10Matthew 10

1Zvino wakadanira kwaari vadzidzi vake gumi nevaviri, akavapa simba pamusoro pemweya yetsvina, kuti vaibudise nekuporesa denda rese neurwere hwese.Select Matthew 10:1

2Zvino mazita evaapositori gumi nevaviri ndiwawa: Wekutanga, Simoni, anonzi Petro, naAndiriya munin'ina wake; Jakobho waZebhedhi, naJohwani munin'ina wake;Select Matthew 10:2

3Firipi, naBhatoromeo; Tomasi, naMatewu muteresi; Jakobho waArifiyo, naRebheu wainziwo Tadhiyo;Select Matthew 10:3

4Simoni muKenani, naJudhasi Isikariyoti iyewo wakamutengesa.Select Matthew 10:4

5Ava gumi nevaviri Jesu akavatuma, akavaraira, achiti: Musaenda munzira yevahedheni, musapinda muguta reVaSamaria;Select Matthew 10:5

6asi zvikuru muende kumakwai akarasika eimba yaIsraeri.Select Matthew 10:6

7Zvino pakufamba, muparidze muchiti: Ushe hwekumatenga hwaswedera.Select Matthew 10:7

8Poresai vanorwara, natsai vane maperembudzi, mutsai vakafa, budisai madhimoni. Makagamuchira pachena, ipai pachena.Select Matthew 10:8

9Musawana goridhe, kana sirivheri, kana ndarira mumabhanhire enyu,Select Matthew 10:9

10kana homwe yerwendo, kana nguvo refu mbiri, kana manyatera, kana tsvimbo; nokuti mushandi wakafanira kudya kwake.Select Matthew 10:10

11Muguta ripi neripi kana mumusha wamunopinda, bvunzai kuti ndiani mauri wakafanira, mugarepo, kusvikira muchibva.Select Matthew 10:11

12Zvino kana muchipinda muimba, muikwazise.Select Matthew 10:12

13Uye kana imba yakafanira, rugare rwenyu ngaruuye pamusoro payo; asi kana isingafaniri, rugare rwenyu ngarudzokere kwamuri.Select Matthew 10:13

14Uye ani nani usingakugamuchiriyi, kana kuteerera mashoko enyu, kana muchibuda paimba iyo kana paguta iro, zuzai guruva retsoka dzenyu.Select Matthew 10:14

15Zvirokwazvo ndinoti kwamuri: Zvichava nani kunyika yeSodhoma neyeGomora nezuva rekutongwa kupfuura guta iro.Select Matthew 10:15

16Tarirai, ini ndinokutumai semakwai pakati pemapumhi; naizvozvo chenjerai senyoka, mururame senjiva.Select Matthew 10:16

17Asi svinurirai vanhu; nokuti vachakukumikidzai kumatare emakurukota, uye vachakurovai netyava mumasinagoge avo;Select Matthew 10:17

18zvino muchauiswawo pamberi pevatungamiriri nemadzimambo nekuda kwangu, huve uchapupu kwavari nekuvahedheni.Select Matthew 10:18

19Asi kana vachikukumikidzai, musafunganya kuti muchataura sei kana chii; nokuti muchapiwa nenguva iyo chamuchataura.Select Matthew 10:19

20Nokuti hamusi imwi munotaura, asi Mweya waBaba venyu anotaura mamuri.Select Matthew 10:20

21Mwanakomana wamai achakumikidza mwanakomana wamai kurufu, nababa mwana; uye vana vachamukira vabereki nekuvauraya.Select Matthew 10:21

22Uye muchavengwa nevese nekuda kwezita rangu; asi anotsungirira kusvika pakuguma, ndiye achaponeswa.Select Matthew 10:22

23Asi kana vachikushushai muguta iri, tizirai kune rimwe; nokuti zvirokwazvo ndinoti kwamuri: Hamungatongopedzi maguta aIsraeri, kusvikira Mwanakomana wemunhu asvika.Select Matthew 10:23

24Mudzidzi haasi pamusoro pemudzidzisi, kana muranda pamusoro paishe wake.Select Matthew 10:24

25Zvakaringanira mudzidzi kuti ave semudzidzisi wake, nemuranda saishe wake. Kana vaidza Ishe weimba kuti Bheerizebhuri, vachadaro zvikuru sei veimba yake!Select Matthew 10:25

26Naizvozvo musavatya; nokuti hakuna chakafukidzwa chisingazobvundunurwi, kana chakavanzika chisingazozikanwi.Select Matthew 10:26

27Zvandinokuudzai murima, taurai pachiedza, nezvamunonzwa munzeve, paridzirai pamusoro pematenga edzimba.Select Matthew 10:27

28Uye musatya vanouraya muviri, asi havagoni kuuraya mweya; asi mutye zvikuru uyo anogona kuparadza zvese mweya nemuviri mugehena.Select Matthew 10:28

29Ko tushiri tuviri hatutengeswi nekobiri here? Asi kamwe kadzo hakangawiri pasi kunze kwekuda kwaBaba venyu.Select Matthew 10:29

30Asi nevhudzi remusoro wenyu rakaverengwa rese.Select Matthew 10:30

31Naizvozvo musatya, imwi munopfuura tushiri tuzhinji.Select Matthew 10:31

32Naizvozvo umwe neumwe achandibvuma pamberi pevanhu, ini ndichamubvumawo pamberi paBaba vangu vari kumatenga.Select Matthew 10:32

33Asi ani nani anondiramba pamberi pevanhu, neni ndichamuramba pamberi paBaba vangu vari kumatenga.Select Matthew 10:33

34Musafunga kuti ndakauya kuzoisa rugare panyika; handina kuuya kuzoisa rugare, asi munondo.Select Matthew 10:34

35Nokuti ndakauya kuzopesanisa munhu nababa vake, nemukunda namai vake, nemuroora navamwene vake;Select Matthew 10:35

36nevavengi vemunhu ndeveimba yake.Select Matthew 10:36

37Anoda baba kana mai kupfuura ini haana kufanira ini; neanoda mwanakomana kana mukunda kupfuura ini haana kufanira ini;Select Matthew 10:37

38uye asingatori muchinjikwa wake akanditevera, haana kufanira ini.Select Matthew 10:38

39Anowana mweya wake acharasikirwa nawo; asi anorasikirwa nemweya wake nekuda kwangu achauwana.Select Matthew 10:39

40Uyo anogamuchira imwi anogamuchira ini; neanogamuchira ini anogamuchira iye wakandituma.Select Matthew 10:40

41Anogamuchira muporofita muzita remuporofita achawana mubairo wemuporofita; neanogamuchira wakarurama muzita rewakarurama achawana mubairo wewakarurama.Select Matthew 10:41

42Uye ani nani anonwisa umwe wevadiki ava mukombe chete wemvura inotonhorera muzita remudzidzi, zvirokwazvo ndinoti kwamuri: Haangatongorasikirwi nemubairo wake.Select Matthew 10:42