41 Timothy 4

1Zvino Mweya anoreva zvakajeka, kuti panguva dzekupedzisira vamwe vachatsauka parutendo, vachiteerera mweya inonyengera nedzidziso dzemadhimoni,Select 1 Timothy 4:1

2paunyepedzeri hwevanoreva nhema, vakapiswa pahana dzavo pachavo nedare rinopisa,Select 1 Timothy 4:2

3vachidzivisa kuwanana nekuraira kurega kudya Mwari kwaakasika kuti kugamuchirwe nekuvonga nevanotenda uye vanoziva chokwadi.Select 1 Timothy 4:3

4Nokuti chese chisikwa chaMwari chakanaka, uye hakuna chingafanira kuraswa kana chichigamuchirwa nekuvonga;Select 1 Timothy 4:4

5nokuti chinoitwa chitsvene neshoko raMwari nemunyengetero.Select 1 Timothy 4:5

6Kana uchiraira hama zvinhu izvi, uchava mushumiri wakanaka waJesu Kristu, wakafundwa nemashoko erutendo needzidziso yakanaka, yaunonyatsotevera.Select 1 Timothy 4:6

7Asi urambe ngano dzakaipa nedzechembere. Uzvirovedze pakunamata Mwari;Select 1 Timothy 4:7

8nokuti kurovedza muviri kunobatsira zvishoma; asi kunamata Mwari kunobatsira pazvinhu zvese, zvahune chivimbiso cheupenyu hwazvino nehwunouya.Select 1 Timothy 4:8

9Shoko iri rakatendeka uye rinofanirwa nekugamuchirwa kwese.Select 1 Timothy 4:9

10Nokuti naizvozvo nesu tinoshanda nesimba, nekushorwa, nokuti tinovimba naMwari mupenyu, anova Muponesi wevanhu vese, zvikuru weavo vanotenda.Select 1 Timothy 4:10

11Raira zvinhu izvi udzidzise.Select 1 Timothy 4:11

12Kusava nemunhu anozvidza udiki hwako, asi uve muenzaniso wevanotenda pashoko, pamufambiro, parudo, pamweya, parutendo, nepautsvene.Select 1 Timothy 4:12

13Kusvikira ndasvika, ngwarira pakuverenga, pakuraira, nepadzidziso.Select 1 Timothy 4:13

14Usashaya hanya nechipo chiri mauri, chawakapiwa kubudikidza nechiporofita pamwe nekuiswa maoko eutariri.Select 1 Timothy 4:14

15Funganya pamusoro pezvinhu izvi, uve pazvinhu izvi, kuti kupfuurira mberi kwako kuonekwe kune vese.Select 1 Timothy 4:15

16Uzvichenjerere iwe nedzidziso. Urambire pazviri, nokuti mukuita izvi, uchazviponesa iwe pamwe nevanokunzwa.Select 1 Timothy 4:16