112 Corinthians 11

1Dai muchindiitira moyo murefu zvishoma paupenzi hwangu; asiwo munondiitira moyo murefu.Select 2 Corinthians 11:1

2Nokuti ndine godo nemwi negodo raMwari; nokuti ndakakuwanisai kumurume umwe, kuti ndikukumikidzeimuri mhandara yakachena kuna Kristu.Select 2 Corinthians 11:2

3Asi ndinotya kuti zvimwe nyoka sezvayakanyengera Evha nemano ayo, saizvozvo ndangariro dzenyu dzingatsauswa pauchokwadi huri muna Kristu.Select 2 Corinthians 11:3

4Nokuti kana anosvika achiparidza umwe Jesu watisina kuparidza, kana zvimwe muchigamuchira umwe mweya wamusina kugamuchira, kana imwe evhangeri yamusina kugamuchira, zvakanaka kuti muzviitire moyo murefu.Select 2 Corinthians 11:4

5Nokuti ndinoona ndisingasariri nepadiki kuvaapositori vakurusa.Select 2 Corinthians 11:5

6Kanawo kunyange ndisina kudzidza pashoko, asi kwete paruzivo; asi pachinhu chese takaratidzwa kwamuri muzvinhu zvese.Select 2 Corinthians 11:6

7Kana ndakaita chivi here pakuzvininipisa kuti imwi mukudzwe, nokuti ndakaparidza kwamuri evhangeri yaMwari pasina muripo?Select 2 Corinthians 11:7

8Ndakapamba amwe makereke, ndichitora muripo kuti ndikushandirei.Select 2 Corinthians 11:8

9Uye pandakange ndiripo kwamuri ndichishaiwa handina kuremedza munhu; nokuti zvandaishaiwa, hama dzaibva Makedhonia dzakapa; uye pazvese ndakazvichengeta kuti ndirege kuva mutoro kwamuri, uye ndichazvichengeta.Select 2 Corinthians 11:9

10Chokwadi chaKristu chiri mandiri, kuti kuzvikudza uku hakungamiswi mandiri kumatunhu eAkaya.Select 2 Corinthians 11:10

11Nemhaka yei? Nokuti handikudii here? Mwari anoziva.Select 2 Corinthians 11:11

12Asi chandinoita, ndichaitawo, kuti ndigure mukana kune vanoshuva mukana; kuti pane zvavanozvikudza nazvo vawanikwe vakaita sesuwo.Select 2 Corinthians 11:12

13Nokuti vakadaro vaapositori venhema, vabati vanonyengera, vanozvishandura kuva vaapositori vaKristu.Select 2 Corinthians 11:13

14Hazvishamisiwo; nokuti Satani amene anozvishandura kuva mutumwa wechiedza.Select 2 Corinthians 11:14

15Naizvozvo hachisi chinhu chikuru kana nevashumiri vake vachizvishandura kuita sevashumiri vekururama; kuguma kwavo kuchava semabasa avo.Select 2 Corinthians 11:15

16Ndinotizve: Ngakurege kuva nemunhu anofunga kuti ndiri benzi; asi kana zvisakadaro, sebenziwo ndigamuchirei, kuti neni ndizvikudze zvishoma.Select 2 Corinthians 11:16

17Zvandinotaura, handitauri sekuna Ishe, asi sepaupenzi, pachivimbo ichi chekuzvikudza.Select 2 Corinthians 11:17

18Sezvo vazhinji vachizvikudza panyama, iniwo ndichazvikudza.Select 2 Corinthians 11:18

19Nokuti munoitira mapenzi moyo murefu nemufaro muri vakachenjera.Select 2 Corinthians 11:19

20Nokuti munoita moyo murefu, kana munhu achikuisai muuranda, kana munhu achikudyai kupedza, kana munhu achikutapai, kana munhu achizvikudza, kana munhu achikurovai kumeso.Select 2 Corinthians 11:20

21Ndinoreva sechinyadzo, senge kuti isu takange tine utera. Asi pane chipi nechipi umwe paane ushingi (ndinotaura paupenzi), ini ndine ushingiwo.Select 2 Corinthians 11:21

22VaHebheru here? Neniwo. VaIsraeri here? Neniwo. Imbeu yaAbhurahama here? Neniwo.Select 2 Corinthians 11:22

23Vashumiri vaKristu here? (Ndinotaura semupengo), ndinovapfuura, zvikurusa pamabasa anorema, pamavanga kupfuura chipimo, mumajere zvikurusa, pandufu kazhinji.Select 2 Corinthians 11:23

24KuVaJudha ndakagamuchira kashanu shamhu dzine makumi mana kusiya imwe.Select 2 Corinthians 11:24

25Katatu ndakarohwa netsvimbo, kamwe ndakatakwa nemabwe, katatu ndakaputsikirwa nechikepe, usiku humwe nemasikati ndakange ndiri muudziku hwegungwa;Select 2 Corinthians 11:25

26panzendo kazhinji, panjodzi dzenzizi, panjodzi dzemakororo, panjodzi nevekwangu, panjodzi nevahedheni, panjodzi muguta, panjodzi murenje, panjodzi mugungwa, panjodzi pakati pehama dzenhema;Select 2 Corinthians 11:26

27pakutambudzika nepakuremerwa, pakusarara kazhinji, panzara nenyota, pakutsanya kazhinji, pachando nepakushama.Select 2 Corinthians 11:27

28Kunze kwezvinhu izvi zviri panze, kurangarira makereke ese kunondimanikidza zuva rimwe nerimwe.Select 2 Corinthians 11:28

29Ndiani anoshaiwa simba, neni ndikasashaiwa simba? Ndiani anogumburwa, neni ndikasatsva?Select 2 Corinthians 11:29

30Kana zvakafanira kuzvikudza, ndichazvikudza nezvinhu zveutera hwangu.Select 2 Corinthians 11:30

31Mwari naBaba vaIshe wedu Jesu Kristu, anorumbidzwa kusvikira rinhi narinhi, anoziva kuti handirevi nhema.Select 2 Corinthians 11:31

32PaDhamasiko mutungamiriri wamambo Areta wakarinda guta reveDhamasiko achida kundibata;Select 2 Corinthians 11:32

33uye ndakaburuswa nepawindo ndiri mudengu nepamudhuri, ndikapukunyuka pamaoko ake.Select 2 Corinthians 11:33