19Luke 19

1I ARI kotilong ong nan kanim Ieriko, ap kotin daulula.Select Luke 19:1

2A kilang, ol kapwapwa men mia, ad a Sakäus, me saumas en saunopwei kan.Select Luke 19:2

3A men kilang Iesus, pwen asa, is i, ap sota kak, pweki pokon o, o a sakakair.Select Luke 19:3

4I ari tiong mo ’rail, dauda nin tuka pot, pwen kak kilang i, pwe a pan kotin daulul wasa o.Select Luke 19:4

5A lao lel wasa o Iesus ap kotin masanda diar i, masani ong i: Sakäus, madang daudi, pwe I pan pedelong ong nan im om ran wet.Select Luke 19:5

6I ari madang daudi kasamo i pereperen.Select Luke 19:6

7Irail lao kilanger met, karos ap lipanedeki inda: A pedelonger, pwen kairu ren ol dipan amen.Select Luke 19:7

8A Sakäus potodo potoan ong Kaun o: Maing re kotin mangi, apali en ai kapwa i pan kisakisaki me samama kan, o ma i kotaue amen, i kin kasapal wong i pan pa pak laude sang.Select Luke 19:8

9Iesus kotin masani ong i: Maur me pwara dong nan im wet ran wet, pwe a pil nain Apraam amen.Select Luke 19:9

10Pwe Nain aramas pwara don rapaki o kamaureda me salongalar.Select Luke 19:10

11A ni ar rongadar mepukat, a pil kotin masani karaseras eu, aki koren iong Ierusalem, o re kiki ong, me wein Kot pan madang sansaleda.Select Luke 19:11

12A kotin masani: Ol lapalap amen kolang sap doo eu, pwen nine mar a, ap pan puredo.Select Luke 19:12

13I me eker pena na ladu ek, o ki ong irail paun eisok, indang irail: Komail dodokki, i lao puredo.Select Luke 19:13

14A na aramas akan kailongki i, kadarala mur i kaireki lang i: Se sota mauki, ol men et en kaun kit.Select Luke 19:14

15Kadekadeo a lao puredo, murin a aleer wei o, ap ilakelang ladu kan, me a ki ong na moni, pwen asa duen en amen amen ar kalaudelar na moni.Select Luke 19:15

16Men mas ap pwarado indada: Maing, omui paun kareda paun eisok.Select Luke 19:16

17A indang i: Meid pai ladu mau koe, aki om apapwali mau me tikitik, koe pan id kaunda kanim eisok.Select Luke 19:17

18O kariamen ap pwarado indada: Maing, omui paun me kareda paun limau.Select Luke 19:18

19A pil indang i: Koe pan kaunda kanim limau.Select Luke 19:19

20O pil amen pwarado indada: Maing, mangi, ietet sapwilim omui paun, me i nekidala nan lim en pudo.Select Luke 19:20

21Pwe i masak komui, pwe ol petik amen komui. Komui kin aleda, me kaidin komui kidier, o dolung sang, me kaidin komui padukedier.Select Luke 19:21

22A indang i: Sang nan au om i pan kadeik kin uk ada ladu sued koe. Koe asaer, me ol petik amen ngai, me kin ale, me kaidin ngai kidier o dolung sang, me kaidin ngai padukidier.Select Luke 19:22

23Menda koe sota wala nai moni wasan kanaitik, o i lao puredo, i pan ale me udan ai iangaki moni naitik.Select Luke 19:23

24A indai ong irail me u impa: Ale sang i paun o, ki ong ren me a paun eisok!Select Luke 19:24

25Irail indai ong i: Maing, nan a nainekier paun eisok.Select Luke 19:25

26Pwe I indai ong komail, meamen, me a mia, ekis pan ko ong, a me sota a mia, nan a pwitikatik pil pan katia sang.Select Luke 19:26

27A ir, ai imwintiti, me kang, i en kakaun ir, wa ir do, o kame ir ala mo i!Select Luke 19:27

28A lao kotin kaimwisokala a masan pukat, ap kotiwei kotidala Ierusalem.Select Luke 19:28

29Kadekadeo a lao koti dong Petpake o Petanien impan dol me ad a Oliwe, ap kotin poronela sapwilim a tounpadak riamen,Select Luke 19:29

30Masani: Koma ko ong nan kanim monen, koma lao pedelong, koma pan diarada esel pul amen salidi, me aramas amen saik mondi poa. Lapwada i, ap karedo!Select Luke 19:30

31A ma meamen pan idok re oma: Da me koma lapwa kida i? Koma ap pan inda: Kaun o men dake.Select Luke 19:31

32A ira me pakadara wei, ap kola o diarada, duen a kotin masani ong ira.Select Luke 19:32

33A ni ara lawada esel pul o, ol oko, me naineki, ap indang ira: Da me koma lawa kida esel pul en?Select Luke 19:33

34Ira ap indada: Kaun o men dake.Select Luke 19:34

35Ira ari wado ren Iesus, ap irepadi pon esel pul arail likau kan ap potoan dang Iesus poa.Select Luke 19:35

36Ni a kotikot kokowei, irail ap irepakidi arail likau kan nani al.Select Luke 19:36

37A lao kotin korendor kotidila dol Oliwe tounpadak kan karos ap wiaki eu ngil laudeda kapinga Kot, pweki manaman akan karos, me re kilanger,Select Luke 19:37

38Indada: Kapinga ong Nanmarki, me kotido ni mar en Kaun! Nanlang en popol o lingan wasa ileile!Select Luke 19:38

39A Parisär kai kisan pokon o indai ong i: Saunpadak, kotin kidaue sapwilim omui tounpadak kan.Select Luke 19:39

40I ari kotin sapeng masani ong irail: I indai ong komail, ma mepukat pan nenenla, takai pan id kadededa.Select Luke 19:40

41A lao kotin korendor, ap masani kanim o, ap tontonireki,Select Luke 19:41

42Masani: O i men, koe en dedeki om ran mau wet, me pan kare ong uk popol: Ari, a rir sanger mon mas om.Select Luke 19:42

43Pwe ran apwal ko pan lel ong uk, me om imwintiti pan kele kin uk pena o it pena sang ni pali karos;Select Luke 19:43

44O irail pan kase uk ala iangaki noum seri kan, o re pan karongk uk ala; sota eu takai pan mimieta pon eu, pweki om sota dedeki ansaun om kasosong.Select Luke 19:44

45I ari kotilong ong nan im en kaudok, ap sikon sang me netinet lole,Select Luke 19:45

46Masani ong ir: Nan a intingidier: Im ai im en kapakap, a komail wiaki deun lolap akan.Select Luke 19:46

47I ari kotin kaukawewe nan im en kaudok ran karos. A samero lapalap, o saunkawewe, o me lapalap akan ren aramas raparapaki, en kamatala i.Select Luke 19:47

48A re sota kak diar, me ren wiada, pwe aramas karos apwali i kaualap o men rong i.Select Luke 19:48