102 Corinthians 10

1Zvino ini Pauro ndomene ndinokukumbirisai neunyoro, uye moyochena waKristu, wakaninipiswa pakati penyu kana ndiripo, asi kana ndisipo ndine ushingi kwamuri;Select 2 Corinthians 10:1

2ndinokumbirisawo, kuti kana ndiripo, ndirege kuva neushingi nekuzvipira uku kwandinoverengerwa kuti ndine ushingi hwekumirisana nevamwe vanotifungira sevanofamba panyama.Select 2 Corinthians 10:2

3Nokuti kunyange tichifamba panyama, hatirwi maererano nenyama;Select 2 Corinthians 10:3

4nokuti zvombo zvehondo yedu hazvisi zvenyama, asi zvakasimba kubudikidza naMwari pakuputsa nhare,Select 2 Corinthians 10:4

5tichiwisa mirangariro nechese chakakwirira chinozvikwiridza chichipesana neruzivo rwaMwari, nekuisa muutapwa murangariro wese pakuteerera Kristu;Select 2 Corinthians 10:5

6takazvigadzira kutsiva kusateerera kwese, kana kuteerera kwenyu kwazadzisika.Select 2 Corinthians 10:6

7Munotarira zvinhu pamaonekero azvo ekunze here? Kana munhu achizvivimba kuti iye ndewaKristu, ngaazvirangarirezve, kuti iye sezvaari waKristu, saizvozvo nesu tiri vaKristu.Select 2 Corinthians 10:7

8Nokuti kana nezvinhu zvizhinjisa ndisazvirumbidzazve maererano nesimba redu, Ishe raakatipa pakuvaka, uye kwete rekuparadza kwedu, handinganyadziswi;Select 2 Corinthians 10:8

9kuti ndirege kuonekwa sendinokutyityidzirai netsamba.Select 2 Corinthians 10:9

10Nokuti vanoti: Tsamba dzake dzinorema uye dzine simba; asi kuvapo kwemuviri kune utera nekutaura kwake kunozvidzika.Select 2 Corinthians 10:10

11Wakadaro ngaarangarire ichi, kuti sezvatakadaro pashoko kubudikidza netsamba kana tisipo, nesu takadaro pakuita kana tiripo.Select 2 Corinthians 10:11

12Nokuti hatina ushingi hwekuzviverengera kana kuzvifananidza nevamwe vevanozvirumbidza; asi ivo vanozvienzanisa vega, nekuzvifananidza pachavo, havanzwisisi.Select 2 Corinthians 10:12

13Asi isu hatingazvikudzi zvinopfuura chipimo, asi zvinoenderana nechipimo chemuganhu Mwari waakatitemera, chipimo chekusvika nekwamuri.Select 2 Corinthians 10:13

14Nokuti hatizvitandavadzi kupfuurikidza setisingasvikiri kwamuri, nokuti nekwamuriwo takasvika muevhangeri yaKristu;Select 2 Corinthians 10:14

15tisingazvikudzi kupfuurikidza chipimo pamabasa evamwe; asi tine tariro, kuti kana rutendo rwenyu rwuchiwanzwa, isu tichakuriswa pakati penyu zvinoenderana nemuganhu wedu nekupfuurisa,Select 2 Corinthians 10:15

16kuparidza evhangeri pamatunhu ari mhiri kwenyu, kwete kuzvirumbidza pamuganhu weumwe pazvinhu zvakagadzirwa.Select 2 Corinthians 10:16

17Asi anozvirumbidza, ngaazvirumbidze muna Ishe.Select 2 Corinthians 10:17

18Nokuti haasi anozvirumbidza uyo anogamuchirwa, asi Ishe waanorumbidza.Select 2 Corinthians 10:18