1Galatians 1

1Pauro muapositori asingabvi kuvanhu, uye kwete nemunhu, asi naJesu Kristu, naMwari Baba vakamumutsa kubva kuvakafa,Select Galatians 1:1

2nehama dzese dzineni, kumakereke eGaratia:Select Galatians 1:2

3Nyasha kwamuri nerugare rwunobva kuna Mwari Baba, naIshe wedu Jesu Kristu,Select Galatians 1:3

4wakazvipa nekuda kwezvivi zvedu, kuti atisunungure panyika yakaipa yaikozvino, maererano nechido chaMwari naBaba vedu;Select Galatians 1:4

5kuve nekubwinya kwaari kusvikira rinhi narinhi. Ameni.Select Galatians 1:5

6Ndinoshamisika kuti munokurumidza zvakadai kubva kune uyo wakakudanai munyasha dzaKristu, muchienda kune imwe evhangeri;Select Galatians 1:6

7isati iri imwe; asi kune vamwe vanokutambudzai vachidawo kutsaudzira evhangeri yaKristu.Select Galatians 1:7

8Asi kunyange isu kana mutumwa anobva kudenga akakuparidzirai evhangeri yakasiyana neyatakaparidza kwamuri, ngaave chakatukwa.Select Galatians 1:8

9Sezvatakamboreva, uye ndinorevazve ikozvino: Kana umwe akakuparidzirai evhangeri yakasiyana neyamakagamuchira, ngaave chakatukwa.Select Galatians 1:9

10Nokuti ikozvino ndinonyengetedza vanhu here kana Mwari? Kana ndinotsvaka kufadza vanhu here? Nokuti kana ndichiri kufadza vanhu, ndingadai ndisiri muranda waKristu.Select Galatians 1:10

11Asi ndinokuzivisai, hama, evhangeri yakaparidzwa neni, kuti haina kuita seyevanhu.Select Galatians 1:11

12Nokuti neni handina kuigamuchira kumunhu, uye handina kuidzidziswa, asi nekuzarurirwa kwaJesu Kristu.Select Galatians 1:12

13Nokuti makanzwa mufambiro wangu kwekutanga pachiJudha, kuti ndaishusha kereke yaMwari zvikurusa sei, nekuiparadza;Select Galatians 1:13

14uye ndaibudirira pachiJudha kupfuura vazhinji vezero rangu parudzi rwangu, ndichishingairisisa tsika dzemadzibaba angu.Select Galatians 1:14

15Asi zvakati zvafadza Mwari, iye wakandisanangura kubva padumbu ramai vangu, akandidana nenyasha dzake,Select Galatians 1:15

16kuratidza Mwanakomana wake mandiri, kuti ndimuparidze pakati pevahedheni, pakarepo handina kurangana nenyama neropa;Select Galatians 1:16

17uye handina kukwira kuJerusarema kune vakanditangira kuva vaapositori, asi ndakaenda kuArabhiya, ndikadzokerazve kuDhamasiko.Select Galatians 1:17

18Ipapo shure kwemakore matatu ndakakwira kuJerusarema kunoona Petro, ndikagara naye mazuva gumi nemashanu.Select Galatians 1:18

19Asi handina kuona umwe wevaapositori, kunze kwaJakobho munin'ina waIshe.Select Galatians 1:19

20Zvino zvinhu zvandinokunyorerai, tarira pamberi paMwari, kuti handinyepi.Select Galatians 1:20

21Shure kwaizvozvo ndakaenda kumatunhu eSiriya neeKirikia.Select Galatians 1:21

22Asi ndakange ndisingazikanwi pachiso nemakereke eJudhiya aiva muna Kristu;Select Galatians 1:22

23asi vakange vanzwa chete kuti: Waititambudza nguva dzakapfuura, zvino woparidza rutendo rwaaimboparadza.Select Galatians 1:23

24Vakarumbidzawo Mwari mandiri.Select Galatians 1:24