21Luke 21

1A KOTIN aupwil sili ap masani, me kapwapwa kan kasedi ong ar mairong nan deun mairong.Select Luke 21:1

2A pil kotin masani, me li odi samama men kasedi ong lepta riau.Select Luke 21:2

3A kotin masani: Melel I indai ong komail, li odi samama men et kasedi ong laude sang irail karos.Select Luke 21:3

4Pwe mepukat karos kasedi ong mairong en Kot sang ni ar pai, a li men et kasedi sang ni a samama, a dipisou karos, me a naineki.Select Luke 21:4

5Akai lao kasokasoiadar duen im en kaudok, me kapwata kida takai kasampwal akan o kapwa en mairong kai, ap kotin masani:Select Luke 21:5

6Ran oko kokodo, karos, me komail ududial, pan karangk pasang, sota eu takai pan mi pon eu.Select Luke 21:6

7Irail kalelapok re a potoan ong: Saunpadak iad mepukat pan pwaida? O da pan kilel en mepukat pan wiaui?Select Luke 21:7

8A kotin masani: Komail kalaka, pwe meamen de kotaue komail! Pwe me toto pan kodo ni ad ai o pan inda: Ngai i o ansau korendor! A komail der idauen ir ala.Select Luke 21:8

9A komail lao rong duen mauin o muei sued, ender masak, pwe mepukat pan wiaui mas, a saikenta imwi.Select Luke 21:9

10A kotin masani ong irail: Toun sap eu pan u ong eu sap, o wei eu pan u ong eu wei.Select Luke 21:10

11O rerer laud en sap akan pan wiaui, o lek, o song en somau pan pwaida, o pil sansal kamasapwek kai, o kilel lapalap akan pan pwarada sang nanlang.Select Luke 21:11

12A mon mepukat re pan saik komail edi, o kame komail, o panga komail la nan sinakoke kan o imateng pwen kalualang ren nanmarki o saumas akan pweki ad ai.Select Luke 21:12

13A mepukat pan wiaui ong komail, pwen kadede kin ia.Select Luke 21:13

14Komail ari inauki ong pein komail nan mongiong omail, me komail sota pan patauki, me komail pan sapengki.Select Luke 21:14

15Pwe ngai me pan kalokaia komail, o kalolekongla, pwe me kailong kin komail, en sota kak kalikama, o so palian.Select Luke 21:15

16A sam o in omail, o ri ol akan, o sau omail, o kompokepa kan pan panga komail la, o akai komail me re pan kamela.Select Luke 21:16

17O aramas karos pan kailong kin komail pweki ad ai.Select Luke 21:17

18A sota pit en mong omail pit pan lokidokila.Select Luke 21:18

19Dore kila kanongama maur omail:Select Luke 21:19

20A komail lao udial, me saunpei kan kapili pena Ierusalem, komail ap asaki, me a ola korendor.Select Luke 21:20

21A me mimi Iudäa, ni ansau o, en tangdala nan nana; o me mi nan warong a, en pitila sang; o me mimi nan sap, ender purelang i.Select Luke 21:21

22Pwe i ansaun depuk, pwe karos, me intingidier, en pwaida.Select Luke 21:22

23Suedi ong me lisean o me kadidi seri ni ran oko! Pwe kalokolok pan lapalapia nan sap et o ongiong ong aramas pukat.Select Luke 21:23

24O re pan kame kila kodlas, o salilang wei karos, o Ierusalem pan tiak pasang ren men liki kan, lao ansau en men liki kan, pan lel.Select Luke 21:24

25O kilel akan pan wiaui ni katipin, o saunipong, o usu kan, o aramas nan sappa pan masak o pan pingidar, o madau o iluk kan pan angiang ngil laudeda;Select Luke 21:25

26O aramas akan pan okila ar masak o auiaui me pan wiaui nan sappa; pwe kel en lang akan pan mokideda.Select Luke 21:26

27Irail ap pan kilangada Nain aramas a kodido ni dapok ki roson o lingan kaualap.Select Luke 21:27

28Mepukat lao pikikidi wiaui, komail ap sarada o kasinenda, pwe a leler omail kamaioda.Select Luke 21:28

29A kotin masani karaseras eu ong irail: Kilang tuka pik o tuka karos!Select Luke 21:29

30Ni omail kilang me irail wiliada, komail kin asaki, me rak o me korendor.Select Luke 21:30

31Iduen komail, komail lao kilang mepukat lao wiaui, komail asaki, me wein Kot korendor.Select Luke 21:31

32Melel I indai ong komail, di wet sota pan imwila mon mepukat karos pan pwaida.Select Luke 21:32

33Lan o sappa pan sorela, a ai masan akan sota pan poula.Select Luke 21:33

34Komail ari kalaka pein komail, pwe mongiong omail de toutouki kaped en manga, o kamom sakau, o ngongongki maur et, o ran o ap madang lel dong komail.Select Luke 21:34

35Pwe likamata insar eu, a pan ko dong karos, me kin kakauson sappa.Select Luke 21:35

36Komail ari masamasan o poden kapakap, pwe komail en war ong en piti sang mepukat karos, me pan wiaui, o en pat ong Nain aramas.Select Luke 21:36

37Ni ran o a kotin kaukawewe nan im en kaudok o, a ni pong a kotieila kotikot pon dol o me adaneki Oliwe.Select Luke 21:37

38O aramas karos sangkonai pokon dong i nan im en kaudok o, pwen rong i.Select Luke 21:38