16Mark 16

1Sabata rakati rapfuura, Maria Magidharini, naMaria mai vaJakobho, naSarome vakatenga zvinonhuhwira, kuti vauye kunomuzodza.Select Mark 16:1

2Mangwanani-ngwanani kwazvo nomusi wekutanga wevhiki vakauya kuguva, zuva robuda.Select Mark 16:2

3Vakati pakati pavo: Ndiani achatikungurusira ibwe kubva pamukova weguva?Select Mark 16:3

4Zvino vakati vachitarira, vakaona kuti ibwe rakange rakunguruswa, nokuti raiva guru-guru.Select Mark 16:4

5Zvino vakati vachipinda muguva, vakaona jaya rakange rigere kurudyi, rakapfeka nguvo refu chena; vakavhunduka;Select Mark 16:5

6asi rakati kwavari: Musavhunduka; munotsvaka Jesu muNazareta wakarovererwa pamuchinjikwa; wamuka, haasi pano; tarirai panzvimbo pavakange vamuradzika.Select Mark 16:6

7Asi endai, munoudza vadzidzi vake naPetro kuti anokutungamirirai kuGarirea, muchanomuonako sezvaakakuudzai.Select Mark 16:7

8Zvino vakabuda nekukurumidza vakatiza paguva; uyezve kudedera nekuvhunduka kwakavabata; vakasataura chinhu kuna ani zvake, nokuti vakange vachitya.Select Mark 16:8

9Zvino Jesu wakati amuka mangwanani-ngwanani newekutanga wevhiki, wakaonekwa pakutanga kuna Maria Magidharini, waakabudisa kwaari madhimoni manomwe.Select Mark 16:9

10Uyo akaenda akaudza avo vaiva naye, pavaichema vachirira.Select Mark 16:10

11Neava vanzwa kuti mupenyu, uye kuti wakange aonekwa naye, havana kutenda.Select Mark 16:11

12Shure kweizvozvo wakazviratidza nechimwe chimiro kuvaviri vavo vachifamba, vachienda muruwa.Select Mark 16:12

13Zvino avawo vakaenda vakaudza vakange vasara; naavo vakasavatenda.Select Mark 16:13

14Pashure wakazviratidza kune vanegumi neumwe vagere pakudya, akatsiura kusatenda kwavo neukukutu hwemoyo, nokuti havana kutenda vaya vakange vamuona amuka.Select Mark 16:14

15Akati kwavari: Endai munyika yese muparidze evhangeri kuchisikwa chega-chega.Select Mark 16:15

16Uyo anotenda akabhabhatidzwa achaponeswa; asi asingatendi achapiwa mhosva.Select Mark 16:16

17Zviratidzo izvi zvichavatevera vanotenda: Muzita rangu vachabudisa madhimoni, vachataura nendimi itsva;Select Mark 16:17

18vachanonga nyoka; kunyange vakanwa chero chinhu chinouraya, hachingatongovakuvadzi; vachaisa maoko pavarwere, vakapora.Select Mark 16:18

19Naizvozvo Ishe shure kwekunge ataura kwavari, akagamuchirwa kumusoro kudenga, akagara kuruoko rwerudyi rwaMwari.Select Mark 16:19

20Avo vakabuda, vakaparidza kwese-kwese, Ishe achibata navo, achisimbisa shoko nezviratidzo zvaitevera. Amen.Select Mark 16:20