20Luke 20

1Zvino zvakaitika parimwe remazuva iwayo, achidzidzisa vanhu mutembere nekuparidza evhangeri, vapristi vakuru nevanyori vakasvika nevakuru,Select Luke 20:1

2ndokutaura kwaari vachiti: Tiudzei, munoita zvinhu izvi nesimba ripi, kana ndiani iye wakakupai simba iri?Select Luke 20:2

3Zvino wakapindura akati kwavari: Ini ndichakubvunzaiwo shoko rimwe; uye mundiudze:Select Luke 20:3

4Rubhabhatidzo rwaJohwani rwakabva kudenga, kana kuvanhu?Select Luke 20:4

5Zvino vakarangana, vachiti: Kana tikati: Kudenga; achati: Naizvozvo makaregerei kumutenda?Select Luke 20:5

6Asi kana tikati: Kuvanhu; vanhu vese vachatitaka nemabwe; nokuti vaiva nechokwadi kuti Johwani waiva muporofita.Select Luke 20:6

7Vakapindura, vachiti havazivi kwarwakabva.Select Luke 20:7

8Jesu ndokuti kwavari: Neni handikuudzii kuti ndinoita zvinhu izvi nesimba ripi.Select Luke 20:8

9Zvino wakatanga kuudza vanhu mufananidzo uyu: Umwe munhu wakasima munda wemizambiringa, akauhaisa kuvarimi, akaenda parwendo nguva refu;Select Luke 20:9

10zvino nenguva yakafanira wakatuma muranda kuvarimi, kuti vamupe zvechibereko chemunda wemizambiringa; asi varimi vakamurova, vakamuendesa asina chinhu.Select Luke 20:10

11Zvino wakatumazve umwe muranda; naiye vakamurovawo vakamunyadzisa, vakamuendesa asina chinhu.Select Luke 20:11

12Zvino wakatumazve wechitatu; uyuwo ndokumukuvadza, vakamukandira kunze.Select Luke 20:12

13Zvino mwene wemunda wemizambiringa wakati: Ndichaitei? Ndichatuma mwanakomana wangu anodikanwa, zvimwe vakaona iye vachamukudza.Select Luke 20:13

14Asi varimi vakati vachimuona vakarangana, vachiti: Uyu ndiye mugari wenhaka; uyai, ngatimuuraye, kuti nhaka igova yedu.Select Luke 20:14

15Vakamukandira kunze kwemunda wemizambiringa, vakamuuraya. Naizvozvo mwene wemunda wemizambiringa achavaitirei?Select Luke 20:15

16Achauya, ndokuparadza varimi ivava, agopa munda wemizambiringa vamwe. Zvino vachinzwa, vakati: Zvisadaro!Select Luke 20:16

17Asi wakavatarisa, akati: Naizvozvo chii ichi chakanyorwa, chinoti: Ibwe vavaki ravakaramba, ndiro rava musoro wekona?Select Luke 20:17

18Wese anowira pamusoro pebwe iro, achavhuniwa-vhuniwa; asi ani nani warinowira pamusoro richamukuya.Select Luke 20:18

19Zvino vapristi vakuru nevanyori neawa iroro vakatsvaka kuisa maoko paari, asi vakatya vanhu; nokuti vakaziva kuti wakareva mufananidzo uyu akanangana navo.Select Luke 20:19

20Vakamucherekedza, vakatumira vashori vakanyepedzera kuva vakarurama, kuti vamubate pakutaura, kuti vamukumikidze kuushe nesimba remutungamiriri.Select Luke 20:20

21Zvino vakamubvunza, vachiti: Mudzidzisi, tinoziva kuti munotaura nekudzidzisa zvakarurama, uye hamugamuchiri chiso, asi munodzidzisa nzira yaMwari muchokwadi.Select Luke 20:21

22Zviri pamutemo here kwatiri kupa mutero kuna Kesari, kana kwete?Select Luke 20:22

23Asi wakaziva unyengeri hwavo, akati kwavari: Munondiidzirei?Select Luke 20:23

24Ndiratidzei dhenario*; rine mufananidzo nerunyoro rwaani? Vakapindura vakati: ZvaKesari.Select Luke 20:24

25Ndokuti kwavari: Naizvozvo dzorerai kuna Kesari zvinhu zvaKesari, nekuna Mwari zvinhu zvaMwari.Select Luke 20:25

26Vakakoniwa kumubata neshoko rake pamberi pevanhu; vakashamisika nemhinduro yake; vakanyarara.Select Luke 20:26

27Zvino kwakaswedera vamwe veVaSadhusi, vanoramba kuti kune kumuka, ndokumubvunza,Select Luke 20:27

28vachiti: Mudzidzisi, Mozisi wakatinyorera kuti: Kana mukoma wemunhu akafa ane mukadzi, asi iye akafa asina vana, munin'ina wake atore mukadzi, amutsire mukoma wake mbeu.Select Luke 20:28

29Naizvozvo kwakange kune vanakomana vemunhu umwe vanomwe; wekutanga ndokutora mukadzi, akafa asina mwana;Select Luke 20:29

30newechipiri akatora mukadzi uyo, neuyu akafa asina mwana;Select Luke 20:30

31newechitatu akamutora. Zvikadarowo nevanomwe, uye vakasasiya vana, vakafa.Select Luke 20:31

32Pakupedzisira kwavo vese mukadzi wakafawo.Select Luke 20:32

33Naizvozvo pakumuka, achava mukadzi waani kwavari? Nokuti vanomwe vakava naye semukadzi.Select Luke 20:33

34Zvino Jesu wakapindura akati kwavari: Vana venyika ino vanowana, vanowaniswa;Select Luke 20:34

35asi avo vachanzi vakafanira kuwana nyika iyo nekumuka kubva kuvakafa havawani kana kuwaniswa;Select Luke 20:35

36nokuti havagoni kufazve; nokuti vakaita sevatumwa, uye vanakomana vaMwari, vari vanakomana vekumuka.Select Luke 20:36

37Asi kuti vakafa vanomutswa, kunyange Mozisi wakaratidza pagwenzi reminzwa, paakaidza Ishe Mwari waAbhurahama, naMwari waIsaka, naMwari waJakobho.Select Luke 20:37

38Nokuti haasi Mwari wevakafa, asi wevapenyu; nokuti vese vanoraramira iye.Select Luke 20:38

39Zvino vamwe vevanyori vakapindura vakati: Mudzidzisi, mataura zvakanaka.Select Luke 20:39

40Uye havana kuzoshinga kumubvunzazve chinhu.Select Luke 20:40

41Zvino wakati kwavari: Vanoreva sei kuti Kristu Mwanakomana waDavhidhi?Select Luke 20:41

42Nokuti Dhavhidhi pachake wakareva mubhuku reMapisarema achiti: Ishe wakati kuna Ishe wangu: Gara kuruoko rwangu rwerudyi,Select Luke 20:42

43kusvikira ndaita vavengi vako chitsiko chetsoka dzako.Select Luke 20:43

44Naizvozvo Dhavhidhi anomuidza Ishe, ko Mwanakomana wake sei?Select Luke 20:44

45Zvino vanhu vese vachakateerera, wakati kuvadzidzi vake:Select Luke 20:45

46Chenjerai vanyori, vanoda kufamba nenguvo refu, uye vanoda kwaziso pamisika, nezvigaro zvepamusorosa mumasinagoge, nezvigaro zvemberi pazvirairo;Select Luke 20:46

47vanodya dzimba dzechirikadzi, vanonyepedzera nekuita minyengetero mirefu; ivavo vachagamuchira mutongo mukuru.Select Luke 20:47