17Matthew 17

1Zvino shure kwemazuva matanhatu Jesu wakatora Petro naJakobho naJohwani munin'ina wake, akavakwidza mugomo refu vari vega.Select Matthew 17:1

2Zvino akashandurwa chimiro pamberi pavo, uye chiso chake chikapenya sezuva, nenguvo dzake dzikachena sechiedza.Select Matthew 17:2

3Zvino tarira, kwakaonekwa kwavari Mozisi naEria vachitaura naye.Select Matthew 17:3

4Zvino Petro akapindura akati kuna Jesu: Ishe, zvakatinakira kuva pano; kana muchida, ngatiite pano matumba matatu, rimwe renyu, nerimwe raMozisi, nerimwe raEria.Select Matthew 17:4

5Wakati achataura, tarira, gore rinopenya rakavadzikatira; uye tarira, inzwi rikabva mugore, richiti: Uyu Mwanakomana wangu anodikanwa, wandinofara maari kwazvo; inzwai iye.Select Matthew 17:5

6Vadzidzi vakati vachizvinzwa, vakawa nechiso chavo, vakatya zvikuru.Select Matthew 17:6

7Asi Jesu akaswedera akavabata, akati: Simukai, musatya.Select Matthew 17:7

8Vakati vachisimudza meso avo, havana kuona munhu, kunze kwaJesu chete.Select Matthew 17:8

9Zvino vakati vachiburuka mugomo, Jesu akavaraira, achiti: Musaudza munhu chiratidzo ichi, kusvikira Mwanakomana wemunhu amuka kubva kuvakafa.Select Matthew 17:9

10Vadzidzi vake vakamubvunza vachiti: Vanyori vanogotaurirei vachiti Eria anofanira kutanga kuuya?Select Matthew 17:10

11Jesu akapindura akati kwavari: Eria achatanga kusvika zvirokwazvo, achavandudza zvinhu zvese.Select Matthew 17:11

12Asi ndinotaura kwamuri kuti Eria wakatosvika, asi havana kumuziva, asi vakamuitira zvese zvavakada; saizvozvowo Mwanakomana wemunhu achatambura navo.Select Matthew 17:12

13Zvino vadzidzi vakanzwisisa kuti wakataura kwavari zvaJohwani Mubhabhatidzi.Select Matthew 17:13

14Vakati vasvika kuchaunga, kwakauya kwaari munhu, akamufugamira, achiti:Select Matthew 17:14

15Ishe, donzwirai mwanakomana wangu tsitsi, nokuti ane zvipusha, anotambudzika kwazvo; nokuti kazhinji anowira mumoto, kazhinji mumvura.Select Matthew 17:15

16Uye ndakamuuisa kuvadzidzi venyu, asi havana kugona kumuporesa.Select Matthew 17:16

17Jesu akapindura akati: Haiwa zera risina rutendo nerakakombama, ndichava nemwi kusvikira rinhi? Ndichakuitirai moyo murefu kusvikira rinhi? Muuisei pano pandiri.Select Matthew 17:17

18Zvino Jesu akaritsiura, dhimoni rikabuda kwaari, mwana akaporeswa kubva panguva iyo.Select Matthew 17:18

19Zvino vadzidzi vakauya kuna Jesu vari vega, vakati: Isu takange tisingagoni nei kuribudisa?Select Matthew 17:19

20Jesu akati kwavari: Nemhaka yekusatenda kwenyu. Nokuti zvirokwazvo ndinoti kwamuri: Kana mune rutendo rwakaita setsanga yemasitadha, mungati kugomo iri: Ibva pano, enda koko; uye richabva; uye hakuna chinhu chingakukonai.Select Matthew 17:20

21Asi zera iri haribudi kunze chete nekunyengetera nekutsanya.Select Matthew 17:21

22Zvino vachakagara muGarirea, Jesu wakati kwavari: Mwanakomana wemunhu obva okumikidzwa mumaoko evanhu,Select Matthew 17:22

23uye vachamuuraya, asi nezuva retatu achamutswa. Uye vakashurukirwa zvikuru.Select Matthew 17:23

24Zvino vakati vachisvika Kapenaume, vaigamuchira mutero vakauya kuna Petro, vakati: Mudzidzisi wenyu haateri here?Select Matthew 17:24

25Akati: Hongu. Zvino wakati achipinda mumba, Jesu akamutangira achiti: Unofungei Simoni? Madzimambo enyika anotora muripo kana mutero kuna vana ani? Kuvanakomana vavo kana kuvatorwa?Select Matthew 17:25

26Petro akati kwaari: Kuvatorwa. Jesu akati kwaari: Saka vanakomana vakasununguka.Select Matthew 17:26

27Asi kuti tirege kuvagumbusa, enda kugungwa ukande chiredzo; ubate hove inotanga kubuda; kana washamisa muromo wayo, uchawana mari; uitore uvape, ive yangu neyako.Select Matthew 17:27