ran eu o pure dong uk pan isepak indada: I kalula, koe en maki ong i!Select Luke 17:4

5A wanporon akan potoan ong Kaun o: Re kotin kalaudela at poson!Select Luke 17:5

6A Kaun o kotin masani: Ma omail poson laudi ong wan katiring, komail pan kak indai ong tuka pik pot et: Kaisang, kasau ong nan madau, a pan oke komail.Select Luke 17:6

7A is re omail, me a ladu men, me kin matimat o kamakamanga man akan, pan indang i ni a puredo sang matuel o: Madang kodo mondi o manga?Select Luke 17:7

8A sota pan indang i: Kaonopada me i pan manga nin sautik o, kaiada om likau, papa ia, lao i mangaer o nim, a muri koe pan manga o nim.Select Luke 17:8

9De a pan danke ladu pweki a wiada, me a masani ong i? I lamelam so.Select Luke 17:9

10Pil dueta komail, komail, lao wiadar meakan me kakaliki ong komail er, komail ap pan inda: Kit ladu mal, pwe i eta, me se wiadar, me kakalik ong kit er.Select Luke 17:10

11Kadekadeo ni a kotilang Ierusalem, a kotin weid nan wein Samaria o Kaliläa.Select Luke 17:11

12O ni a kotin kotilong ong nan kisin kanim eu, ol tuketuk ek tu ong i, me udi ong kaila wei.Select Luke 17:12

13Irail ngil laudeda indada: Maing Iesus, kupurai kit!Select Luke 17:13

14A lao kotin masanier, ap masani ong irail: Komail koieila kasansale ong pein komail ong samero kan. Kadekadeo ni arail kokola irail kelailada.Select Luke 17:14

15A amen irail ni a kilanger me a kelailadar, ap puredo ngil laudeda, kapikapinga Kot.Select Luke 17:15

16O poridi sang aluwilu a, danke i; ari, i men Samaria men.Select Luke 17:16

17Iesus kotin sapeng masani: Kaidin me ek, me kelailadar, a ia me duemen oko?Select Luke 17:17

18Sota me pure dong kapinga Kot, ol en liki men et eta?Select Luke 17:18

19A masani ong i: Uda ko wei, om poson me kakel uk ada!Select Luke 17:19

20Parisär akai lao kalelapok re a: Dokan da me wein Kot pan pwaida? A kotin sapeng masani: Nan wein Kot sota kin sansal kokodo.Select Luke 17:20

21Irail sota pan indada: Kilang met, de kilang monen, pwe kilang, wein Kot mi lol omail.Select Luke 17:21

22A kotin masani ong sapwilim a tounpadak kan: Ran oko pan kodo, me komail pan men kilangada ran eu en Nain aramas, a komail sota pan kak kilang.Select Luke 17:22

23Irail pan indai ong komail: Kilang monen, de kilang met! A der kola o der idauen ir ala!Select Luke 17:23

24Pwe duen liol kin lingaling sang apali en lang lel pali teio en lang, iduen Nain aramas ni a ran o.Select Luke 17:24

25A mas a pan kalokolok toto o lokidokila ren di wet.Select Luke 17:25

26O duen a wiaui ni muein Noa, iduen a pan wiaui ni ran oko en Nain aramas:Select Luke 17:26

27Irail manga, irail nim, irail papaud, irail kapapaud, lao lel ran en Noa a pedelong ong nan war im o, o nolik pwaida kamom ir ala karos.Select Luke 17:27

28Pil dueta ni muein Lot: Irail manga, irail nim, irail netinet, irail sapasap, irail kauadar im,Select Luke 17:28

29A ni ran o, me Lot koiei sang Sodom, kisiniai o swepel ap moredi sang nanlang, kame ir ala karos.Select Luke 17:29

30Nan iduen a pan wiaui ni ran, me Nain aramas pan sansaledo.Select Luke 17:30

31Ni ran o meamen mi pon im, o a kapwa mi nan im, a ender kodi ong ale. O pil dueta me mimi nan sap, i ender puredo.Select Luke 17:31

32Tamatamanda en Lot a paud!Select Luke 17:32

33Pwe meamen kanakanai ong maur a, pan pupe sang, a me pan kasela, nan i me pan maureta.Select Luke 17:33

34I indai ong komail, ni pong ota ol riamen pan wonon pon pet eu, amen pan peuka sang, a me teio pan mimieta.Select Luke 17:34

35Li riamen pan iris pena plaua, amen pan peuka sang, a me teio pan mimieta.Select Luke 17:35

36Ol riamen pan mi nan sap, amen pan peuka sang, a me teio pan mimieta.Select Luke 17:36

37Irail sapeng potoan ong i: Ia Maing? A kotin masani ong irail: Wasa me man mat mi ia, nan i wasa pwin ikel pan pil pokon pena ia.Select Luke 17:37