27Matthew 27

1A LAO ran pasanger, samero lapalap akan o saumas akan en toun sap o kapukapungada duen Iesus pwen kamatala.Select Matthew 27:1

2Irail lao saliedi i, ap wawei, ki ong ren kopina Pontius Pilatus.Select Matthew 27:2

3A Iudas, me pangala i lao kilanger me a pakadeikadar, en kamatala, ap kalukila o purekido moni sileisok ren samero lapalap akan o saumas akan.Select Matthew 27:3

4Indada: Ngai me wiadar dip, ni ai pangalar nta makelekel. A irail inda: Menda re at? Koe en pein wia.Select Matthew 27:4

5I ari kasedi moni ko nan im en kaudok, ap koieilar lusiamalar.Select Matthew 27:5

6A samero lapalap akan ale moni ko indada; A sota pung kitail en ki ong nan deun mairong, pwe pwain pan nta.Select Matthew 27:6

7Irail ari kapukapung, ap netiadar sap en saun wia dal, wasa me men liki pan seredi ia,Select Matthew 27:7

8I me wasa o adaneki sap en nta kokodo lel ran wet.Select Matthew 27:8

9I dokan a pwaidar, me lokidor ren saukop Ieremia, me masani: Irail ari aleer moni sileisok i pwaine pan i, me re netiada ren men Israel.Select Matthew 27:9

10O pwaine kida sap en saun wia dal, duen me Kaun o kotin masani ong ia.Select Matthew 27:10

11Iesus ari kotikot mon kopina; kopina ap kainoma re a masani: Nanmarki en Sus akan komui? A Iesus kotin masani ong i: Komui me masani.Select Matthew 27:11

12Samero lapalap akan o saumas akan lao karaune kin i, a sota kotin sapeng.Select Matthew 27:12

13Pilatus ap masani ong i: Komui sota rong duen ar karakarauni komui kaualap?Select Matthew 27:13

14I ari sota kotin masani ong i meakot. Kopina ap poneponeki kaualap.Select Matthew 27:14

15Ari, ni kamadip o kopina kin lapwa ong irail amen me salidi, meamen, me re mauki,Select Matthew 27:15

16A i ansau o ol amen, ad a Parapas, me salidi re ’rail.Select Matthew 27:16

17Irail lao pokon penaer, Pilatus ap masani ong irail: Is me komail mauki, i en lapwa dang komail, Parapas de Iesus, me maraneki Kristus?Select Matthew 27:17

18Pwe a asaer, ar peirin, me re pang kilar i.Select Matthew 27:18

19A lao kaipokedi pon deun kadeik, a paud ilokilang i indada: Komui der wia meakot ong ol pung men et, pwe i auramandar duen i, me i lokelokeki laud ran wet.Select Matthew 27:19

20A samero lapalap akan o saumas akan sairen kila pokon o, ar poekipoeki Parapas o kamatala Iesus.Select Matthew 27:20

21A kopina sapeng masani ong irail: Is re ’ra, me komail mauki, i en lapwadang komail? Irail potoan ong: Parapas.Select Matthew 27:21

22Pilatus ap masani ong irail: Da me i en wiaki Iesus, me maraneki Kristus? Irail karos potoan ong: A en kalopuela!Select Matthew 27:22

23A kopina masani: Pwe sued da, me a wiadar? A re kalaudela ar weriwer: A pan kalopuela!Select Matthew 27:23

24Pilatus lao kilang, me a sota kak wiada meakot, pwe moromorong pan wiaui, ap ale pil, omiom mo ’rail masani: Ngai makelekel sang ntan ol pung men et, komail pan wia.Select Matthew 27:24

25Aramas karos ap wiaki eu sapeng indada: Nta en kapokon ong kit o nait seri kan!Select Matthew 27:25

26A ap lapwa dong irail Parapas, a Iesus me a woki ap mueid ong irail, en kalopuela i.Select Matthew 27:26

27Nain kopina saunpei kan ap ale Iesus kalualong ong nan im en kadeik o, ap kapokon pena saunpei karos;Select Matthew 27:27

28Irail ap ki sang i sapwilim a likau kan, ap id kalikauwie kida i likau waitata;Select Matthew 27:28

29Ap pada al en tek eu, ap kida pon kadokenmai, o ki ong sokon apot ni lim a maun, o kelepukidi mo a o kapikapidi i indada: Iong Nanmarki en Sus akan!Select Matthew 27:29

30Irail kondipe ong i, o re ale sokon o, o pokieki kadokenmai.Select Matthew 27:30

31Irail lao kapiti i, ap kisang likau waitata, ap kapure ong i udan sapwilim a likau o kaluawei, pwen kalopuela.Select Matthew 27:31

32Ni arail kotikot kokola, rap diarada aramas en Kirene men, me ad a Simon, i me re iton ong, en wadala sapwelim a lopu.Select Matthew 27:32

33Irail lao lel ong wasa o, me ad a Kolkata, iet wewe: Wasa en pondal en monga.Select Matthew 27:33

34Irail ki ong i pinika, me doleki edi. A lao kotin song kis, a sota urak.Select Matthew 27:34

35Irail lao kalopuelar i, ap nek pasang sapwilim a likau kadoropwe kidar.Select Matthew 27:35

36Irail ari mondi ong wasa o masamasan i.Select Matthew 27:36

37O ponangin kadokenmai re pasuredier inting o, me a pukoki: Iet Nanmarki en Sus akan.Select Matthew 27:37

38Lolap riamen iang i lopuelar, amen mi ni pali maun, a amen ni pali maing.Select Matthew 27:38

39Me dadaulul akan lalaue i, dueduälok.Select Matthew 27:39

40Katiti: Koe me kin kawela im en kaudok ap id kauada pong sili pong, en pein dore uk ala; ma Sapwilim en Kot koe, en keredi sang nin lopu en!Select Matthew 27:40

41A samero lapalap, o saunkawewe, o saumas akan pil dueta kapikapiti i indada:Select Matthew 27:41

42A dorelar akai, ap sota kak dorela pein i; ma i Nanmarki en Israel, i en keredi sang ni lopu en, a kitail pan kamelele i.Select Matthew 27:42

43A liki Kot, i en kotin dorela, ma a kotin kupura i, pwe a indada: Ngai Sapwilim en Kot.Select Matthew 27:43

44Lolap oko, me iang i lopuelar, pil lalaue i.Select Matthew 27:44

45Sang ni auer kawonu lel auer kaduau rotorot kipadi sap o.Select Matthew 27:45

46Ni auer kaduau Iesus ap kotin ngil laud masani: Eli, eli lama asaptani! Iet wewe: Ai Kot, ai Kot, da me komui likitmalia kin ia la?Select Matthew 27:46

47Akai me u wasa o, rongadar me, ap indada: A eker Elias.Select Matthew 27:47

48A amen irail pitipit tang ale lim eu, kaduedi ong nan pinika kauong ni alek apot, kidang i en urak,Select Matthew 27:48

49A akai me inda: Iermen, kitail en kilang mas, ma Elias pan pwarado dorela i.Select Matthew 27:49

50Iesus pil kotin ngil laud, ap kadarala ngen e.Select Matthew 27:50

51A kilang, perepa likau en im en kaudok o ap dei pasang, sang pali poa lel pa, o sap rereda, o paip akai rongkilar,Select Matthew 27:51

52O sousou kai sara pasang, o war en me saraui kan toto, me mamair, ap iasadar.Select Matthew 27:52

53O murin ar iasadar, irail koda sang nan sousou kan, kolang kanim saraui, pwara dong me toto.Select Matthew 27:53

54Senturion o me iang i sinsila Iesus, kilanger sap a rereda, o meakan, me wiauier, rap masakadar kaualap, katiti: Melel i, me Sapwilim en Kot!Select Matthew 27:54

55O li toto mi kailewei, kilekilang me wiaui, iei irail, me idauendo Iesus sang Kaliläa papa i.Select Matthew 27:55

56Maria men Makdala, o Maria in en Iakopus i Ioses, o in en nain Sepedäus akan mi nan pung arail.Select Matthew 27:56

57A lao sautik penaer, ol kapwapwa men pwarado, men Arimatia, me ad a Iosep, me pil tounpadak en Iesus amen.Select Matthew 27:57

58I ari poto dong Pilatus poeki kalep en Iesus. Pilatus ap masani, a en pangalang i.Select Matthew 27:58

59Iosep ari ale kalep o, kidimiki pena likau makelekel o kaselel;Select Matthew 27:59

60Ap nekidedi nan pein a sousou kap, me a weiradar nan paip; i ap kadapure ong takai kalaimun eu nan au en sousou o, ap kotila sang,Select Matthew 27:60

61A Maria men Makdala, o Maria teio momod sal ong sousou o.Select Matthew 27:61

62A mandan ran o, ran en kaonop, samero lapalap o Parisär akan pokon pena ren Pilatus.Select Matthew 27:62

63Indada: Maing, kit tamandar, me ol sued men et katitiki ni a memaur: I pan maureda murin ran silu.Select Matthew 27:63

64Komui ari masani, me ren sinsila sousou o lel ran kasilu, pwe a tounpadak kan de kodo pirapela, ap indang aramas: A kotin iasadar sang ren me melar akan, pwe pakotau wet pan sued sang men mas,Select Matthew 27:64

65Pilatus masani ong irail: let silepa ko, komail kowei sinsila sousou o duen komail kak ong.Select Matthew 27:65

66Irail ari koieila, kileledier takai o, o kasilaki sousou o saunpei kai.Select Matthew 27:66