4Mark 4

1KADEKADEO a pil kotin tapiada kawewe liman sed o. Pokon kalaimun eu ap ko pena re a. A ap kotidang pon sop pot kotikot pon sed o. A pokon o mi nan sap pon oror.Select Mark 4:1

2A kotin kawewe ong irail me toto ni i karaseras akan, masani ong irail ni a padak:Select Mark 4:2

3Rong! Kilang, saunkamor o kolan kamorok.Select Mark 4:3

4Ni a kamokamorok akai ap moridi ong pon kailan al, manpir ap pirido nam ir ala.Select Mark 4:4

5A akai moredi ong wasa takain, wasa pwel petepet; irail ari madang wosada, pweki sota pwel lole.Select Mark 4:5

6Ni en katipin dakarada, re ap mongela o mela pweki sota kalau ar.Select Mark 4:6

7A akai moredi nan tuka teketek; o tuka teketek wosada, kasokiala, re ap sota wa.Select Mark 4:7

8A akai moredi nan pwel mau o pwaida wa; akai pan me sileisok; a akai me woneisok, a akai me epuki.Select Mark 4:8

9A kotin masani: Me salong a mia men rong, i en rong!Select Mark 4:9

10A lao kotin kalapukela, men imp a iangaki ekriamen ap kalelapok re a duen karaseras pukat.Select Mark 4:10

11A ap kotin masani ong irail: A muei ong komail, en asa duen me rir en wein Kot. A men liki re pan asa meakaros sang ni karaseras akan.Select Mark 4:11

12Pwe re kilang, ari sota kilang, o rongerong, ap sota dedeki; pwe re de pan wukila o dip ar lapwa sang irail.Select Mark 4:12

13A ap kotin masani ong irail: Komail sota dedeki karaseras pot et? A iaduen, omail pan asa karaseras tei ko?Select Mark 4:13

14Saunkamor me kamorok sili masan.Select Mark 4:14

15A mepukat me mi pon kailan al, wasa masan moredi ong, a re lao rongadar, Satan ap madangado, ki sang masan, me kamoremoredi ong nan mongiong arail.Select Mark 4:15

16O mepukat me moredi ong wasan takain, re lao rongadar masan o ap madang peren kida ale.Select Mark 4:16

17A sota kalaua re ’rail ap dadaur eta ekis, lao songesong o kamekam wiaui pweki masan o, re ap madang makar kida.Select Mark 4:17

18A mepukat me moredi ong nan tuka teketek, me rongada masan.Select Mark 4:18

19A anan en pai en sappa o inong kapwa, o norok en okotme pwaida, kasokela masan, ap sota wa.Select Mark 4:19

20A mepukat irail, me moredi ong nan pwel mau, me rongada masan o, ale o wa, akai pan me sileisok, a akai me woneisok, a akai me epuki.Select Mark 4:20

21A kotin masani ong irail: Kandel pan wisikedo, pwen ko ong pan kasak de pan men wendi? A sote koda wong nin deun kandel?Select Mark 4:21

22Pwe sota me rir kot, me so pan sansalada, pil sota me okiok kot, me so pan lok sili.Select Mark 4:22

23Meamen me salong a mia men rong, i en rong!Select Mark 4:23

24A ap kotin masani ong irail: Komail kalaka, me komail rong! Pwe men song, me komail songki iduen a pil pan song, ong komail. O omail tungol pan laud.Select Mark 4:24

25Pwe me a mia, ekis pan ko ong; a me sota a mia, me ekis mi re a, pan katia sang.Select Mark 4:25

26A kotin masani: Iet duen wein Kot, ras ong aramas amen, me kamoredi ong nan pwel war en tuka.Select Mark 4:26

27Ap mairela, pirida, pong ran; a war o wosada ap kakairida a ap sota asa due.Select Mark 4:27

28Pwe pwel kin pein kawosada tuka. Mas katoka, mur mpok, mur war en korn nan mpok ap pwarada.Select Mark 4:28

29A ni wa ma, a ap madang ki ong men lepukedi, pwe rak mier.Select Mark 4:29

30A pil kotin masani: Da me kitail en karasai ong wein Kot? De da me kitail en kasosong ong?Select Mark 4:30

31A rasong wan tuka, me pan kamoremoredi ong nan pwel, me tikitik sang war karos, me mi nan sap.Select Mark 4:31

32A lao kamoredi, ap wosada laude sang dip karos, ap kasang pasang laud; manpir en pan lang ap kin wendi pan mot a.Select Mark 4:32

33I song en karaseras akan toto a kotiki ong irail ni a kawewe ong irail masan o duen ar weweki.Select Mark 4:33

34Sota a masan, ma so karaseras. Ni arail kelepala, a ap kotin kadede ong sapwilim a tounpadak kan meakan.Select Mark 4:34

35Ni ran ota, lao sautik penaer, a kotin masani ong irail: Kitail daulul wong palio!Select Mark 4:35

36Ari, ni ar kadar pasang pokon o, re kamasalada nin sop o. Pil akai kisin sop mi re a.Select Mark 4:36

37Melimel ap koda, iluk ap pungedi ong nan sop o kadirela.Select Mark 4:37

38A a kotikot nan murin sop o, saisaimok pon ulunga. Irail ap kaopada potoan ong i: Saunpadak, kom sota kupurai kit, pweki at pan mela?Select Mark 4:38

39I ari kotin kipada, angiangida melimel, o kotin masani ong sed o: Moledi! Ang ap dukedi o molela kaualap.Select Mark 4:39

40A ap kotin masani ong irail: Da me komail masapwekeki? Iadue, sota omail poson?Select Mark 4:40

41Irail masapwekada kaualap, ap indada nan pung arail: Iaduen ol men et, me ang o sed peiki ong?Select Mark 4:41