15Mark 15

1MADANG sangkonai samero lapalap akan, iangaki saumas akan, o saunkawewe kan, o pil saunkapung karos kapungada ap saliedi Iesus, ap wawei pangalang Pilatus.Select Mark 15:1

2Pilatus ap idok re a: Komui Nanmarki en Sus akan? A kotin sapeng masani ong i: Komui me masani.Select Mark 15:2

3Samero lapalap akan karauneki i me toto.Select Mark 15:3

4Pilatus ap pil idok re a masani: Komui sota sapeng? Kom masani, me re kinakine ong komui me toto.Select Mark 15:4

5Iesus pil sota kotin sapeng Pilatus ap ponepone kida.Select Mark 15:5

6Ari, ni kamadip o a kin lapwa ong ir me sensal amen, me re mauki.Select Mark 15:6

7Ol amen, ad a Parapas, me iang sansal ren me iang i kamela aramas ni ar kauadar moromor eu.Select Mark 15:7

8Pokon ap morongada, ngidi ngideki, en wiai ong irail, me a kin wiai ong irail mas.Select Mark 15:8

9Pilatus ap sapeng irail masani: Komail men, i en lapwadang komail Nanmarki en Sus akan?Select Mark 15:9

10Pwe a asa, me samero lapalap akan wakido i ar peirin.Select Mark 15:10

11A samero lapalap akan kapururada pokon o, pwe en mauki lapwa ong irail Parapas.Select Mark 15:11

12Pilatus ap sapeng pil masani ong irail: Da me komail mauki i en wiai ong me komail kaadaneki Nanmarki en Sus akan?Select Mark 15:12

13Irail ap wer laudeda: Kalopuela i!Select Mark 15:13

14Pilatus ap masani ong irail: Pwe sued da, me a wiadar? Re ap kalaudela ar wer: Kalopuela i!Select Mark 15:14

15Ari, Pilatus men kainsenemaui aramas oko, ap lapwa dong irail Parapas, ap kida Iesus murin a woki, pwen kalopuela.Select Mark 15:15

16Saunpei ko ap kalualang i nan pera eu me ad a pretorium. Re ap eker pena ar pwin.Select Mark 15:16

17Re ap kalikauwie kida i purpur o pidada al en tek, ap langelangie kida.Select Mark 15:17

18Ap tapi ong kepwene: Iong Nanmarki en Sus akan!Select Mark 15:18

19Re ap wokieki tapwi alek, o kondipe i, ap kelepuki, poridi sang.Select Mark 15:19

20A lao nek ar kapailok, re ap ki sang i purpur, ap kapur ong udan sapwilim a likau, kaluaieila, pwe ren kalopuela i.Select Mark 15:20

21Re ap iton ong Simon, men Kirene amen, me sam en Aleksander o Rupus, me dauli irail ni a kodo sang nan sap, pwen wada a lopu.Select Mark 15:21

22Re ap walang i Kolkata. Iet wewe: Wasa en pontal en mong.Select Mark 15:22

23Re ap ki ong i, en kakere wain dol mir. Ari, a sota kotin urak.Select Mark 15:23

24Ni arail kalopuedar i, re ap ter pasang sapwilim a likau ko. Re ap kadoropwe, da me amen amen pan aneki.Select Mark 15:24

25Ari, ni auer kasilu, me re kalopuela i.Select Mark 15:25

26O inting en poa me a pukoki due met: Nanmarki en Sus akan.Select Mark 15:26

27Lolap en pirap riamen iang i kalopuela; amen pali maun i, amen pali maing i.Select Mark 15:27

28Iei me kisin likau pung kila, me inda: A wadawad ong ren me dipan.Select Mark 15:28

29Ir me kin dauli, kin lalaue, dueduälok inda: Ei, koe me pan kawela im en kaudok, ap id kaua kida ran silu.Select Mark 15:29

30Pein dore uk ala, o kodido sang nin lopu en!Select Mark 15:30

31Samero lapalap akan pil dueta, kapailoke, inda nan pung ar iang saunkawewe kan: A dorelar akai, a pein i a sota kak ong.Select Mark 15:31

32Kristus Nanmarki en Israel, kodido sang nin lopu en, pwe se en kilang o poson. O ira, me iang i lopu la ko, pil lalaue.Select Mark 15:32

33Ari, auer kawonu lel, rotorot ap kipadi sap lao lel auer kaduau.Select Mark 15:33

34Ni auer kaduau Iesus ap kotin weriwer laudeda masani: Eloi, Eloi, lama sapaktani! Iet wewe: Ai Kot, ai Kot! Da me re kotin kase kin ia la!Select Mark 15:34

35Akai me u impa, ni arail rong inda: Kilang, a ekeker Elias.Select Mark 15:35

36Amen ap tangala, ale lim en pinika eu, ki ong ni alek apot, ap kida ong en kakere, ap inda: Udi mas! Kitail kilang, ma Elias pan kodo en kidi sang.Select Mark 15:36

37Iesus ap kotin weriwer laudeda kadarala Ngen e.Select Mark 15:37

38Pera likau nan im en kaudok ap dei pasang, sangeda pali poa lel pa.Select Mark 15:38

39O ni en senturion o, me u saledong, a kilang a wer laudeda due mo, ap kadarala Ngen e, a ap inda: Nan melel Sapwilim en Kot aramas men et.Select Mark 15:39

40Li akai pil mimi wasa doo, kilekilangedo; Maria men Magdala, me mi nan pung ar, o pil Maria, in en Iakopus, me tik, o en Ioses, o Salome.Select Mark 15:40

41Me pil kin idauen papa i mas o, ni a kotikot Kaliläa; o pil me toto, me iang i kotida dong Ierusalem.Select Mark 15:41

42Ari, ni a sautik penaer, pweki kaonop iei ran mon sapat.Select Mark 15:42

43Iosep, men Arimatia amen, ap kodo, me saunkapung isou amen, me kin pil auiaui wein Kot, me so masak koti dong Pilatus, poeki kalep en Iesus.Select Mark 15:43

44Pilatus ap puriamuiki, me a matalar, ap molipe dong i senturion o, ap kainoma re a, ma a matalar warai.Select Mark 15:44

45A lao mangi sang ren senturion o, a ap ki ong kalep a ren Iosep.Select Mark 15:45

46A ap netiada likau linen mau, ap lapwadi i, kidimeki pena likau o, nekidedi i nan sousou eu, me weiweida nan paip, ap kadapuri ong takai eu ni au en sousou o.Select Mark 15:46

47O Maria men Magdala o Maria in en Ioses kilang wasa, re nekidedi i.Select Mark 15:47