10Mark 10

1IESUS ap kotila sang wasa o, koti dong wein Iudäa, palila sang Iordan. Aramas ap pil pokon dong re a. A ap pil pur ong padak kin ir, due me a kin wiawia.Select Mark 10:1

2Parisär kai ap kodo peipeidok re a: Me pung, ol en muei sang a paud? Irail ari kasongesong i.Select Mark 10:2

3A ap kotin sapeng masani ong irail: Da me Moses masani ong komail?Select Mark 10:3

4Re ap sapeng: Moses mueideda kisin likau en kamueit en wiaui, ap muei sang.Select Mark 10:4

5Iesus ap kotin sapeng masani ong irail: Pweki omail kapitakai, me a intingie kida kusoned wet.Select Mark 10:5

6A nin tapin sappa a wiauiata: Kot a kotin wia ira da ol o li.Select Mark 10:6

7I me aramas amen pan pededi sam a in a, pat ong eta a paud.Select Mark 10:7

8Ira ari pan uduk eta eu, ira soer riamen, a uduk eta eu.Select Mark 10:8

9Ari, meakot Kot kapad penaer, aramas der kamueit pasang!Select Mark 10:9

10Nan im o sapwilim a tounpadak kan pur ong kalelapok re a due.Select Mark 10:10

11I ari kotin masani ong irail: Meamen, me muei sang a paud li, ap ale amen, a kamal i.Select Mark 10:11

12O ma li amen muei sang a paud, ap ale amen, a kin kamal.Select Mark 10:12

13Re ap poto dong re a kisin seri kai, pwen kotin sair ir. Tounpadak kan ap kapoui irail me wado ko.Select Mark 10:13

14Ni en Iesus a kotin masani, a ap kotin suede kida, ap masani ong irail: Mueid ong kisin seri akan, en ko dong re i. Der kalik irail edi! Pwe iei song en, me udan wein Kot.Select Mark 10:14

15Melel I indai ong komail, meamen, me sota ale wein Kot rasong kisin seri men, a sota pan pedelong ong lole.Select Mark 10:15

16A kotin palo irail edi, pwil po ’rail lim a ko, kapai irail ada.Select Mark 10:16

17Ni a kotiieilang nani al o, meamen ap tang dong i, kelepukedi, kalelapok re a: Saunpadak mau, da me i en wia, pwe i en soki maur soutuk?Select Mark 10:17

18Iesus ap kotin masani ong i: Da me koe indaki, me I mau? Sota meamen me mau, Kot eta.Select Mark 10:18

19Koe kin asa kusoned akan: Koe der kamal! Koe der kamela! Koe der pirap! Koe der kinakine mal! Koe der morsued! Wauneki sam om o in om!Select Mark 10:19

20A ap sapeng potoan ong i: Saunpadak, mepukat i kin wiawiada sang ni ai tikitik kokodo.Select Mark 10:20

21Iesus ap kotin mamasani i o kupura, ap masani ong i: Me takis me lua, kowei, netikila meakaros, me koe aneki, ki ong me samama kan; om pai ap pan mi nanlang; ap kodo, ale om lopu idauen ia!Select Mark 10:21

22I ari patau kila masan pot et, kokola insensued, pwe a kapwa me toto.Select Mark 10:22

23Iesus ap kotin aupwili sili, ap masani ong sapwilim a tounpadak kan: Meid apwal ong me kapwapwa, en pedelong ong nan wein Kot.Select Mark 10:23

24Tounpadak kan ap puriamui kila a masan oko. Iesus ap pil kotin sapeng masani ong irail: Seri ko! Meid apwal ong irail, me keleki kapwa, en pedelong ong nan wein Kot.Select Mark 10:24

25Me mangai ong kamel en tilong nan por en dikok, sang me kapwapwa en ko ong nan wein Kot.Select Mark 10:25

26Irail ari waponda kaualap, indinda nan pung arail: A is me kak kamaurela?Select Mark 10:26

27Iesus ap kotin mamasani wong irail masani: A so kak pan aramas, a kaidin pan Kot; pwe ren Kot meakaros me kak.Select Mark 10:27

28Petrus ap tapiada potoan ong: Re masani, se likidmaliela meakaros, ap idedauen komui sili.Select Mark 10:28

29Iesus ap kotin sapeng masani! Melel I indai ong komail: Sota meamen, me likidmaliela im, de ri a ol, de li akan, de sam, de in, de a paud, de seri ko, de sap pweki ngai o rongamau,Select Mark 10:29

30Me so pan id aneki pan me epuki ansau wet im, o ri a ol, o li akan, o nono, o seriko, o sap, iangaki kamekam, o maur soutuk nan muei kokodo.Select Mark 10:30

31A me toto men moa, pan men murla, o men mur pan moala.Select Mark 10:31

32Ni arail kotikot kodalang Ierusalem, Iesus me kotin tiong mo ’rail; a irail puriamui kila, idedauen wapon. A ap kotin ale ekriamen oko, ap kotin tapiada masani ong irail, me pan wiaui ong i ko:Select Mark 10:32

33Kilang, kitail kodalang Ierusalem. Nain aramas pan pangalang samero lapalap o saunkawewe kan; re ap pan kadeikada, en kamela, ap id kilang ren me kisan men liki kan.Select Mark 10:33

34Re ap pan kapikapit i, o woki, o kondipi, o kamela. A ap pan maureda murin ran silu.Select Mark 10:34

35Iakopus i Ioanes nain Sepedäus akan potodo, potoan ong i: Saunpadak, se men, komui en kotin wiai ong kit meakot, me se mauki.Select Mark 10:35

36A ap kotin masani ong ira: Da me koma mauki, I en wiai ong koma?Select Mark 10:36

37Ira ap potoan ong i: Re kotin mueid ong kit, amen kit en mod pali maun omui, a amen pali maing nan omui lingan.Select Mark 10:37

38A Iesus kotin masani ong ira: Koma sasa, me koma poekipoeki en. Koma pan kak nim dal, me I nim, de paptaiseki paptais me I paptaiseki?Select Mark 10:38

39Ira ap potoan ong i: Se kak. Iesus ap kotin masani ong ira: Ei, koma pan nim dal me I nim, o paptaiseki paptais, me I paptaiseki.Select Mark 10:39

40A mod pali maun i o pali maing i, I sota kak mueid ong; pwe ong irail eta, me a onop ong.Select Mark 10:40

41Ni en ek oko ar rongada, re ap suedekida Iakopus i Ioanes.Select Mark 10:41

42Iesus lao molipe ir do, ap kotin masani ong irail: Komail asa duen saupeidi en wei pokon ar kin poe irail edi o ar saumas akan kin manaman ong ir.Select Mark 10:42

43Ari, due met sota pan wiaui nan pung omail. A me men laud nan pung omail, a en omail papa.Select Mark 10:43

44Meamen re omail, me men saumas, en ladu en karusia.Select Mark 10:44

45Pwe pil Nain aramas sota kotido, pwe en papa i, a pwen papa ong irail, kida maur i wiliandi me toto.Select Mark 10:45

46Irail ap ko dong Ieriko. Ari, ni i o sapwilim a tounpadak kan o pokon kalaimun kotiiei sang Ieriko, Partimäus maskun, nain Timäus, momod liman al o, wia poekipoek.Select Mark 10:46

47A ni a rongada, me iei Iesus en Nasaret, a ap weriwer indada: Iesus, sapwilim en Dawid, kupura ia!Select Mark 10:47

48Me toto ap kidaue, pwen nenenla. Ari, a ap kalaudela a weriwer: Sapwilim en Dawid kupura ia!Select Mark 10:48

49Iesus ari kotin udi, masani en peekek kodo. Ir ari ekeredo ol maskun o indai ong i: Insenemau, uda! A kotin molipe uk!Select Mark 10:49

50I ari kasela a likau madang uda ap poto dong Iesus.Select Mark 10:50

51Iesus ap kotin sapeng masani ong i: Da me koe mauki, I en wiai ong uk? Me maskun o ap potoan ong: Rapuni, i men potoan kilang wasa.Select Mark 10:51

52Iesus ap kotin masani ong i: Ukewei! Om poson me kakelail uk ada. I ari madang kilangada wasa, ap idauen la Iesus.Select Mark 10:52