12 Timothy 1

1Pauro, muapositori waJesu Kristu kubudikidza nechido chaMwari, zvichienderana nechivimbiso cheupenyu huri muna Kristu Jesu,Select 2 Timothy 1:1

2kuna Timotio mwana wangu unodikanwa: Nyasha, tsitsi, nerugare zvinobva kuna Mwari Baba naKristu Jesu Ishe wedu.Select 2 Timothy 1:2

3Ndinovonga Mwari, wandinoshumira kubva kumadziteteguru muhana yakachena, kuti ndisingamiri ndinokurangarira paminyengetero yangu siku nesikati,Select 2 Timothy 1:3

4ndichishuva kukuona, ndichirangarira misodzi yako, kuti ndizadzwe nemufaro,Select 2 Timothy 1:4

5ndichiisa mumurangariro rutendo rusinganyepedzeri rwuri mauri, rwaimbogara muna mbuya vako Roisi namai vako Yunisi, uye ndinovimba kuti rwuri mauriwo.Select 2 Timothy 1:5

6Nemhaka yeizvi ndinokuyeudzira kuti ukutidzire chipo chaMwari, chiri mauri nekuiswa kwemaoko angu.Select 2 Timothy 1:6

7Nokuti Mwari haana kutipa mweya wekutya asi wesimba, newerudo, newekuzvidzora.Select 2 Timothy 1:7

8Naizvozvo usanyadziswa neuchapupu hwaIshe wedu, kana hwangu musungwa wake; asi utambudzikire evhangeri pamwe neni zvichienderana nesimba raMwari,Select 2 Timothy 1:8

9wakatiponesa, akatidana nekudana kutsvene, kwete zvichienderana nemabasa edu, asi zvichienderana nezano rake pachake, nenyasha dzakapiwa kwatiri muna Kristu Jesu nhambo dzenguva dzisati dzavapo,Select 2 Timothy 1:9

10asi ikozvino kunoratidzwa nekuonekwa kweMuponesi wedu Jesu Kristu, wakaparadza rufu, akabudisa pachena upenyu nekusafa kubudikidza neevhangeri,Select 2 Timothy 1:10

11yandakagadzirwa ini kuva muparidzi, nemuapositori, nemudzidzisi wevahedheni.Select 2 Timothy 1:11

12Nemhaka yeizvi neni ndinotambudzika zvinhu izvi, zvakadaro handinyadziswi, nokuti ndinoziva wandakatenda, uye ndine chokwadi kuti anogona kuchengeta chandakaisa muruoko kusvikira zuva iroro.Select 2 Timothy 1:12

13Batisisa muenzaniso wemashoko mapenyu awakanzwa kwandiri murutendo nerudo rwuri muna Kristu Jesu.Select 2 Timothy 1:13

14Icho chinhu chakanaka chakaiswa mumaoko mako chengeta neMweya Mutsvene anogara matiri.Select 2 Timothy 1:14

15Unozviziva izvi, kuti vese vari paAsia vakandifuratira; pakati pavo pana Figero naHemogene.Select 2 Timothy 1:15

16Ishe ngaape tsitsi kuimba yaOnesiforo; nokuti kazhinji wakandivandudza, uye haana kunyadziswa neketani yangu,Select 2 Timothy 1:16

17asi asvika Roma, wakanditsvakisisa, akandiwana.Select 2 Timothy 1:17

18Ishe ngaamuitire kuti awane tsitsi kuna Ishe nezuva iro; uye muzvinhu zvingani zvaakandibatira paEfeso, iwe unozivisisa.Select 2 Timothy 1:18