20Luke 20

1KADEKADEO eu ran ni a kotin kawewe ong aramas akan nan im en kaudok o, o padaki rongamau, samero lapalap, o saunkawewe, iangaki saumas akan ap ko dong i.Select Luke 20:1

2Potoan ong i indada: Masani ong kit, manaman en is, me komui wiaki mepukat? De is me ki ong komui manaman wet?Select Luke 20:2

3A kotin sapeng masani ong irail: I pil pan kalelapok meakot re omail, komail en sapeng ia!Select Luke 20:3

4En Ioanes a paptais men nanlang, de me ren aramas?Select Luke 20:4

5Irail ap lamelame nan pung arail indada: Ma kitail pan inda, men nanlang, a pan masani ong kitail: Da me komail so posonki i?Select Luke 20:5

6A ma kitail inda, me ren aramas, aramas karos ap pan kate kit, pwe re kin wia saukopki Ioanes.Select Luke 20:6

7Irail ari sapeng, me re sasa, wasa me a kosang ia.Select Luke 20:7

8Iesus ap kotin masani ong irail: Ari, I pil sota pan indai ong komail, manaman en is, me I wiaki mepukat.Select Luke 20:8

9A ap kotin tapiada masani ong pokon o karaseras wet: Aramas amen padukedier mat en wain eu, ap liki ong saumat akai, o kokola nan wai ansau warai.Select Luke 20:9

10A lao ansau, a kadaralang saumat akan ladu men, pwe ren ki ong kisan wan wain. A saumat akan woki i, o kadarala i kaip.Select Luke 20:10

11A murin met a pil kadarala amen ladu, a re pil woki i, o wia suedi ong, o kadarala i kaip.Select Luke 20:11

12A murin met a kadarala kasilimen. A re pil kame i o siken wei sang.Select Luke 20:12

13Monsap en mat en wain o ap masani: Da me i en wiada? I pan kadarala nai ol kompok, ele re pan masak, ni ar pan kilang i.Select Luke 20:13

14A saumat akan lao kilanger i, rap lamelame nan pung ar indada: Iei i, me pan ale soso, kitail pan kamela, pwen id aneki a soso.Select Luke 20:14

15Irail lao kasapoka sang i nan matuel o, ap kamela i. Da me monsap en mat en wain pan wiai ong irail?Select Luke 20:15

16A pan kodo kamela saumat pukat, ap liki ong akai a mat en wain. Irail lao ronger mepukat, rap indada: O mepukat sota pan wiaui!Select Luke 20:16

17A kotin saupei wong irail ap kotin masani: Iaduen wewe en inting wet: Takai o, me sause kasapokela, id wiala takai en pukakaim?Select Luke 20:17

18Meamen, me pupedi pon takai wet pan ola. A me a pupedi ong poa, a pan kapitaka pasang i.Select Luke 20:18

19I dokan o saunkawewe o samero lapalap akan raparapaki en saikidi i. A re masak aramas akan, pwe re muilikiada, me a karaseras kin irail.Select Luke 20:19

20Irail ari masamasan i o kadarala liparok kai, me pan wia kin pein irail aramas pung, pwe ren saikikidi i a masan akan ap pangalang saunkapung o manaman en kopina.Select Luke 20:20

21Irail ari kalelapok re a potoan ong: Saunpadak, kit potoan asa, me ar masan o padak kan me pung, o re sota kotin kupuroki sansal en aramas. Pwe re kin kotin kaukaweweda melel duen al en Kot.Select Luke 20:21

22Me pung kit en nopwei ong nanmarki, de so?Select Luke 20:22

23A i kotin mangi ar widing, ap masani ong ir: Da me komail kasongesong kin ia?Select Luke 20:23

24Kasale dong ia denar eu! Mom en is o inting wet? Re sapeng potoan ong: En nanmarki.Select Luke 20:24

25A i kotin masani ong irail: Ari komail ki ong nanmarki, me nain nanmarki, o ong Kot, me sapwilim en Kot!Select Luke 20:25

26Irail ari sota kak saikikidi i a masan akan mon pokon o. Irail puriamuiki me a kotin sapeng, o nenenlata.Select Luke 20:26

27Sadusär akai, me kin inda, me dene melar akan solar pan maureda, ap kai dong i kalelapok re a,Select Luke 20:27

28Potoan ong: Saunpadak, Moses intingie dong kit, ma ri ol en amen pan mela, me a paud li dapwan men, ri a ol ap pan paudekida i, pwen kaipwi ong ri a ol na seri kai.Select Luke 20:28

29Ari, pwin pirien, ol isimen mia, men mas paudeki li amen, ap mela, a sota na seri ko.Select Luke 20:29

30A kariamen paude kida li o ap mela a sota na seri ko.Select Luke 20:30

31A kasilimen paude kida i, iduen ir isimen karos, re mela, ap sota nairail seri ko.Select Luke 20:31

32A ikmuri li o pil mela.Select Luke 20:32

33Ari, ni en me melar akan ar iasada, a pan en is a paud? Pwe ir isimen karos paude kida i.Select Luke 20:33

34Iesus kotin masani ong irail: Seri en sappa et kin papaud o kapapaud.Select Luke 20:34

35A me war ong ale eu sap o konodi maureda sang ren me melar akan, re sota kin papaud de kapapaud.Select Luke 20:35

36Pwe re pil solar kak mela. Pwe re paroki ong tounlang kan, o re seri en Kot akan, pwe re seri en kamaur.Select Luke 20:36

37A duen en me melar akan ar pan maureda, Moses pil kadededa, ni a udial tuka o, ni a kaadaneki Kaun o: Kot en Apraam, o Kot en Isaak, o Kot en Iakop.Select Luke 20:37

38Pwe Kot kaidin Kot en me melar akan, a en me maur akan, pwe karos memaur ong i.Select Luke 20:38

39A Saunkawewe kai sapeng indada: Saunpadak, ar masan me pung.Select Luke 20:39

40Irail ap solar kak peidok re a okotme,Select Luke 20:40

41I ari kotin masani ong irail: Iaduen ar indinda, me Kristus nain Dawid?Select Luke 20:41

42A pein Dawid katitiki nan puk en Psalm: Kaun o kotin masani ong ai Kaun: Mondi ong ni pali maun i.Select Luke 20:42

43Lao I pan wia kida om imwintiti utepan nä om.Select Luke 20:43

44Dawid ari wia kin i a Kaun, a iaduen a pan kak na ol?Select Luke 20:44

45A ni aramas karos rongadar, a kotin masani ong sapwilim a tounpadak kan:Select Luke 20:45

46Kalaka saunkawewe kan, me kin mauki momait sili nan likau reirei o mauki, aramas en ranamau ong irail nan wasa en netinet akan, o men mondi leppantam nan sinakoke kan o ni tapin tepel.Select Luke 20:46

47Me kin ngopur im en li odi kan, liasoski kapakap reirei, mepukat pan pangalang kadeik apwal.Select Luke 20:47