5Mark 5

1Vakasvika mhiri kwegungwa, kunyika yeVaGadharini.Select Mark 5:1

2Zvino wakati abuda muchikepe, pakarepo munhu akamuchingamidza achibva kumarinda ane mweya wetsvina,Select Mark 5:2

3uyo wakange ane ugaro kumarinda, uye kwakange kusina wakange achigona kumusunga kunyange nemaketani,Select Mark 5:3

4nokuti kazhinji waisungwa nezvisungo zvemakumbo nemaketani, asi maketani aigurwa nepakati naye, nezvisungo zvemakumbo zvaigurwa kuita zvidimbu; uye kwakange kusina waigona kumupingudza.Select Mark 5:4

5Zvino nguva dzese, usiku nemasikati, waiva mumakomo nemumarinda achidanidzira, achizvicheka nemabwe.Select Mark 5:5

6Zvino wakati achiona Jesu ari kure, akamhanya ndokumunamata;Select Mark 5:6

7akadanidzira nenzwi guru akati: Ndinei nemwi Jesu, Mwanakomana waMwari Wekumusoro-soro? Ndinokupikirai naMwari, murege kundirwadzisa.Select Mark 5:7

8Nokuti wakati kwaari: Buda mumunhu, mweya wetsvina.Select Mark 5:8

9Ndokumubvunza akati: Zita rako ndiani? Akapindura achiti: Zita rangu rinonzi Regiyoni, nokuti tiri vazhinji.Select Mark 5:9

10Akamukumbirisa zvikuru kuti arege kuvaendesa kunze kwenyika.Select Mark 5:10

11Zvino kwakange kuripo pedo nemakomo boka guru renguruve dzichifura.Select Mark 5:11

12Nemadhimoni ese akamukumbira zvikuru achiti: Titumirei kunguruve kuti tipinde madziri.Select Mark 5:12

13Pakarepo Jesu akaatendera. Mweya yetsvina ikabuda ikapinda munguruve; boka rikapitirikira kumawere kuenda kugungwa, dzinenge dzaiva zvuru zviviri, dzikabitirirwa mugungwa.Select Mark 5:13

14Zvino vaifudza nguruve vakatiza, vakanoreva muguta neparuwa. Vakabuda kuzoona kuti chii chainge chaitwa.Select Mark 5:14

15Vakasvika kuna Jesu, vakaona wakange ane madhimoni, iye waiva neRegiyoni agere, akapfeka ari munhu kwaye; vakatya.Select Mark 5:15

16Uye avo vakange vazviona, vakavarondedzera kuti zvakaitika sei kune wakange ane madhimoni nepamusoro penguruve.Select Mark 5:16

17Vakatanga kumukumbirisa kuti abve mudunhu mavo.Select Mark 5:17

18Zvino wakati achipinda muchikepe, iye waiva nemadhimoni akamukumbirisa kuti ave naye.Select Mark 5:18

19Asi Jesu haana kumutendera, asi wakati kwaari: Enda kumba kwako, kune vekwako, unovaudza kuti zvikuru sei Ishe zvaakuitira, nekukuitira tsitsi.Select Mark 5:19

20Akabva ndokuenda akatanga kuparidza muDhekapori kukura kwezvinhu Jesu zvaakamuitira; vese vakashamisika.Select Mark 5:20

21Jesu wakati ayambukazve nechikepe kune rimwe divi, chaunga chikuru chikaunganira kwaari, uye wakange ava parutivi rwegungwa.Select Mark 5:21

22Zvino tarira, kwakasvika umwe wevakuru vesinagoge, wainzi Jairosi; zvino wakati amuona, akawira patsoka dzake.Select Mark 5:22

23Akamukumbirisa zvikuru achiti: Mukunda wangu mudiki wotandadza, dai mauya muise maoko pamusoro pake kuti aponeswe uye achararama.Select Mark 5:23

24Akaenda naye; chaunga chikuru chikamutevera, chikamutsimbirira.Select Mark 5:24

25Zvino umwe mukadzi waiva nekubuda ropa makore gumi nemaviri,Select Mark 5:25

26wakange atambura zvikuru kuvarapi vazhinji, wakange apedza zvese zvaakange anazvo, asina kutongobatsirika, asi pachinhambo cheizvi ainyanyisa,Select Mark 5:26

27wakati anzwa zvaJesu, akauya nepakati pechaunga neshure, akabata nguvo yake.Select Mark 5:27

28Nokuti wakati: Kana ndikabata nguvo dzake chete, ndichaponeswa.Select Mark 5:28

29Zvino pakarepo chitubu cheropa rake chikapwa, akanzwa mumuviri kuti waporeswa pachifo.Select Mark 5:29

30Zvino pakarepo Jesu achiziva mukati make kuti simba rabuda maari, akatendeuka pachaunga akati: Ndiani wabata nguvo dzangu?Select Mark 5:30

31Vadzidzi vake vakati kwaari: Munoona chaunga chinokutsimbirirai, zvino moti: Ndiani wandibata?Select Mark 5:31

32Zvino wakaringa-ringa kuona uyo wakange aita ichi.Select Mark 5:32

33Asi mukadzi achitya, nekubvunda, achiziva zvakange zvaitika maari, akauya ndokuwira pamberi pake, ndokumuudza chokwadi chese.Select Mark 5:33

34Ndokuti kwaari: Mukunda, rutendo rwako rwakuponesa, enda nerugare, poreswa pachifo chako.Select Mark 5:34

35Wakati achataura, kwakasvika vamwe vemukuru wesinagoge vakati: Mukunda wenyu wafa, muchiri kutambudzirei Mudzidzisi?Select Mark 5:35

36Pakarepo Jesu achinzwa shoko rakataurwa akati kumukuru wesinagoge: Usatya, tenda chete.Select Mark 5:36

37Akasatendera munhu kumutevera, kunze kwaPetro, naJakobho, naJohwani munin'ina waJakobho.Select Mark 5:37

38Zvino wakasvika mumba memukuru wesinagoge, akaona mhere-mhere nevaichema nekurira zvikuru.Select Mark 5:38

39Zvino wakati apinda akati kwavari: Munoitirei mhere-mhere muchichema? Mwana haana kufa, asi arere.Select Mark 5:39

40Vakamuseka. Asi iye wakati avabudisa vese panze, akatora baba vemwana namai nevakange vanaye, akapinda makange murere mwana.Select Mark 5:40

41Akabata ruoko rwemwana, akati kwaari: "Tarita kumi"; ndokuti kana zvichishandurwa: Musikana mudiki, ndinoti kwauri, muka.Select Mark 5:41

42Pakarepo musikana wakasimuka, akafamba; nokuti waiva wemakore gumi nemaviri; vakashamisika nekushamisika kukuru.Select Mark 5:42

43Akavaraira zvikuru kuti kusava nemunhu anoziva izvi; akati apiwe kudya.Select Mark 5:43