21Matthew 21

1NI arail koren iong Ierusalem o lel ong Petpake impan dol Oliwe, Iesus ap kotin poronela tounpadak riamen.Select Matthew 21:1

2Masani ong ira: Koma ko ong nan kanim monen, a madang koma pan diar esel amen, me salidi, o na pul mi imp a, lapwa ira da, ap kare dong ia!Select Matthew 21:2

3A ma meamen pan indang koma meakot, koma pan indada: Kaun o men dake, i ari pan madang kadar ira do.Select Matthew 21:3

4A mepukat karos wiauier, pwen pwaida, me lokido ren saukop o me masani:Select Matthew 21:4

5Kaireki nain Sion seripein: Kilang, om Nanmarki kotido re om. A kotin opampap o kaipokedi pon esel li amen.Select Matthew 21:5

6A tounpadak ko lao kolar, o wiadar duen Iesus kotin masani ong ira,Select Matthew 21:6

7Ira ap wado esel o na, ap irepadi po ’ra arail likau kan a ap kotin kaipokedi poa.Select Matthew 21:7

8O pokon kalaimunia irepadi arail likau kan nani al o, a akai paledier ran tuka kan irepadi nani al o.Select Matthew 21:8

9A pokon o, me tiong moa, o me idauen, ngisingis indada: Osiana ong sapwilim en Dawid! Meid iasanai me kotido ni mar en Kaun, osiana nanlang.Select Matthew 21:9

10A lao kotilong ong nan Ierusalem, toun kanim ap mokimokid indada: Is i?Select Matthew 21:10

11Pokon o katitiki: Nan i Iesus, saukop en Nasaret en Kaliläa.Select Matthew 21:11

12Iesus ap kotilong ong nan im en kaudok en Kot, ap kotin kase sang karos, me kin netinet nan im en kaudok, o kotin wukededi tepel en saunkawilian moni ko, o deun men netin muroi.Select Matthew 21:12

13O kotin masani ong irail: A intingidi: Im ai pan adaneki im en kapakap, a komail wia kilar deu en lipirap.Select Matthew 21:13

14A me maskun o me sikil akan poto dong i nan im en kaudok o; i ari kotin kakel irail adar.Select Matthew 21:14

15A samero lapalap o saunkawewe kan lao kilanger manaman akan, me a kotin wiadar, o seri kan nan im en kaudok, me ngisingis indada: Osiana ong sapwilim en Dawid! Irail ap makara kidar,Select Matthew 21:15

16Indai ong i: Kom sota mangi, me mepukat katitiki? A Iesus kotin masani ong irail: Ei, komail saikenta doropwe: Sang nan au en seri o me kin kang didi, ir me kotin kapwaiadar kaping eu?Select Matthew 21:16

17I ari kotin muei sang irail, kotila sang nan kanim o, koti dong Petanien o pweiokidi wasa o.Select Matthew 21:17

18A ni mansang ni a kotin purlang kanim o, ap men konotedar:Select Matthew 21:18

19A kotin masani tuka pik pot ni kailan al o, ap kotilang i. A sota, me a kotin diaradar, pwe ta eta, ap kotin masani ong i: Koe solar pan wa kokolata! A tuka pik ap madang mongedier.Select Matthew 21:19

20Tounpadak kan lao kilanger, irail ap puriamui kidar indada: Daduen tuka pik o madang mongelar.Select Matthew 21:20

21A Iesus kotin sapeng masani ong irail: Melel I indai ong komail, ma komail poson, ap sota peikasal, kaidin met eta, me wiaui ong tuka pik en, me komail pan kak wiada, pwe ma komail pan indang nana wet: Mokid wei lokidokila nan madau, nan a pan pwaida.Select Matthew 21:21

22O meakaros komail pan poeki ni omail kapakap, ap poson komail pan ale.Select Matthew 21:22

23A lao kotilong ong nan im en kaudok o, samero lapalap akan o saumas en toun sap o ap ko dong i ni a kotin kaukawewe indada: Manaman en is, me komui wiaki mepukat? O is me ki ong komui manaman wet?Select Matthew 21:23

24A Iesus kotin sapeng masani ong irail: I pan pil kalelapok meakot re omail, ma komail pan sapeng ia, I pil pan indang komail manaman en is, me I wiaki mepukat.Select Matthew 21:24

25En Ioanes a paptais a tapi sang ia? Men nanlang de me ren aramas? Irail ap lamelame nan pung arail katiti, ma kitail pan inda men nanlang, a pan masani ong kitail: Da me komail so posonki i?Select Matthew 21:25

26A ma kitail inda, me ren aramas, kitail masak pokon o, pwe karos kin wia saukopki Ioanes,Select Matthew 21:26

27Irail ari sapeng Iesus potoan ong: Kit sota potoan. I ari pil masani ong irail: I sota pil pan indai ong komail, manaman en is, me I wiaki mepukat.Select Matthew 21:27

28A iaduen omail lamelam? Aramas amen naineki ol riamen. A kola ren amen indang i: Lao, kola ran wet dodok nan ai mat en wain.Select Matthew 21:28

29A sapeng indada: I sota mauki; a mur ekis a kalukila, ap koieila.Select Matthew 21:29

30O a kola ren me teio indai ong pil dueta. I me sapeng indada: Ei maing; ap sota kola.Select Matthew 21:30

31Ari, is re ’ra, me wiadar insen en sam a? Irail potoan ong i: Men mas o. Iesus kotin masani ong irail: Melel I indai ong komail, saunopwei o me nenek kan pan mo ’mail pedelong ong nan wein Kot.Select Matthew 21:31

32Pwe Ioanes pwara dong komail, padapadak ong komail duen al pung, a komail sota kamelele i; a saunopwei o me nenek kan kamelele i. A komail lao kilanger, komail sota kalukila, pwen kamele i.Select Matthew 21:32

33Komail rong pil apot karaseras! Kaun pan im amen padukedier mat en wain eu o kele pene, ap weiradar deun men wungid wan wain, o kauada im en daulik eu, ap kasile kin i ong saumat akai, o momaitelar nan wai.Select Matthew 21:33

34A lao ansau en rak, a kadaralang saumat akan a ladu kai, pwen ale a wan wain.Select Matthew 21:34

35Saumat akan ap saikedi a ladu kan; re woki amen, kamela amen, a amen me re kate.Select Matthew 21:35

36A pil kadarala ladu kai, toto sang men mas, Irail ari wiai ong irail pil dueta.Select Matthew 21:36

37A ikmuri a kadara wong irail na ol masani: Nan re pan masak nai ol.Select Matthew 21:37

38A saumat akan lao kilanger ol o, irail ap kasokasoi nan pung arail: I me pan ale soso, ukodo kitail en kamela i, a kitail pan id ale a soso.Select Matthew 21:38

39Irail ari saikedi i o kasapoke sang i nan mat en wain o, o kamela i.Select Matthew 21:39

40Ari, monsap en mat en wain lao pwarado, da me a pan wiai ong saumat pukat?Select Matthew 21:40

41Irail potoan ong i: A pan kamela aramas sued pukat, ap pan neki ong akai saumat a mat en wain o, me pan ki ong i wan wain ni ansau me kon ong.Select Matthew 21:41

42Iesus ap kotin masani ong irail: Komail saikenta doropwer nan kisin likau kan: Takai o, me sause kan kasapokelar, ap id wialar takai en pukakaim. Mepukat wiauier ren Kaun o, men kapuriamui patail?Select Matthew 21:42

43I me I indai ong komail, wein Kot pan sapadoke sang komail, ap ko ong eu kainok, me pan kida wa.Select Matthew 21:43

44O meamen pupedi ong pon takai wet, pan ola, a meamen me a pan pupedi ong poa, a pan pitaki pasang i.Select Matthew 21:44

45A samero lapalap o Parisär akan lao rongadar a karaseras akan, re mulikiadar, me a kotin karaserase kin irail.Select Matthew 21:45

46Irail ari masamasan sili en saikidi i, a re masak aramas akan, pwe re wia kin i saukop amen.Select Matthew 21:46