13Mark 13

1NI a kotieila sang ni im en kaudok, amen sapwilim a tounpadak kan potoan ong i: Saunpadak, kom kotin masani takai o im pukat!Select Mark 13:1

2A Iesus kotin sapeng, masani ong i: Koe kilekilang im kalaimun pukat? Sota takai eu pan mi pon eu, me so pan lokidoki sang.Select Mark 13:2

3Ari, ni a kotikot pon dol Oliwe sal dong im en kaudok, Petrus, o Iakopus, o Ioanes, o Andreas, re ap kelep potoan ong i:Select Mark 13:3

4Re kotin masani ong kit, iad mepukat pan wiaui o da pan kadapakilene en mepukat karos a pan pwaida?Select Mark 13:4

5Iesus ap kotin sapeng irail masani: Kalaka, pwe meamen de kotaue komail!Select Mark 13:5

6Pwe me toto pan kodo ni ad ai, inda: Ngai i. Re ap pan kotaueda me toto.Select Mark 13:6

7O ni omail pan rong mauin o rong en mauin, komail depa masak! Pwe mepukat udan wiaui; a saikenta imwi.Select Mark 13:7

8Pwe wei eu pan u ong eu wei o pil wei en nanmarki ko, o sap rerer pan wiaui sili, o lek, o insensued, mepukat kamoe en patau.Select Mark 13:8

9A komail kalaka pein komail! Pwe re pan pang komail la ong kapung o sinakoke kan; o komail pan kamekame o wisike dong mon monsap o nanmarki kan pweki ngai, pwen kadede ong irail.Select Mark 13:9

10O rongamau en kaloki ong mas nan sap karos.Select Mark 13:10

11A ni arail wa komail la o pangla komail, der lamelame mas, me komail pan inda, pil der madamadaua mas. A iei me o, me pan ko ong komail ni klok ota, i me komail en inda! Pwe kaidin komail me lokaia a Ngen saraui.Select Mark 13:11

12Pwe ol pan pangala ri a ol, pwen kamela; o sam na seri, o seri ko pan u ong sam, in, o pan kare ong ir, en kamela.Select Mark 13:12

13Komail ap pan kalingaringarla pan aramas karos pweki ad ai. A me dadaurata lao imwi lel, a pan dorela.Select Mark 13:13

14Ni omail kilang wiawi sued en kao lapalap, me a pan wiaui wasa, me a so kon ong meamen wudok a en dedeki me mimi Iudäa, re en sopo wong nan nana ko.Select Mark 13:14

15O me mi pon im, depa kodido nan im; a depa pil pedelong ong lole, pwen ki sang meakot.Select Mark 13:15

16O me mi nan sap, depa sapaledo ale a likau.Select Mark 13:16

17A pan non suede ong me lisean o ong ir, me kadidi ni ran oko.Select Mark 13:17

18Komail kapakapeki, pwe omail sapola de wiaui ni ansau en pou.Select Mark 13:18

19Pwe ni ran oko kainsensued pan wiaui, me sota due sang ni tapin sappa, ni en Kot a kotin wiada kokodo kokolata.Select Mark 13:19

20Ma Kaun o sota kotin kamotola ran oko, sota uduk, me pan dorela. A pweki me pilipildar akan, me a kotin piladar, iei me a kotin kamoto kila ran oko.Select Mark 13:20

21Ma meamen indai ong komail ni ansau o: Kilang, iet et Kristus! De ionen! Der kamelele.Select Mark 13:21

22Pwe Kristus likam o saukop likam akai pan koda o re pan kasaleda kilel o manaman, pwen pil kotaue ir, me pilipildar akan ma re kak ong.Select Mark 13:22

23Komail ari kalaka! Pwe I kop ong komail er meakaros!Select Mark 13:23

24Ari, ni ran oko murin kainsensued katipin pan rotala, o maram pan solar lingan.Select Mark 13:24

25O usu en lang pan pupedi o kelail en lang akan pan mokimokid.Select Mark 13:25

26Ari, re ap pan kilang Nain aramas pan kotikot kodo nan dapok ni a roson melel o ni a lingan.Select Mark 13:26

27A ap pan kadar pasang na tounlang kan, kapokon pena sang pali en lang paieu sapwilim a pilipildar akan, sang imwin sappa lel imwin lang.Select Mark 13:27

28Komail en asa karaseras en tuka pik. Ni ra kan ar pons o pepe pwarado, komail kin asa, me rak korenier.Select Mark 13:28

29O pil komail; ni omail kilang wiawia pukat a pan pwaida, komail en asa, me a korendor, a mier pan wanim.Select Mark 13:29

30Melel, I indai ong komail: Di wet sota pan imwisokela, lao wiawia pukat pwaida.Select Mark 13:30

31Lang o sappa pan soredi, a ai masan sota pan soredi.Select Mark 13:31

32A duen ran o klok sota amen me asa. Tounlang kan, me mi lang, pil sota asa; Na pil so, Sam eta.Select Mark 13:32

33Komail kalaka! Masamasan o kapakap! Pwe komail sasa ansau o!Select Mark 13:33

34Due aramas amen, me wia sailok doo, me kidi im a, ap ki ong manaman ren a ladu kan, pil ki ong karos ar dodok, ap pil masani ong silepan wanim o, en masamasan.Select Mark 13:34

35Iei me komail en masamasaneki, pwe komail sasa ansau, saumas en im o a purodo, ma sautik, de ailep en pong, de ni malek kakorot, de ni mansang.Select Mark 13:35

36Pwe a depa madangedo, diarada omail mamair.Select Mark 13:36

37O me I indai ong komail, I pil indai ong karos, masamasan!Select Mark 13:37