23Luke 23

1TOUN pokon karos ap kasinenda kalualang i ren Pilatus.Select Luke 23:1

2Irail ari pikikidi impimpa i indada: Se diarada lap men et, me a kin kaweid sapung aramas akan o inapwiedi, ender nopwei ong nanmarki, ap inda, me dene pein i Kristus o nanmarki.Select Luke 23:2

3Pilatus ari idok re a masani: Nanmarki en Sus akan komui? A kotin sapeng i masani: Komui me inda.Select Luke 23:3

4Pilatus ap masani ong samero lapalap akan o pokon o: Sota dip, me i diar ren aramas men et.Select Luke 23:4

5A irail ngidingideki i indada: A kin kapeida aramas ni a kaukawewe sili nan Iudäa, tapiada Kaliläa kokodo lel sap wet.Select Luke 23:5

6Pilatus lao rongadar Kaliläa, ap idok, ma i aramas en Kaliläa men.Select Luke 23:6

7A i lao rongadar, me kisan toun wein Erodes, ap kadarala i ren Erodes, me pil kotikot Ierusalem ni ran oko.Select Luke 23:7

8Erodes lao masani Iesus, ap perenda kaualap, pwe me warai a kin anane udial i, pweki me toto a rongadar iran i, o a pil kaporoporeki, me a pan udial kilel eu sang re a.Select Luke 23:8

9I ari kalelapok re a ni masan toto. A i sota kotin man sapeng i.Select Luke 23:9

10A samero lapalap o saunkawewe kan kasinenda o impimpa i kaualap.Select Luke 23:10

11A Erodes o na saunpei kan mamaleki i o likauki i likau puetepuet o kapure wong i ren Pilatus.Select Luke 23:11

12A ni ran ota Pilatus o Erodes insenemau pena, pwe mas o ira imwintiti pena.Select Luke 23:12

13A Pilatus kapokon pena samero lapalap, o monsap, o aramas akan,Select Luke 23:13

14Ap masani ong irail: Komail wa dong ia aramas men et, dene kaweid sapung aramas akan. A kilang, i kalekalelapok re a mo ’mail, ap sota dip, me i diar ren aramas men et, duen me komail katikatipiaki i.Select Luke 23:14

15Erodes pil so, pwe i kadar wong i komail. A kilang, sota me a wiadar pwen kame kila i.Select Luke 23:15

16Ari, i pan woki i ap lapwada.Select Luke 23:16

17Pwe a pan udan lapwa dang irail meamen nin kamadip o.Select Luke 23:17

18Irail karos ap likelikwir indada: Kasapokela men et o lapwa dong kit Parapas!Select Luke 23:18

19Me lokidokilar nan imateng aki moromorong eu o kamela en aramas amen, me wiauier nan kanim o.Select Luke 23:19

20Pilatus ari men lapwada Iesus, ap pil masani ong irail.Select Luke 23:20

21A irail likelikwir indada: Kalopuela, kalopuela i!Select Luke 23:21

22A masani ong irail kasilepak: Pwe me sued da, me a wiadar? Sota me i diaradar re a, me i en kamata kila. Ari, i pan woki i ap lapwada.Select Luke 23:22

23A irail nantiong weriwereda ngidingidiki i, me a en lopuela; o ar weriwer o en samero lapalap akan lalaudelar.Select Luke 23:23

24Pilatus ap inda, me ar poekipoek en pwaida,Select Luke 23:24

25Ap lapwada i, me lokidokilar nan imateng aki moromorong eu o kamela en aramas amen, me irail poeki, ap mueid ong irail Iesus, en wiai ong i duen insen arail.Select Luke 23:25

26O ni arail kalua wei i, re ap saikidi Simon men Kirene, me kodo sang nan sap o. Ir ari kidang po a lopu, pwen wala murin Iesus.Select Luke 23:26

27O pokon kalaimun idauenla i, o li kai me sangesang o mamaukeki i.Select Luke 23:27

28Iesus kotin saupei dong irail masani: Li en Ierusalem akan, ender sangesang kin ia, a sangesang kin pein komail o noumail seri kan.Select Luke 23:28

29Pwe kilang, ni ran oko kokodo aramas pan indinda: Meid pai li dapwan o irail me sota naitik, o didi kan, me sota kadidi!Select Luke 23:29

30Re ap pan pikikidi ekeker ong nana kan: Pupedi ong po at! O ong dol akan: Kadupal kit edi!Select Luke 23:30

31Pwe ma re wiadar mepukat ong tuka maur, da me re pan wia ong tuka mongedi?Select Luke 23:31

32A pil lolap riamen iang i kalua wei kamela.Select Luke 23:32

33Irail lao lei wasa, me adaneki pondal en mong, ap kalopuela i o me lolap oko, amen ni pali maun o amen ni pali maing.Select Luke 23:33

34Iesus ap kotin masani: Sam (ai), Kom kotin maki ong irail, pwe irail sasa, me re wiawia. Irail ari nene pasang sapwilim a likau kan o kadoropwa kida.Select Luke 23:34

35Aramas me u kangkakil o monsap akan iang irail kapikapiti i indada: A kamaureda akai, i en kamaureda pein i, ma i Kristus sapwilim en Kot.Select Luke 23:35

36A saunpei kan pil kapikapiti i, kai ong i, ki ong i pinika,Select Luke 23:36

37Indada: Ma koe Nanmarki en Sus akan, en kapitila pein uk.Select Luke 23:37

38A pil inting eu, me intingidier ponangen i ni lokaia en Krik, o Latain, o Ipru: Iet Nanmarki en Sus akan.Select Luke 23:38

39A amen ren lolap oko, me langadar, lalaue i indada: Kaidin koe Kristus Kapiti sang pein uk o kit!Select Luke 23:39

40Me teio ap sapeng, kapung ong i indada: Koe pil sota masak Kot ni om iang kadeik wet?Select Luke 23:40

41Pwe ata kalokolok me pung, pwe iduen ata wiawia kan, a ol men et sota wiadar meakot me sued.Select Luke 23:41

42Ap potoan ong Iesus: Maing, re kotin kupura ia, lao re kotida nan wei ar.Select Luke 23:42

43Iesus ap kotin masani ong i: Melel I indai ong uk, ran wet koe pan iang ia mi nan paradis.Select Luke 23:43

44Ni auer kawonu ap rotorotala nan sap karos lao lel auer kaduau,Select Luke 23:44

45O katipin rotorotala, o likau en pera en im en kaudok o dei pasang sang poa lel pa.Select Luke 23:45

46Iesus ap kotin kapitie laudeda masani: Sam (ai), i mueidalang ngen i nan lim omui kan. A lao kotin masanier met, ap kotin poular.Select Luke 23:46

47A saumas en saunpei o, ni a kilanger me wiauier, ap kapikapinga Kot indada: Melel, aramas men et me pung.Select Luke 23:47

48O aramas karos me pokon penaer pwen iang kilang, lao kilanger me wiauier, ap pikir maramar arail o pure pasang.Select Luke 23:48

49A kompokepa kan karos o li akan, me idauendo i sang Kaliläa, u kailawei, kilekilang mepukat.Select Luke 23:49

50O kilang ol amen, me mar a Iosep, saunkapung amen, ol mau o pung amen,Select Luke 23:50

51Me sota apali ong irail ni ar kapukapung o wiawia kan, men Arimatia, kanim eu en Iudäa, me pil auiaui wein Kot,Select Luke 23:51

52I me poto dong Pilatus poekipoeki kalep en Iesus.Select Luke 23:52

53I ari kidi sang i o kidimki pena likau linen kaselel o kidi ong nan sousou, me weiweida nan paip, wasa me saikenta amen saredi ia.Select Luke 23:53

54A ran o ran en kaonop o sapat korendor.Select Luke 23:54

55A li akan, me iang i kodido sang Kaliläa, pil iang udial sousou o, wasa me kalep a nekinekid ia.Select Luke 23:55

56Irail ap purer o kaonopada potik kai o men usor, re ap kamol ni ran en sapat duen kusoned o.Select Luke 23:56