20Matthew 20

1PWE wein nanlang rasong kaun pan im amen, me sangkonai ong raparapaki toundodok kai nan a mat en wain.Select Matthew 20:1

2Irail lao inauki pena, me denar eu ni ran eu, ap kadar ir ala nan a mat en wain.Select Matthew 20:2

3A pil kotila ni auer kasilu, ap masani akai, me momod mal nan deun saunet akan,Select Matthew 20:3

4Ap masani ong irail: Komail pil kola nan mat en wain o, o meakot me pung, i pan pwain ong komail; irail ari kola.Select Matthew 20:4

5A pil kola ni auer kawonu o kaduau o wiadar dueta.Select Matthew 20:5

6A pil kotila ni auer eisokeu, ap diaradar akai, me momod mal, ap masani ong irail: Da me komail momodeki mal ran pon?Select Matthew 20:6

7Irail potoan ong: Aki sota amen, me kadokeki kit. Ap masani ong irail: Komail pil kola nan mat en wain o, komail pan ale me pung.Select Matthew 20:7

8A lao sautik penaer monsap en mat en wain masani ong a saunkoa: Kapokon pena toundodok kan o pwain ong irail. Tapiada sang ren men pwand oko lao kokodo lel men madang kan,Select Matthew 20:8

9Me kadodokier ni klok eisokeu kan ap kodo, amen amen ap ale denar eu.Select Matthew 20:9

10A men mas akan lao kodo, rap kiki ong, me re pan ale siki sang, a re pil aleer denar ta ieu.Select Matthew 20:10

11Irail lao ale, rap lipaned ong monsap o.Select Matthew 20:11

12Indada: Mepukat dodok auer ta ieu, a komui karasai kit pena; kit me dodokki apwal en ran o karakar en katipin.Select Matthew 20:12

13A ap kotin sapeng masani ong amen re ’rail: Kompoke pai, kaidin me sapung, me i wiai ong uk. Kita sota inauki pena denar eu?Select Matthew 20:13

14Ale me om, kowei, i men pwain ong me pwand pukat rasong uk.Select Matthew 20:14

15De iaduen, a sota pung, i en wiaki me udan ai, me i mauki? De por en mas om me sued pweki ai kadek?Select Matthew 20:15

16Ari, me pwand akan pan moa, a me moa kan pan pwand, pwe me toto paeker, a me malaulau me piladar.Select Matthew 20:16

17Iesus lao kotin kodala Ierusalem, a kotin kelepe kila tounpadak ekriamen pon al a, masani ong irail:Select Matthew 20:17

18Kilang, kitail kin kodalang Ierusalem o Nain aramas pan ko ong ren samero lapalap o saunkawewe kan, o irail pan kadeikada, en kamela i.Select Matthew 20:18

19O re pan pangala i ren men liki kan, pwen kapikapiti i, o kaloke, o kalopuela, a ni ran kasilu a pan maureda.Select Matthew 20:19

20In en nain Sepedäus ap poto dong i, a na putak riamen iang i, pongi i o poeki okotme re a.Select Matthew 20:20

21A ap kotin masani ong i: Da me koe mauki? A potoan ong i: Re kotin mueid ong ai tungol putak riamen, en mondi re ir, amen ni pali maun omui, amen ni pali maing omui nan omui wei.Select Matthew 20:21

22A Iesus kotin sapeng masani: Koma sota asa, me koma poeki. Koma kak nim dal me I pan nim? Ira potoan ong: Se kak.Select Matthew 20:22

23A kotin masani ong ira: Melel, komail pan tungole ai dal, a momod ni pali maun o maing i, I sota kak mueid ong, pwe pwais en irail me a onop onger sang ren Sam ai.Select Matthew 20:23

24Ni en ek oko ar rongadar, ap suede kidar pirien o.Select Matthew 20:24

25A Iesus kotin molipe ir do masani: Komail asa, duen saupeidi en wei pokon ar kin poe irail edi, o me lapalap akan kin manaman ong irail.Select Matthew 20:25

26A duen met a sota pan wiaui nan pung omail. A me men laud nan pung omail, en papa komail.Select Matthew 20:26

27O meamen re omail, me men saumas, i en lidui komail.Select Matthew 20:27

28Dueta Nain aramas, me kaidin kodo, pwe aramas en papa, a pwe i en papa o kida maur a wiliandi me toto.Select Matthew 20:28

29Ni arail kotila sang Ieriko, pokon kalaimun idauen la i.Select Matthew 20:29

30A kilang, ol maskun riamen momod ni kailan al o. Ni ara rongadar, me Iesus kotin daulul, ira ap likelikwir indada: Maing kupura kit, ir me sapwilim en Dawid!Select Matthew 20:30

31A pokon o kidau ira da, pwen nenenla. A ira kalaudela ara likelikwir indada: Maing, kupura kit, ir me sapwilim en Dawid!Select Matthew 20:31

32Iesus ari kotin udi, molipe ira do masani: Da me koma mauki, I en wiai ong koma?Select Matthew 20:32

33Ira potoan ong: Maing, mas at en kapad pasang!Select Matthew 20:33

34Iesus ari kupuro kin ira dar o kotin sair mas ara. Mas ara ari madang pad pasanger; ira ap idauenla i.Select Matthew 20:34