1Mark 1

1Kutanga kweevhangeri yaJesu Kristu, Mwanakomana waMwari;Select Mark 1:1

2sezvazvakanyorwa muvaporofita zvichinzi: Tarira, ini ndinotuma mutumwa wangu pamberi pechiso chako, achagadzira nzira yako pamberi pako.Select Mark 1:2

3Inzwi reanodanidzira murenje, richiti: Gadzirai mugwagwa waIshe; ruramisai nzira dzake.Select Mark 1:3

4Johwani wakati achibhabhatidza murenje, achiparidza rubhabhatidzo rwekutendeukira kukanganwiro yezvivi;Select Mark 1:4

5zvino kwakabudira kwaari nyika yese yeJudhiya, naivo veJerusarema, ndokubhabhatidzwa vese naye murwizi rweJoridhani vachireurura zvivi zvavo.Select Mark 1:5

6Uye Johwani wakange akapfeka makushe ekamera, nebhanhire rechikumba rakapoteredza chiuno chake, waidya mhashu neuchi hwedondo.Select Mark 1:6

7Akaparidza, achiti: Kunouya ane simba kupfuura ini shure kwangu, wandisina kufanira kukotama kuti ndisunungure tambo yeshangu dzake.Select Mark 1:7

8Ini zvirokwazvo ndakubhabhatidzai nemvura; asi iye achakubhabhatidzai neMweya Mutsvene.Select Mark 1:8

9Zvino zvakaitika nemazuva ayo kuti Jesu wakabva Nazareta yeGarirea, akabhabhatidzwa naJohwani muna Joridhani.Select Mark 1:9

10Pakarepo achibuda mumvura, wakaona matenga akazarurwa, neMweya senjiva achiburukira pamusoro pake.Select Mark 1:10

11Zvino kwakaitika inzwi richibva kumatenga richiti: Iwe uri Mwanakomana wangu anodikanwa, wandinofara maari kwazvo.Select Mark 1:11

12Zvino pakarepo Mweya wakamutinhira kurenje.Select Mark 1:12

13Akavako murenje mazuva makumi mana achiidzwa naSatani, uye wakange ane mhuka dzesango, vatumwa vachimushandira.Select Mark 1:13

14Zvino shure kwekukumikidzwa kwaJohwani, Jesu wakasvika muGarirea, achiparidza evhangeri yeushe hwaMwari,Select Mark 1:14

15achiti: Nguva yazadziswa, uye ushe hwaMwari hwaswedera; tendeukai, mutende evhangeri.Select Mark 1:15

16Wakati achifamba-famba parutivi rwegungwa reGarirea, akaona Simoni naAndiriya munin'ina wake vachikandira mumbure mugungwa; nokuti vakange vari varedzi.Select Mark 1:16

17Jesu akati kwavari: Nditeverei, ndichakuitai muve varedzi vevanhu.Select Mark 1:17

18Pakarepo vakasiya mimbure yavo, ndokumutevera.Select Mark 1:18

19Wakati apfuura zvishoma ipapo, akaona Jakobho waZebhedhi naJohwani munin'ina wake, naivo vari muchikepe vachigadzira mimbure.Select Mark 1:19

20Pakarepo akavadana; ndokusiya baba vavo Zebhedhi muchikepe nevarikichi, vakamutevera.Select Mark 1:20

21Zvino vakapinda muKapenaume; zvino pakarepo nesabata wakapinda musinagoge, akadzidzisa.Select Mark 1:21

22Vakashamisika nedzidziso yake; nokuti wakavadzidzisa seane simba, kwete sevanyori.Select Mark 1:22

23Zvino kwaiva musinagoge ravo nemunhu wakange ane mweya wetsvina, akadanidzira,Select Mark 1:23

24achiti: Regai, tinei nemwi, Jesu weNazareta? Mauya kuzotiparadza here? Ndinokuzivai kuti ndimwi ani: Mutsvene waMwari.Select Mark 1:24

25Jesu ndokumutsiura achiti: Nyarara, ubude maari!Select Mark 1:25

26Zvino mweya wetsvina wakati amugwinhisa, ndokudanidzira nenzwi guru, akabuda kwaari.Select Mark 1:26

27Vakashamisika vese, kusvikira vabvunzana, vachiti: Chii ichi? Idzidziso itsva yei iyi? Nokuti nesimba anoraira kunyange mweya yetsvina, uye inomuteerera.Select Mark 1:27

28Zvino pakarepo shoko rake rikabudira panyika yese yakapoteredza Garirea.Select Mark 1:28

29Zvino pakarepo vakati vachibuda musinagoge, vakapinda mumba maSimoni naAndiriya vana Jakobho naJohwani.Select Mark 1:29

30Asi mai vemukadzi waSimoni vakange varere vane fivhiri, pakarepo vakamuudza nezvavo;Select Mark 1:30

31akaswedera, akavabata ruoko, akavamutsa; fivhiri ikavarega pakarepo, vakavashandira.Select Mark 1:31

32Zvino ava madekwani, zuva rovira, vakauisa kwaari vese vakange vachirwara nevakange vane madhimoni.Select Mark 1:32

33Zvino guta rese rakange rakaungana pamukova.Select Mark 1:33

34Akaporesa vazhinji vakange vachirwara nezvirwere zvakasiyana-siyana, nekubudisa madhimoni mazhinji; uye haana kutendera madhimoni kutaura, nokuti aimuziva.Select Mark 1:34

35Zvino mangwanani kuchine rima guru, wakasimuka, akabuda, akaenda kunzvimbo murenje, akanonyengeterapo.Select Mark 1:35

36Simoni nevakange vanaye vakamutsvakisisa.Select Mark 1:36

37Zvino vakati vamuwana vakati kwaari: Vese vanokutsvakai.Select Mark 1:37

38Ndokubva ati kwavari: Ngatiende kumisha iri pedo, kuti ndinoparidzawo ikoko, nokuti ndizvo zvandakabudira.Select Mark 1:38

39Akabva aparidza mumasinagoge avo paGarirea rese, achibudisa madhimoni.Select Mark 1:39

40Zvino kwakauya kwaari ane maperembudzi, achimukumbirisa, ndokumufugamira achiti kwaari: Kana muchida munogona kundinatsa.Select Mark 1:40

41Jesu akanzwa tsitsi, akatandavadza ruoko, akamubata akati kwaari: Ndinoda, natswa;Select Mark 1:41

42achangotaura, maperembudzi akabva kwaari pakarepo, akanatswa.Select Mark 1:42

43Zvino akamuraira zvikuru, akamurega achienda pakarepo,Select Mark 1:43

44akati kwaari: Ona kuti urege kuudza munhu chinhu; asi enda, uzviratidze kumupristi, ubaire pamusoro pekunatswa kwako Mozisi zvaakaraira, chive chapupu kwavari.Select Mark 1:44

45Asi iye wakabuda akatanga kuparidza zvikuru nekuvavaza kunze shoko iro, zvekuti wakange asingachagoni kupinda muguta pachena, asi wakange ari kunze kunzvimbo dzerenje. Vakauya kwaari vachibva kumativi ese.Select Mark 1:45