25Matthew 25

1I ANSAU o wein nanlang me rasong li ek, me ale ar lamp akan, ap koieilang ol kamod.Select Matthew 25:1

2Me limen me lolekong a me limen me lolepon.Select Matthew 25:2

3Me lolepon oko wa ar lamp akan ap sota iangaki kadirepa.Select Matthew 25:3

4A me lolekong ko wa ar lamp akan iangaki kadirepa.Select Matthew 25:4

5A ni en ol kamod a pwapwand ir karos men mair ap mairelar.Select Matthew 25:5

6A lao nan lukepan pong a lok sili: Kilang, ol kamod kotido, komail koieilang i!Select Matthew 25:6

7Li karos ap pauridar kaonopadar ar lamp akan.Select Matthew 25:7

8Me lolopon ap indang me lolekong kan: Komail ki dong kit kisan omail le, pwe nait lamp akan pan kunla.Select Matthew 25:8

9A me lolekong kang sapeng indada: O iermen, pwe ede sola itar ong kit o komail, komail kola ren saunet netiada pein omail.Select Matthew 25:9

10Ni arail kokolan net, ol kamod ap samador. Irail me onoper iang i pedelong ong nan kamadip o, wanim ap ritidier.Select Matthew 25:10

11Murin ansau kis li tei ko ap pwarado indada: Maing, maing, re kotin ritingadang kit!Select Matthew 25:11

12A ap sapeng indada: Melel i indang komail, i sasa komail.Select Matthew 25:12

13Komail ari masamasan, pwe komail sasa ran de auer.Select Matthew 25:13

14Pwe a rasong aramas amen, me pan momaitela nan wai. Ap kapokon pena na ladu kan o nek ong irail a dipisou kan.Select Matthew 25:14

15A ki ong amen talent limau, a ong amen riau, a ong amen eu, duen me re itar ong, a ap madang samalar.Select Matthew 25:15

16Me aleer talent limau, ap koieila dodokki o diaradar pil talent limau.Select Matthew 25:16

17A me aleer riau, pil dueta, a diaradar pil riau.Select Matthew 25:17

18A me aleer eu, ap koieilar sarepedier nani pwel, okilar moni en monsap o.Select Matthew 25:18

19A kadekadeo a warailar monsap en ladu pukat ap puredo o kainene irail adar.Select Matthew 25:19

20Me aleer talent limau ap potodo wado pil talent limau indada: Maing komui kotiki ong ia er talent limau, kom kotin masani, iet pil talent limau, me i netia kidar.Select Matthew 25:20

21A monsap ap indang i: Meid mau, me koe wiadar, ladu lelapok o melel amen koe. Koe apapwali mau me tikitik o, i ap pan kasapwiladang uk pon dipisou toto, ko ong nan peren en om monsap!Select Matthew 25:21

22A me aleer talent riau ap pil potodo indada: Maing komui kotiki dong ia er talent riau, kom kotin masani, iet pil talent riau, me i netia kidar.Select Matthew 25:22

23A monsap ap indant i: Meid mau, me koe wiadar, ladu lelapok o melel amen koe. Koe apapwali mau me tikitik o, i ap pan kasapwiladang uk pon dipisou toto ko ong nan peren en om monsap!Select Matthew 25:23

24A me aleer talent eu ap pil potodo indada: Maing, i asaer komui, me komui ol padik amen, me kin dolung sang wasa, me kaidin komui padukedier ia, o nak pena, wasa me kaidin komui kamorok ia;Select Matthew 25:24

25Ngai ari masak, o koieila o okilar sapwilim omui talent nani pwel, masani, iet sapwilim omui.Select Matthew 25:25

26A monsap ap sapeng indang i: Ladu sued o ponkake men koe, ma koe asaer, me i kin dolung wasa, me kaidin ngai padukedier, o nak pena wasa, me kaidin ngai kamorokier.Select Matthew 25:26

27Menda koe sota ki ong saun kawilian moni nai moni, a ngai lao puredo, i ap pan ale me udan ai iangaki moni me a naitikadar.Select Matthew 25:27

28Komail ari ki sang re a a talent, ap ki ong, me a talent eisok.Select Matthew 25:28

29Pwe me a mia, ekis pan ko ong, pwen aneki me laud; a me sota a mia, nan a pan katia sang me mi re a.Select Matthew 25:29

30A ladu me sota katepa, komail kasela nan rotorot liki, iei wasan maiei o teterok.Select Matthew 25:30

31A Nain aramas lao kodo ni a lingan, o tounlang saraui kan iang i, a pan mondi pon mol en a lingan;Select Matthew 25:31

32O toun sappa karos pan kapokon pena mo a. A ap pan katoror irail pasang dueta silepa o kin katorore sip ol ren li akan.Select Matthew 25:32

33A pan kila na sip li akan ni pali maun, o na sip ol akan ni pali maing.Select Matthew 25:33

34Nanmarki ap pan masani ong toun pali maun: Ukodo, komail kompoke pan Sam ai, sosoki wei o, me onop ong komail er sang ni tapin kaua!Select Matthew 25:34

35Pwe ngai men mangadar, a komail ap kamanga ia; ngai men nim piladar, a komail ap kanim pil ia; ngai men kairu men, a komail ap kasamo ia.Select Matthew 25:35

36Kiliso, a komail ap kalikauwi ia dar, ngai somaudar, a komail ap pwara dong ia; ngai salidier, a komail ap pwara dong ia.Select Matthew 25:36

37Me pung kan ap pan sapeng i potoan ong: Maing, iad me se potoan ir men konot, ap potoan dong ir konot, de men konot pil, ap id konote dong ir?Select Matthew 25:37

38Iad kit potoan ir men kairu, ap kasamo ir? De kiliso, ap kalikauwi ir adar?Select Matthew 25:38

39Iad kit potoan ir lomum, de salidi, ap poto dong ir?Select Matthew 25:39

40Nanmarki ap pan sapeng masani ong irail: Melel i indai ong komail, meakot komail wiai ong amen, ri ai ol tikitik pukat, i me komail wiai ong ia er.Select Matthew 25:40

41A ap pil pan indang irail toun pali maing: Komail me riala, kowei sang ia, ko ong nan kisiniai soutuk, me onoper ong tewil o nal kan.Select Matthew 25:41

42Pwe ngai men mangadar, a komail sota kamanga ia, o men nim piladar, a komail sota kanim pil ia,Select Matthew 25:42

43Ngai men kairu men, a komail sota kasamo ia, kiliso, a komail sota kalikauwi ia dar, o somau, o salidi, a komail sota pwara dong ia.Select Matthew 25:43

44Irail ap pil pan potoan ong: Maing, iad me se potoan ir men konot, de men konot pil, de men kairu men, de kiliso, de lomum, de salidi, ap sota papa ong ir?Select Matthew 25:44

45A ap pan sapeng irail masani: Melel i indai ong komail, meakot komail sota wiai ong amen tikitik pukat, i me komail sota wiai ong ia.Select Matthew 25:45

46Mepukat ap pan kolang kalokolok soutuk, a me pung kan pan maur soutuk.Select Matthew 25:46