21 Timothy 2

1Naizvozvo kutanga pazvese ndinokurudzira kuti mikumbiro, minyengetero, kureverera nekupa kuvonga zviitirwe vanhu vese;Select 1 Timothy 2:1

2pamadzimambo nevese vari panzvimbo dzakakwirira kuti tirarame upenyu hwerugare nerunyararo pakunamata Mwari kwese nerukudzo;Select 1 Timothy 2:2

3nokuti izvi zvakanaka uye zvinogamuchirwa pamberi paMwari Muponesi wedu,Select 1 Timothy 2:3

4uyo anoda kuti vanhu vese vaponeswe uye vasvike pakuziva chokwadi.Select 1 Timothy 2:4

5Nokuti kuna Mwari umwe, nemurevereri umwe pakati paMwari nevanhu, ndiye munhu Kristu Jesu,Select 1 Timothy 2:5

6wakazvipa iye kuva rudzikunuro rwevese, chive chapupu panguva dzakafanira,Select 1 Timothy 2:6

7icho chandagadzirwa ini kuva muparidzi nemuapositori (ndinoreva chokwadi muna Kristu, handitauri nhema), mudzidzisi wevahedheni parutendo nechokwadi.Select 1 Timothy 2:7

8Naizvozvo ndinoshuva kuti varume vanyengetere panzvimbo dzese, vachisimudza maoko matsvene, pasina kutsamwa nekupikisana.Select 1 Timothy 2:8

9Saizvozvowo vakadzi vazvishongedze nezvipfeko zvakafanira, vane kunyara nekuzvidzora, kwete nevhudzi rakarukwa, kana goridhe, kana maparera*, kana nguvo dzinodhura,Select 1 Timothy 2:9

10asi, zvakafanira vakadzi vanoti vanoshumira Mwari, nemabasa akanaka.Select 1 Timothy 2:10

11Mukadzi ngaadzidze mukunyarara nekuzvininipisa kwese.Select 1 Timothy 2:11

12Asi handitenderi mukadzi kuti adzidzise, kana kuti ave nesimba pamusoro pemurume, asi ave mukunyarara.Select 1 Timothy 2:12

13Nokuti Adhamu wakatanga kuumbwa, tevere Evha;Select 1 Timothy 2:13

14naAdhamu haana kunyengerwa, asi mukadzi anyengerwa wakava mukudarika,Select 1 Timothy 2:14

15asi achaponeswa kubudikidza nekubereka vana, kana vachirambira murutendo nerudo neutsvene pamwe nekuzvidzora.Select 1 Timothy 2:15