18Luke 18

1A PIL kotin masani ong irail karaseras eu, me ren poden kapakap o der pangada.Select Luke 18:1

2A kotin masani: Saunkapung amen mi nan kanim eu, me sota lan Kot, o sota insenoki aramas amen.Select Luke 18:2

3A li odi men mi nan kanim ota, me poto dong i potoan ong: Kom kotin sauasa ia ong me kailong kin ia!Select Luke 18:3

4A a kang mas o, a kadekadeo a mongemongeloleki: Nan i sota lan Kot, o pil sota insenoki aramas,Select Luke 18:4

5A pweki li odi men et a kadiropa ia, i pan sauasa i, pwen der purodo kadiropa ia.Select Luke 18:5

6Kaun o ap kotin masani: Komail rong, me saunkapung sapung indada!Select Luke 18:6

7A iaduen Kot, a sota pan kotin sauasa sapwilim a pilipildar akan, me kin likelikwir ong i ni ran o ni pong? Pala a pan kotin pwapwand?Select Luke 18:7

8I indai ong komail: Nan a pan madang sauasa ir. Ari so, Nain aramas lao pwarado, da, a pan diar poson ni sappa?Select Luke 18:8

9A pil kotin karasai ong irail me kin akapungki pein irail, ap akasapungki me tei kan:Select Luke 18:9

10Aramas riamen kodala ong nan im en kaudok pwen kapakap. Amen ira Parisär, a amen saunopwei men.Select Luke 18:10

11Parisär o kasinenda kelepela ekis wasa kapakap due met: Maing Kot, i danke ir, me i sota dueta aramas tei kan: Lolap, sapung, kamal, de dueta saunopwei men et.Select Luke 18:11

12I kin kaikaisole pan riapak ni wik eu o koleireki eisokkis eu en ai kapwa karos.Select Luke 18:12

13A saunopwei u doo sang ekis wasa, ap sota men sarada nanlang, a a pikir maramar a indada: Maing Kot, re kotin kupura ia me dipan!Select Luke 18:13

14I indai ong komail, ol men et kodila deu a pungala mon me teio. Pwe me kin kasapwilada pein i, pan kasapwilidi, a me kin kasapwilidi pein i pan kasapwilada,Select Luke 18:14

15Irail ap wa dong i kisin seri kai, pwen kotin sair ir. A sapwilim a tounpadak kan lao kilanger, re ap kapoui irail.Select Luke 18:15

16A Iesus kotin molipe ir masani: Mueid ong kisin seri kan, en kodo re i! Der kalik irail edi! Pwe irail me udan wein Kot.Select Luke 18:16

17Melel I indai ong komail, meamen, me sota ale wein Kot rasong kisin seri men, a sota pan pedelong ong lole.Select Luke 18:17

18A monsap amen idok re a masani: Saunpadak mau, da me i en wiada, pwen sosoki maur soutuk?Select Luke 18:18

19Iesus ari kotin masani ong i: Da me koe indaki, me I me mau? Sota me mau men, Kot eta.Select Luke 18:19

20Koe kin asa kusoned akan: Koe der kamal; koe der kamela aramas; koe der pirap, koe der kinekine mal, kakaki sam om o in om!Select Luke 18:20

21I ari indada: Nan mepukat karos i kin wiawia sang ni ai tikitik kokodo.Select Luke 18:21

22Iesus lao mangi mepukat, ap masani ong i: Me ta kis me lua, netikila om kapwa karos, o nene ong me samama kan, a om pai pan mi nanlang, ap kodo idauen ia do.Select Luke 18:22

23A lao rongadar met, ap insensuede kila melel, pwe a kapwapwa kaualap.Select Luke 18:23

24A Iesus lao kotin masani, me a insensuedela, ap masani: Nan me apwal ong me kapwapwa kan, en pedelong ong nan wein Kot.Select Luke 18:24

25Pwe me mangai, kamel en tilong nan por en dikok, sang ol kapwapwa men pedelong ong nan wein Kot.Select Luke 18:25

26Irail me rongerong indada: Ari, is me kak ong maur?Select Luke 18:26

27A kotin masani: Me aramas akan so kak ong, Kot me pan kak ong.Select Luke 18:27

28Petrus ap potoan ong: Re kotin mangi, kit me likid maliela meakaros ap idauen la ir.Select Luke 18:28

29A kotin masani ong irail: Melel I indai ong komail, nan sota me likidmaliela im a, de sam, de in a, de ri a ol akan, de a paud, de na seri kan pweki wein Kot,Select Luke 18:29

30Me so pan id aneki me lapalap ni ansau wet o ni muei kokodo maur soutuk.Select Luke 18:30

31A kotin ukala ekriamen ko masani ong irail: Kilang, kitail kin kodalang Ierusalem, o karos pan pwaida, me intingidier ren saukop akan duen Nain aramas.Select Luke 18:31

32Pwe a pan pangala ren men liki kan, pwe re pan kapikapiti i o ki sang wau i, o kondipi ong i.Select Luke 18:32

33O re pan woki i o kamela, a ni kasilu en ran a pan maureda.Select Luke 18:33

34Irail ari sota man weweki mepukat, O masan pot et me rir sang irail. Re pil sasa, me a kotin masani.Select Luke 18:34

35A kadekadeo ni a koren iong Ieriko, ol maskun amen momod pon kailan al, poekipoeki.Select Luke 18:35

36I lao rongadar pokon o me daudaulul, ap idok due.Select Luke 18:36

37Irail ari indang i, me Iesus men Nasaret kotin daulul.Select Luke 18:37

38I ari ngil laudeda potoan ong: Iesus, sapwilim en Dawid, kotin kupura ia!Select Luke 18:38

39A me tiong moa kidekidaue i, en nenenla: A i ap kalaudela a poekipoeki: Sapwilim en Dawid, kotin kupura ia!Select Luke 18:39

40Iesus ap kotin udi ong wasa o, masani, ol o en wisike dong i. A lao koren iong imp a, ap kotin kainoma re a.Select Luke 18:40

41Masani: Da me koe men, I en wiai ong uk? A potoan ong: Maing, i men potoan ngarada wasa.Select Luke 18:41

42A Iesus kotin masani ong i: Kilang wasa, om poson me kakel uk ada!Select Luke 18:42

43Ap pitipit kilangada wasa, o idauenla i, o kapinga Kot, o aramas karos, me udial met, ap kapikapinga Kot.Select Luke 18:43