2Luke 2

1A KADEKADEO ni ran oko nanmarki Aukustus masani, toun sap akan pan wadawad pena.Select Luke 2:1

2I wadawad kaieu, me wiauier ni muein Kirenius kopina en Sirien.Select Luke 2:2

3Amen amen koieilang udan sap we, pwen iang wadawad.Select Luke 2:3

4Iosep ari pil kotila sang Nasaret nan Kaliläa, kotilang Iudäa nan kanim Petleem, me udan kanim en Dawid, pwe i kisan kadaudok en Dawid,Select Luke 2:4

5Pwen wadawad iangaki Maria, me kisin nin ong i o me lisean.Select Luke 2:5

6Kadekadeo ira lao kot wasa o, a ansau ap leler pwen naitik.Select Luke 2:6

7I ari naitikeda na meseni men, ap kitimki pena likau en seri kai, o pwilikidi ong nan deun kamanga man, aki im en kairu a koitalar.Select Luke 2:7

8Silepan sip kai mi nan sap o sinsila ar pwin sip ni pong.Select Luke 2:8

9A kilang, tounlang en Kaun amen pwara dong ir, o lingan en Kaun dakar irail ada, ir ari masapwekadar kaualap.Select Luke 2:9

10A tounlang o masani ong irail: Komail der masak, kilang, i wa dong komail rongamau, me pan kaperenda aramas karos.Select Luke 2:10

11Pwe Saunkamaur ipwidi ong komail ran wet nan kanim en Dawid iei Kaun Kristus.Select Luke 2:11

12A iet kilel ong komail: Komail pan diar seri o a kidikidiki pena likau en seri o wonon nan deun kamanga man.Select Luke 2:12

13A madang pwin en tounlang ngederenia mi ren tounlang o, me kapinga Kot masani:Select Luke 2:13

14Kapinga ong Kot wasa ileile o sappa en popol; o aramas konekonelar!Select Luke 2:14

15Kadekadeo tounlang kan lao kotila sang ir, kotidala nanlang, silepan sip akan ap inda nan pung arail: Kitail pan kola Petleem pwen kilang me wiauier wasa o, me Kaun o kotin kasale ong kitail er.Select Luke 2:15

16Irail ari madangedo, ap diaradar Maria i Iosep o seri o, a wonon nan deun kamanga man.Select Luke 2:16

17Irail lao kilanger, rap kalok sili me re kasokasoi ong ir duen kisin seri o.Select Luke 2:17

18A karos, me rongadar, puriamuiki en silepan sip oko ar kasokasoi ong irail.Select Luke 2:18

19A Maria nekinekid masan pukat karos o madamadauaki nan mongiong i.Select Luke 2:19

20O silepa ko puredo kalinganada o kapinga Kot duen karos, me irail rongadar o kilanger, duen a loloke dong irail er.Select Luke 2:20

21Kadekadeo murin pong walu pong, ran en a sirkomsais, re ki ong mar a Iesus, duen me tounlang kotiki ong mon a kotin ipwidier.Select Luke 2:21

22Ran akan en a kamakelekel lao daulier duen kapung en Moses, ira ap wa dong i Ierusalem, pwen mueid ong Kaun o.Select Luke 2:22

23Duen a intingidier nan kapung en Kaun o: Meseni ol karos me saraui ong Kaun o.Select Luke 2:23

24O pwen kida mairong eu, duen me intingidier nan kapung en Kaun: Turtel muroi riamen de muroi pulepul riamen.Select Luke 2:24

25A kilang, aramas amen mi Ierusalem, mar a Simeon, iei aramas o me pung o masak Kot, o auiaui kapol pan Israel, o Ngen saraui kotikot re a.Select Luke 2:25

26A Ngen saraui kotin kasale ong i, me a sota pan mela, mon a pan kilang sapwilim en Kaun Kristus.Select Luke 2:26

27O Ngen saraui kotiki ong i, en kolang im en kaudok. A sam o in a lao walong ong nan im en kaudok seri o, pwen kapwaiada duen tiak en kapung o,Select Luke 2:27

28I ap koledi i kapinga Kot indada:Select Luke 2:28

29Maing, re kotin kasamo sapwilim omui ladu popol duen omui masan,Select Luke 2:29

30Pwe mas ai udialer omui kamaur,Select Luke 2:30

31Me re kotin kauada sansal mon aramas karos.Select Luke 2:31

32Pwen marain eu, me kamaraineki men liki kan, o kalinganada sapwilim omui men Israel.Select Luke 2:32

33A sam a o in a puriamuiki meakan, me re indinda duen i.Select Luke 2:33

34Simeon ari kapai ir ada indang Maria in a: Kom kotin mangi, men et me sapwile dong kapupedi o kamaureda me toto ren men Israel, kilel eu, me re pan kaundenkoma.Select Luke 2:34

35Nan kodlas pan dokodi ngen omui, pwe mongiong en me toto en mulekiada.Select Luke 2:35

36O li saukop amen mia, mar a Ana, nain Panuel kisan kadaudok en Aser, me likailapalar, me papaud saunpar isu sang ni ansaun a makelekel.Select Luke 2:36

37I ari li odi men saunpar waleisok paieu tauer poa, ap sota kin pedoi sang nan im en kaudok, papa Kot kaisesol o kapakap ni ran o ni pong.Select Luke 2:37

38I me pil pwarado ni klok ota, kapinga Kaun o kasokasoi duen i ong toun Ierusalem karos, me auiaui saunkamaur.Select Luke 2:38

39Irail kanikiela karos duen kapung en Kaun o, re ap purelang Kaliläa nan kanim Nasaret.Select Luke 2:39

40A seri o kakairida, o ngenin, o dire kila erpit, o kalangan en Kot kotin ieiang i.Select Luke 2:40

41Ni par karos sam a o in a kotilang Ierusalem iang kamadip en pasa.Select Luke 2:41

42A lao saunpar eisokriau, irail ap kotilang Ierusalem, duen re kin wia, pwen iang kamadip en pasa.Select Luke 2:42

43Ran oko lao daulier, irail purelang sap arail, a seri Iesus kotikot eta Ierusalem, a sam o in a sota mangi.Select Luke 2:43

44A ira kiki ong, me a kotin iang kapar o tiong mo ’ra. Ira kokola ran eu, ap rapaki i nan pung en sau ’ra o ren men imp arail akan.Select Luke 2:44

45Ni ara sota diaradar i, ira ap purelang Ierusalem rapaki i.Select Luke 2:45

46Kadekadeo murin pong sili pong ira diaradar i nan im en kaudok, kaipokedi nan pung en snunpadak kan, kotin mamangi ir o kaikainoma irail.Select Luke 2:46

47A karos me rongadar i puriamuiki a kupurokong o a sapasapeng.Select Luke 2:47

48Ira lao diaradar i, ap puriamuiki. In a ap masani ong i: Nai seri, da me kom wiaki ong kit met? Mangi, sam omui o ngai raparapa kin komui sangesang.Select Luke 2:48

49A kotin masani ong ira: Menda koma rapa kin ia? Koma sota asa, me I en mimieta nan me Sam ai?Select Luke 2:49

50Ira ari sota weweki a masan ong ira.Select Luke 2:50

51A ap kotin iang ira kotidilang Nasaret papa ira, a in a nekinekid masan pukat karos nan mongiong i.Select Luke 2:51

52Iesus ari kupurokong, kokoda, lalaudela, o masamas ren Kot o aramas akan.Select Luke 2:52