2Mark 2

1MURIN ran akai a ap pil kotilong ong Kapernaum, ap loki sili me a kotikot nan im o.Select Mark 2:1

2Me toto ap madanga pena, im o lao koidala o pil likin im o. A ap kotin kawewe ong ir masan o.Select Mark 2:2

3Irail ari poto dong re a, wa kodo me somau rerer men, roan pa men.Select Mark 2:3

4Irail sota kak kai dong impa pweki pokon o. Re ap palang pasang pon im o, wasa a kotikot ia; irail lao palang pasang ap kakiredi ro o, me somau o mi poa.Select Mark 2:4

5Iesus lao mangi ar poson, ap masani ong me somau rerer o: Nai, dip om akan lapwa sang uk er!Select Mark 2:5

6Ari, saunkawewe kai momod wasa o, mongemongloleki:Select Mark 2:6

7Da me men et lokelokaia? A lalaue. Is me kak lapwada dip akan, pwe amen ta, Kot?Select Mark 2:7

8Iesus ari madang angiada nan kupur a duen ar mongemonglole, ap kotin masani ong irail: Da me komail mongemongloleki?Select Mark 2:8

9Ia me mangai ren indai ong me somau rerer: Dip om akan lapwa sang uk er, de inda: Uda, ale ki om, kowei?Select Mark 2:9

10A pwe komail en asa, me Nain aramas me manaman ong lapwada dip akan nin sappa, iei me a kotin masanieki ong me somau rerer:Select Mark 2:10

11I indai ong uk: Uda! Al eki om! U ko ong ni im om!Select Mark 2:11

12I ari madang uda, ale ki, aluwei mo ’rail karos. Irail karos ari malamalaua kila, kapinga Kot inda: Se saikenta man kilang meakot et!Select Mark 2:12

13I ari pil kotila liman sed o. Irail karos ap pokon dong i, i ari kotin kawewe ong irail.Select Mark 2:13

14A lao kotin daulul wasa o, ap masani Lewi, nain Alpäus, a momod ni wasan nopwei, ap masani ong i: Idauen ia do! I ari uda idauenla i.Select Mark 2:14

15Kadekadeo a lao kaipokedi konot nan im a, saunopwei o me dipan akan me toto iang Iesus o sapwilim a tounpadak kan konokonot; pwe irail me toto, me idauen i.Select Mark 2:15

16Ari, ni en saunkawewe o Parisär akan ar kilang a kotin iang me dipan o saunopwei kan konokonot, irail ap indai ong sapwilim a tounpadak kan: Da me a iangki saunopwei o me dipan akan konot o kaker eki?Select Mark 2:16

17Ni en Iesus angiada, ap kotin masangi ong irail: Me kelail akan sota mau ong saunwini pwe me somau ta. I sota kodon ekeredo me pung kan, a me dipan akan.Select Mark 2:17

18En Ioanes a tounpadak kan o Parisär akan kin kaisesol. Irail ari kodo potoan ong i: Da me en Ioanes a tounpadak kan kin kaisesol, o en Parisär ar tounpadak kan, a sapwilim omui tounpadak kan sota kin kaisesol?Select Mark 2:18

19Iesus ap kotin masani ong irail: Da, toun kamadip en kapapaud pan kak kaisesol ni en ol kamod a iang irail? Ni en ol kamod a iang irail, re sota pan kak kaisesol.Select Mark 2:19

20A ansau kokodo, me ol kamod pan wisike sang irail, iei ran o, me re pan kaisesol.Select Mark 2:20

21Sota amen me pan deik ong likau kap ni likau maring, pwe likau kap pan dei sang likau maring, por o ap pan laudela.Select Mark 2:21

22Pil sota amen me kin deuke kida ed maring wain kap, pwe wain o de ter pasang ed o, wain o ari wudokila, ed o ola. A wain kap mau ong nan ed kap.Select Mark 2:22

23Kadekadeo a kotin weid nan mat en korn ni ran en sapat. Sapwilim a tounpadak kan ap dondolung kowei wan korn.Select Mark 2:23

24Parisär oko ap indai ong i: Kilang, da me irail wia ni sapat me sota pung, en wiaui?Select Mark 2:24

25A kotin masani ong irail: Komail sota wadoker, me Dawid wiadar, ni a men kaualap, o a men manga, i o me iang i?Select Mark 2:25

26Duen a pedelong ong nan tanpas en Kot ni muein Apiatar samero lapalap, o kangala prot mairong o nek ong irail, me iang i, me sota pung aramas en tungole, samero kan eta?Select Mark 2:26

27A ap kotin masani ong irail: Sapat me wiaui ong aramas a kaidik aramas ong sapat.Select Mark 2:27

28I me Nain aramas pil udan kaun en sapat.Select Mark 2:28