9Matthew 9

1I ARI kotida pon sop o, kotela pur ong sapwilim a kanim.Select Matthew 9:1

2A kilang, re wa dong i me somau kokon madak, me wonon pon pet. Iesus lao kotin masani ar poson, ap masani ong me somau kokon madak: Nai, kaporopor mau, dip om akan me lapwadar.Select Matthew 9:2

3A kilang, saunkawewe kai mongemongeloleki: Lap o kin lalaue.Select Matthew 9:3

4A Iesus lao mangi arail lamelam, ap kotin, masani: Menda komail lamelam sued nan mongiong omail?Select Matthew 9:4

5Pwe ia me mongai ren inda: Dip om akan lapwadar! De inda: Uda aluwei?Select Matthew 9:5

6A pwe komail en asa, me Nain aramas me manaman ong lapwada dip nin sappa iei me a kotin masanieki ong me somau kokon madak: Uda, ale ki om ko ong deu om!Select Matthew 9:6

7I ari udar, koieilar deu a.Select Matthew 9:7

8Pokon lao kilanger mepukat, rap malamalauak kila kapinga Kot, me kotiki ong aramas manaman due met.Select Matthew 9:8

9Iesus lao kotiwei sang wasa o, ap masani aramas amen, me ad a Matäus, me momod nan deun nopwei, ap kotin masani ong i: Idauen ia do! I ari uda idauenla i.Select Matthew 9:9

10Kadekadeo a lao kaipokedi konot nan im o, kilang saunopwei o me dipan me toto iang Iesus o sapwilim a tounpadak kan konokonot.Select Matthew 9:10

11Parisär akan lao kilanger met, ap indang sapwilim a tounpadak kan: Da me omail Saunpadak iangki saunopwei o me dipan akan konokonot?Select Matthew 9:11

12Iesus lao mangi mepukat, ap kotin masani: Me kelail akan sota mau ong saunwini, pwe me somau eta.Select Matthew 9:12

13A komail kola, padakki wewen kasoi pot et: I kin polauleki kadek a kaidin mairong isis. I kodon eker dong kalula me dipan akan, a kaidin me pung kan.Select Matthew 9:13

14En Ioanes a tounpadak kan ap pwara dong re a potoan ong: Da me kit o Parisär akan kin kaisesol pan pak toto, a sapwilim omui tounpadak kang sota kin kaisesol?Select Matthew 9:14

15Iesus ap kotin masani ong irail: Da, toun kamadip en kapapaud pan kak kamauk ni ansau ol kamot mi re ’rail? A kadekadeo eu ran ol kamod pan peukawei sang irail, re ap pan kaisesol.Select Matthew 9:15

16Sota amen me kin deipinaki likau kap likau maring, pwe me depin a pan teirok sang likau o, a por o pan laudela.Select Matthew 9:16

17Pil sota amen me kin kodie ong wain kap nan ed maring, a ma ei ed akan pan ola, a wain pan wudokela, o ed akan pan ola. A re kin kodie ong wain kap nan ed kap, ira karos ap nekinek mau.Select Matthew 9:17

18Ni a kotin masani ong irail mepukat, kilang saupeidi amen ap pedelong, poridi ong i potoan ong: Nai seripein apton melar, a ren kotido, pwil po a lim ar, a ap pan maureda.Select Matthew 9:18

19Iesus ari kotida idauenla i, o sapwilim a tounpadak kan pil iang.Select Matthew 9:19

20A kilang, li amen, me nta pwilipwil par ngaulriau, a kai ong pon palikia o sair imwin sapwilim a likau.Select Matthew 9:20

21Pwe a lamelame: Ma i doke sapwilim a likau, i pan kelailada.Select Matthew 9:21

22A Iesus kotin saupeila; a lao masani i, ap kotin masani: Seripein kaporopor mau, om poson me kakelail uk ada. A li o kelailadar ni auer ota.Select Matthew 9:22

23A Iesus lao kotilong ong nan im en saupeidi o, ap masani saunkasang o moromorong en aramas akan,Select Matthew 9:23

24Ap kotin masani: Kowei sang, pwe seripein en sota melar, pwe a mamair. Irail ap kaurureki i.Select Matthew 9:24

25Aramas akan lao kokok sang, i ap kotilong ong, ale pa a, seripein ap paurida.Select Matthew 9:25

26Mepukat ap lolok sili nan sap karos.Select Matthew 9:26

27Iesus lao kotila sang wasa o, ol maskun riamen idauenla i, weriwer indada: Kupura kit, Komui sapwilim en Dawid!Select Matthew 9:27

28A lao kotilong ong nan im o, me maskun ko ap ko dong i. Iesus ari masani ong ira: Koma kamelele, me I kak ong wiada met? Ira potoan ong: Ei Maing.Select Matthew 9:28

29I ap kotin sair mas ara masani: Duen oma poson a pan wiaui ong koma.Select Matthew 9:29

30Mas ara ari pad pasang. Iesus ap kotin kalik ira di masani: Kalaka, pwe meamen de asa!Select Matthew 9:30

31A ira koieilar katiti sili ni sap karos.Select Matthew 9:31

32Ira lao koieilar, kilang, irail ap wa dong i aramas amen, me lotong o tewil ti poa.Select Matthew 9:32

33Tewil lao pakausa sang, me lotong o ap lokaia; pokon o ap malamalauak kila indada: Nan dueta met a saikenta wiauier nan Israel.Select Matthew 9:33

34A Parisär indada: Nan saumas en tewil akan me a kausaki sang tewil akan.Select Matthew 9:34

35Iesus ap kotin kakan sili nan kanim laud o me tikitik kan kawewe nan ar sinakoke kan o padapadaki rongamau en wei, o kotin kakelada song en somau o luet akan karos.Select Matthew 9:35

36A lao masani pokon o, ap kotin kupuro kin irail, pwe irail soangiangalar o dupokalar dueta sip akan, me sota sile parail.Select Matthew 9:36

37I ap kotin masani ong sapwilim a tounpadak kan: Nan melel rak me kalaimun, a men dodok me malaulau.Select Matthew 9:37

38Komail ari poeki ren Kaun en rak, en kadarala toun dodok kan nan a rak.Select Matthew 9:38