8Mark 8

1Nemazuva iwayo zvakwakange kune chaunga chikuru kwazvo, vasina chavangadya, Jesu akadanira vadzidzi vake kwaari, akati kwavari:Select Mark 8:1

2Ndine tsitsi nechaunga; nokuti chadogara neni mazuva matatu vasina zvavangadya.Select Mark 8:2

3Kana ndikavarega vaende kumba kwavo nenzara, vachaziya panzira; nokuti vamwe vavo vanobva kure.Select Mark 8:3

4Vadzidzi vake vakamupindura, vakati: Zvingabvepi zvingwa munhu zvaangagutsa nazvo ava murenje muno?Select Mark 8:4

5Akavabvunza, akati: Mune zvingwa zvingani? Vakati: Zvinomwe.Select Mark 8:5

6Zvino akaraira chaunga kuti chigare pasi pavhu; akatora zvingwa zvinomwe, akavonga, akazvimedura, ndokupa vadzidzi vake, kuti vaise pamberi pavo; vakazviisa pamberi pechaunga.Select Mark 8:6

7Uye vakange vane hove diki shoma; zvino akadziropafadza, akati vadziisewo pamberi pavo.Select Mark 8:7

8Vakadya, vakaguta; ndokununga zvimedu zvakasara, matengu manomwe.Select Mark 8:8

9Avo vakange vadya vainge vaiva zvuru zvina; akavarega vachienda.Select Mark 8:9

10Pakarepo akapinda muchikepe nevadzidzi vake, akauya kumativi eDharimanuta.Select Mark 8:10

11Zvino VaFarisi vakabuda, vakatanga kupikisana naye, vachitsvaka kwaari chiratidzo chinobva kudenga, vachimuidza.Select Mark 8:11

12Akagomera zvikuru pamweya wake akati: Zera iri rinotsvakirei chiratidzo? Zvirokwazvo ndinoti kwamuri: Hakuna chiratidzo chichapiwa kuzera iri.Select Mark 8:12

13Ndokubva avasiya, akapindazve muchikepe, akabva akayambukira kumhiri.Select Mark 8:13

14Zvino vadzidzi vakange vakanganwa kutora zvingwa; uye vakange vasina navo chinhu muchikepe kunze kwechingwa chimwe chete.Select Mark 8:14

15Zvino akavaraira, achiti: Ngwarirai, muchenjere mbiriso yeVaFarisi nembiriso yaHerodhe.Select Mark 8:15

16Vakarangana pakati pavo vachiti: Nokuti hatina zvingwa.Select Mark 8:16

17Zvino Jesu wakati achizviziva akati kwavari: Munorangana sei kuti hamuna zvingwa? Hamusati maziva, kana kunzwisisa here? Muchine moyo mukukutu here?Select Mark 8:17

18Mune meso hamuoni here? Uye mune nzeve, hamunzwi here? Uye hamurangariri here?Select Mark 8:18

19Pandakamedurira vanezvuru zvishanu zvingwa zvishanu, matengu mangani azere nezvimedu amakanonga? Vakati kwaari: Gumi nemaviri.Select Mark 8:19

20Uye pazvinomwe pavanezvuru zvina, matengu mangani azere nezvimedu amakanonga? Ivo ndokuti: Manomwe.Select Mark 8:20

21Ndokubva ati kwavari: Sei musinganzwisisi?Select Mark 8:21

22Zvino wakasvika kuBhetisaidha; vakauisa bofu kwaari, vakamukumbirisa kuti aribate.Select Mark 8:22

23Akabata ruoko rwebofu, akaribudisira kunze kwemusha; akati apfira meso aro, akaisa maoko pamusoro paro, akaribvunza kana richiona chinhu.Select Mark 8:23

24Ndokutarira kumusoro rikati: Ndinoona vanhu vakaita semiti vachifamba.Select Mark 8:24

25Mushure maizvozvo akaisazve maoko pamusoro pameso aro akaritaridza kumusoro, rikaporeswa, rikaona vese zvakajeka.Select Mark 8:25

26Akariendesa kumba kwaro, achiti: Usapinda mumusha uye usaudza ani nani mumusha.Select Mark 8:26

27Zvino Jesu akabuda nevadzidzi vake vakaenda kumisha yeKesariya yeFiripi; vari munzira akabvunza vadzidzi vake achiti kwavari: Vanhu vanoti ndini ani?Select Mark 8:27

28Vakapindura vachiti: Johwani Mubhabhatidzi; asi vamwe: Eria; vamwezve: Umwe wevaporofita.Select Mark 8:28

29Iye akati kwavari: Ko imwi munoti ndini ani? Petro akapindura akati kwaari: Imwi muri Kristu.Select Mark 8:29

30Akavaraira zvikuru kuti varege kuudza munhu pamusoro pake.Select Mark 8:30

31Zvino akatanga kuvadzidzisa kuti Mwanakomana wemunhu anofanira kutambudzika zvinhu zvizhinji nekurambwa nevakuru, nevapristi vakuru, nevanyori, agourawa, uye mushure memazuva matatu amukezve.Select Mark 8:31

32Akataura shoko iro pachena. Zvino Petro akamutorera parutivi, akatanga kumutsiura.Select Mark 8:32

33Asi iye atendeuka, ndokutarira vadzidzi vake, akatsiura Petro achiti: Ibva shure kwangu, Satani; nokuti haurangariri zvinhu zvaMwari, asi zvinhu zvevanhu.Select Mark 8:33

34Zvino wakati adanira kwaari chaunga pamwe nevadzidzi vake, akati kwavari: Ani nani anoda kuuya shure kwangu, ngaazvirambe, atakure muchinjikwa wake, anditevere.Select Mark 8:34

35Nokuti ani nani anoda kuponesa upenyu hwake, acharasikirwa nahwo, asi ani nani acharasikirwa neupenyu hwake nekuda kwangu nekweevhangeri, uyu achahuponesa.Select Mark 8:35

36Nokuti zvinobatsirei munhu, kana akawana nyika yese akarasikirwa nemweya wake?Select Mark 8:36

37Kana kuti munhu achapei kuti chive muripo wemweya wake?Select Mark 8:37

38Nokuti ani nani anonyara pamusoro pangu nepamashoko angu pazera iri reupombwe nekutadza, Mwanakomana wemhunhu achanyarawo pamusoro pake, paanouya mukubwinya kwaBaba vake ane vatumwa vatsvene.Select Mark 8:38