3Mark 3

1KADEKADEO a pil kotin pur ong nan sinakoke. Ari, aramas amen mia, me pa a motor.Select Mark 3:1

2Irail ari masamasaneki, ma a pan kakelada i ni ran en sapat, pwe irail en karaun i.Select Mark 3:2

3I ari kotin masani ong aramas o, me pa a motor: Uda kodo met!Select Mark 3:3

4A ap kotin masani ong irail: Me pung, wia mau ni ran en sapat de wia sued? Kamaur de kamela? Ir ari nenenla.Select Mark 3:4

5I ari angiang aupwili sili po ’rail, kupurokila ar kapitakai, ap kotin masani ong aramas o: Kapawei pa om! I ari kapawei. Pa a ap kelailada.Select Mark 3:5

6Parisär oko ap madangalang ren iang en Erodes. Re ap kapakaparok duen ar pan kamatala i.Select Mark 3:6

7A Iesus kotin kapitawei sang pein i o sapwilim a tounpadak kan, koti wong liman sed. Pokon kalaimun ap idauen i sang Kaliläa, o Iudäa.Select Mark 3:7

8O sang Ierusalem, o sang Idumäa, o sang palilan Iordan, o toun liman Tirus o Sidon, pokon kalaimun, re rongada duen a kotin wiada manaman kaualap, re ap pokon dong re a.Select Mark 3:8

9A kotin masani ong sapwilim a tounpadak kan, kisin sop kis en kaonop ong i, pweki pokon o, pwe re de koi dong i.Select Mark 3:9

10Pwe a kotin kakelada me toto, irail ari pakoideda, pwe me somau ko me sair i.Select Mark 3:10

11O ni en ngen saut akan ngar i, re pupedi mo i, weriwer, indada: Sapwilim en Kot komui!Select Mark 3:11

12I ari kotin kalik irail edi, ren der kaireki i.Select Mark 3:12

13I ari kotidala nan nana o, ap molipei dong i, me a kotin kupura, re ap poto dong re a.Select Mark 3:13

14I ari kotin kileledi ekriamen, pwe re en ieiang i, pwen poroporone ir sili padapadak.Select Mark 3:14

15O manamanla kakelada me somau kan o kakaus tewil akan;Select Mark 3:15

16Simon a kotiki ong ad a Petrus.Select Mark 3:16

17O Iakopus nain Iepedäus, o Ioanes ri en Iakopus, a kotiki ong ad ara Poanerkes. Iet wewe: Nain nansapwe.Select Mark 3:17

18O Andreas, o Pilipus, o Partolomäus, o Matäus, o Tomas, o Iakopus, nain Alpäus, o Tadäus, o Simon men Kana,Select Mark 3:18

19O Iudas Iskariot, me pangala i.Select Mark 3:19

20Irail ari ko dong nan im eu. Pil pokon eu pokon pena. Irail ari sola kak manga.Select Mark 3:20

21Ni kompokepa ko rongada, re kodo, pwen wala sang i; pwe re inda, me a iakala.Select Mark 3:21

22A saunkawewe ko, me kodido sang Ierusalem inda: A katia Peelsepup o saumas en tewil akan; iei me a kakauseki tewil akan.Select Mark 3:22

23I ari molipe ir do, masani ong irail ni karaseras akan: Ia pan duen Satan a kausawei Satan?Select Mark 3:23

24O ma toun wei eu u pena nan pung ar, wei o sota pan kak pwaida.Select Mark 3:24

25O ma penainai eu u pena nan pung ar, penainai o sota pan kak pwaida.Select Mark 3:25

26O ma Satan u ong pein i, a sota pan kak pwaida, a pan imwisokela.Select Mark 3:26

27Sota amen me pan kak ko ong nan im en kelail amen kulia a kapwa, ma a so saliedi mas me kelail o. A ap pan kak kawela im a.Select Mark 3:27

28Melel I indai ong komail: Dip akan karos pan lapwa sang nain aramas akan, o laue, me re lalaueki.Select Mark 3:28

29A meamen lalaue Ngen saraui sota pan lapwada, a a pan puk ong kamekam soutuk.Select Mark 3:29

30Pweki ar inda: A katia ngen saut.Select Mark 3:30

31Ari in a, o ri a ol akan ap kodo, mi liki o iloke dong.Select Mark 3:31

32A pokon me momod impa o ap potoan ong i: Re mangi, in ar o ri ar ol akan mimi liki kainoma komui.Select Mark 3:32

33A ap kotin sapeng irail masani: Is in ai de ri ai kan?Select Mark 3:33

34A ap kotin aupwil sili po ’rail, me mod impa ko, masani: Kilang, in ai o ri ai ol akan!Select Mark 3:34

35Pwe meamen wiawia kupur en Kot, iei me ri ai ol o ri ai li o in ai.Select Mark 3:35