9Mark 9

1A AP kotin masani ong irail: Melel I indai ong komail: Akai me iang mi met, sota pan mela, lao kilang wein Kot a kokido manaman.Select Mark 9:1

2Murin pong wonu pong Iesus ap kotin ukada Petrus o Iakopus o Ioanes kalua ir dalang pon nana ileile eu, ir kalapuk. I ari kotin wukila mo ’rail.Select Mark 9:2

3Sapwilim a likau ko lingalingala, puetepueteta sno. Sota saunlopolop nan sappa kak kapuetepuetetala dueta.Select Mark 9:3

4Elias i Moses ap pwara dong ir, ari, ira o Iesus ap mamasan pena.Select Mark 9:4

5Petrus ap sapeng potoan ong Iesus: Rapi, me mau ong kitail en kotikot met. Kitail en kauada kisin im silikis: Tanpas ar, o en Moses o en Elias.Select Mark 9:5

6Pwe a sasa, da me a pan inda, pwe re masapwekada.Select Mark 9:6

7Pali en dapok pali ap kadupwal irail edi; o ngil eu peidido sang nan dapok o: I met nai. Ol kompok! Komail rong i!Select Mark 9:7

8Ari, re saliokeda, solar amen me re kilang, Iesus ta, me kotikot re ’rail.Select Mark 9:8

9Ari, ni arail kotikot kotido sang nin nana o, a kotin kalik irail edi, re depa indai ong meamen, me re kilang ko, lao Nain aramas mauredar sang ren me melar akan.Select Mark 9:9

10Re ap edie pena masan pot et nan pung ar, ap peipeidokki pena, da wewe en maureda sang ren me melar akan?Select Mark 9:10

11Irail ap peidok re a potoan ong: Da me saunkawewe kan indaki, Elias pan pwarado mas?Select Mark 9:11

12I ari kotin sapeng, masani ong irail: Melel Elias kodo mas, kamauiada meakan. O iaduen intingidi duen Nain aramas? Me pan kolokolok toto o sokonekon.Select Mark 9:12

13A I indai ong komail, Elias pwarer, o re wiai ong i, me re mauki duen a intingidi due.Select Mark 9:13

14A lao koti dong tounpadak kan, a masani pokon kalaimunia eu kapil ir pena o saunkawewe kan peipeidok re irail.Select Mark 9:14

15Ni ar kilangadar i, pokon o ap puriamuiki la tangado ranamau ong i.Select Mark 9:15

16A ap kotin kainoma re irail: Peidok da kai, me komail idedok re ’rail?Select Mark 9:16

17Amen toun pokon o sapeng i potoan ong: Saunpadak, i potoan dong komui nai putak o, me ngen lotong mi poa.Select Mark 9:17

18Ari, wasa karos me a kin tiada poa, a kin kapururada; a ap kin pudopud o katekatete ngi o tongetongela. I potoan ong sapwilim omui tounpadak kan, pwe re en kausa sang i, ari, re sota kak.Select Mark 9:18

19A ap kotin sapeng irail masani: Di wet meid soposon. Ia arain ai pan mimi re omail, ia arain ai pan kokoa komail? Wa dong ia i!Select Mark 9:19

20Irail ap poto dong i. Ni a kotin masani i, ngen o ap madang kupururada i; a ap pupedi ong nan pwel, wia pudopud taputapur sili.Select Mark 9:20

21A ap kainoma ren sam a: Ia arain me kot et a lel? A ap potoan ong: Sang ni a seri.Select Mark 9:21

22Pan me toto a kin kasedi ong i nan iai o nan pil, pwen kamela i. Ari, ma re kotin kak ong, re kotin kupura kit ala sauasa kit!Select Mark 9:22

23Iesus ap kotin masani ong i: Ma koe me poson; meakaros me kak ren me poson.Select Mark 9:23

24Madang sam en kisin seri ap weriwer, sangesang, potoan: Maing, i poson. Kom kotin katinaiada sang ai soposon.Select Mark 9:24

25Ni en Iesus a kotin masani ar tangetang pena, a ap angiangiada ngen saut o kotin masani ong ngen lotong o salongepon: I indai ong uk, koieido sang lole! Koe depa pure wong i!Select Mark 9:25

26A ap weriwer, kapururada kaualap, ap koiei sang. I ari likamata a melar. Akai ap inda, a melar.Select Mark 9:26

27Iesus ap kotin ale pa a kauada, i ari uda.Select Mark 9:27

28Ni a koti dong ni im o, sapwilim a tounpadak kan ap okiok peidok re a potoan ong: Da me se sota kak kauseki sang?Select Mark 9:28

29A ap kotin masani ong irail: Song wet sota kin koki sang meakot kapakap o kaisesol eta.Select Mark 9:29

30Re ap kotila sang wasa o, weidala nan Kaliläa. A sota men, meamen en asa.Select Mark 9:30

31Pwe a men kotin kawewe ong sapwilim a tounpadak kan ap masani ong irail: Nain aramas pan pangalang ni pa en aramas. Irail pan kamela i a murin a kamela a pan maureda murin ran kasilu.Select Mark 9:31

32A irail sota dedeki masan o; a re masak kalelapok re a.Select Mark 9:32

33A ap koti dong Kapernaum; ni a kotikot nan im o a ap kotin kainoma re ’rail: Da me komail akakamaiki nani al o?Select Mark 9:33

34Irail ari nenenla, pwe re akamaiki nani al o, is me pan laud re ’rail.Select Mark 9:34

35I ari kotidi, molipedo ekriamen oko, ap masani ong irail: Meamen men moa, a en mi muri o papa ong karos.Select Mark 9:35

36I ari kotin ale kisin seri amen, kotikidi ong nan pung arail: A lau palodi i ap masani ong irail.Select Mark 9:36

37Meamen me apwali amen sang ren kisin seri pukat ni ad ai, a pil apwali ia. A me apwali ia, kaidik ngai, me a apwali, a me kadar ia do.Select Mark 9:37

38Ioanes ap sapeng i, potoang ong: Saunpadak, se kilang amen, me kakaus tewil akan ni mar omui, a ap sota kin iang kit. Kit ari inapwiedi, pweki a kaidin kis at.Select Mark 9:38

39Iesus ap kotin masani: Der inapwiedi! Pwe meamen me wia manaman ni ad ai, sota pan kak en lalaue ia.Select Mark 9:39

40Pwe meamen sota u ong kitail, i kisan atail pali.Select Mark 9:40

41Pwe meamen, me pan ki ong komail dal en pil eu ni ad ai, pweki omail kisan Kristus, melel I indai ong komail, kating i sota pan salonga sang.Select Mark 9:41

42O meamen, me kamakar amen ir me tikitik, me poson ia, a mau ong takai en ir plaua eu en paudoki ong ni tapin wor a; a ap lokidokila nan madau.Select Mark 9:42

43Ma apali en pa om kamakar uk, lepuke sang! A mau ong uk, ko ong maur, ni om dangidang sang om pa pokon mia, ap ko ong nan pweleko, nan kisiniai sokun.Select Mark 9:43

44Wasa ar muas sota kin mela o kisiniei sota kin kunla.Select Mark 9:44

45O ma apali en nä om kamakar uk, lepuka sang! A mau ong uk, ko ong maur ni om sikilikil sang om pat en nä pokon mia, ap lokidokila nan pweleko, nan kisiniai sokun.Select Mark 9:45

46Wasa ar muas sota kin mela o kisiniai sota kin kunla.Select Mark 9:46

47Ma apali mas om kamakar uk, kapida sang! Me mau ong uk, mas pali pedelong ong nan wein Kot sang mas unsok lokidokila nan kisiniai en pweleko.Select Mark 9:47

48Wasa ar muas sota kin mela, o kisiniai sota kin kunla.Select Mark 9:48

49Pwe amen amen pan soleki kisiniai, dueta mairong karos kin soleki sol.Select Mark 9:49

50Me mau sol. A ma sola nam en sol, nam a pan ko sang ia? Sol en mi re omail o komail popol pena!Select Mark 9:50