25Matthew 25

1Panguva iyo ushe hwekumatenga huchava hwakafananidzwa nevasikana gumi vakatora marambi avo vakabuda kunochingamidza muwani.Select Matthew 25:1

2Zvino vashanu vavo vakange vakachenjera, uye vashanu vari mapenzi.Select Matthew 25:2

3Avo vari mapenzi vakatora marambi avo, vakasatora mafuta pamwe navo.Select Matthew 25:3

4Asi vakachenjera vakatora mafuta mumidziyo yavo nemarambi avo.Select Matthew 25:4

5Zvino muwani wakati achinonoka, vese vakatsumwaira vakarara.Select Matthew 25:5

6Asi pakati peusiku kwakadanidzirwa: Tarirai, muwani ouya, budai munomuchingamidza!Select Matthew 25:6

7Zvino vasikana avo vese vakamuka, vakagadzira marambi avo.Select Matthew 25:7

8Mapenzi akati kune vakachenjera: Tipei pamafuta enyu nokuti marambi edu odzima.Select Matthew 25:8

9Asi vakachenjera vakapindura vachiti: Zvimwe haangakwaniri isu nemwi; asi zviri nani endai kune vanotengesa munozvitengera.Select Matthew 25:9

10Vakati vachienda kunotenga, muwani akasvika. Zvino vakange vakagadzirira vakapinda naye mumuchato, mukova ukapfigwa.Select Matthew 25:10

11Zvino pashure kwakauyawo vamwe vasikana, vachiti: Ishe, ishe, tizarurirei!Select Matthew 25:11

12Asi wakapindura akati: Zvirokwazvo ndinoti kwamuri: Handikuziviyi imwi.Select Matthew 25:12

13Naizvozvo rindai, nokuti hamuzivi zuva kana awa Mwanakomana wemunhu raachauya mariri.Select Matthew 25:13

14Nokuti zvakaita semunhu wakafamba rwendo, akadana varanda vake, akavapa zvaaiva nazvo.Select Matthew 25:14

15Uye kune umwe wakapa matarenda* mashanu, umwe maviri, umwe rimwe, umwe neumwe zvakakwanirana nesimba rake; pakarepo akafamba rwendo.Select Matthew 25:15

16Uye wakagamuchira matarenda mashanu akaenda akaita mhindu nawo, akaita mamwe matarenda mashanu.Select Matthew 25:16

17Saizvozvowo wemaviri, iye akawanawo mamwe maviri.Select Matthew 25:17

18Asi wakagamuchira rimwe wakaenda akachera pasi, akaviga mari yaishe wake.Select Matthew 25:18

19Shure kwenguva refu, ishe wevaranda avo wakasvika, akagadzira zvemari navo.Select Matthew 25:19

20Kwakauya wakange agamuchira matarenda mashanu akauisa mamwe matarenda mashanu achiti: Ishe, makandikumikidza matarenda mashanu; tarirai, ndawana pamusoro pawo mamwe matarenda mashanu.Select Matthew 25:20

21Ishe wake akati kwaari: Zvakanaka, muranda wakanaka uye wakatendeka, wakange wakatendeka pazvishoma, ndichakuisa pamusoro pezvizhinji; pinda mumufaro waishe wako.Select Matthew 25:21

22Wakange agamuchira matarenda maviri akauyawo akati: Ishe, makandikumikidza matarenda maviri; tarirai, ndawana mamwe matarenda maviri pamusoro pawo.Select Matthew 25:22

23Ishe wake akati kwaari: Zvakanaka, muranda wakanaka uye wakatendeka, wakange wakatendeka pazvishoma, ndichakuisa pamusoro pezvizhinji; pinda mumufaro waishe wako.Select Matthew 25:23

24Asi wakange agamuchira tarenda rimwe naiye wakauya akati: Ishe, ndakange ndichikuzivai imwi kuti muri munhu wakawoma, munokohwa pamusina kudzvara, munounganidza pamusina kukusha;Select Matthew 25:24

25zvino ndakatya, ndikaenda ndikanoviga tarenda renyu muvhu; tarirai, mava nechenyu!Select Matthew 25:25

26Ishe wake akapindura akati kwaari: Muranda wakaipa une usimbe, wakange uchiziva kuti ndinokohwa pandisina kudzvara, ndichiunganidza pandisina kukusha.Select Matthew 25:26

27Saka waifanira kuisa mari yangu kuvatsinhanisi vemari, neni pakusvika ndingadai ndagamuchira zvangu nezvibereko.Select Matthew 25:27

28Naizvozvo mutorerei tarenda, mupe kune ane matarenda gumi.Select Matthew 25:28

29Nokuti wese anazvo achapiwa ave nezvakawandisa; asi kubva kune asina kuchatorwa nechaanacho.Select Matthew 25:29

30Uye muranda pasina murasirei kurima rekunze kwekupedzisira; ipapo pachava nekuchema nekugeda-geda kwemeno.Select Matthew 25:30

31Zvino kana Mwanakomana wemunhu achiuya mukubwinya kwake, nevatumwa vatsvene vese vanaye, ipapo achagara pachigaro cheushe chekubwinya kwake.Select Matthew 25:31

32Zvino pamberi pake pachaunganidzwa ndudzi dzese; uye achadziparadzanisa vamwe kubva kune vamwe, semufudzi anoparadzanisa makwai kubva kumbudzi.Select Matthew 25:32

33Achamisa makwai kuruoko rwake rwerudyi, asi mbudzi kuruboshwe.Select Matthew 25:33

34Zvino Mambo achati kune vari kuruoko rwake rwerudyi: Uyai, imwi makaropafadzwa naBaba vangu, mugare nhaka yeushe hwakagadzirirwa imwi kubva pakuvamba kwenyika.Select Matthew 25:34

35Nokuti ndakange ndine nzara, mukandipa chekudya; ndakange ndine nyota, mukandipa chekunwa; ndakange ndiri mweni, mukandigamuchira;Select Matthew 25:35

36ndakashama, mukandipfekedza; ndakange ndichirwara, mukandishanyira; ndakange ndiri mutirongo, mukauya kwandiri.Select Matthew 25:36

37Ipapo vakarurama vachamupindura vachiti: Ishe, takakuonai rinhi mune nzara, tikakupai chekudya, kana mune nyota, tikapa chekunwa?Select Matthew 25:37

38Takakuonai rinhi muri mweni, tikakugamuchirai, kana makashama, tikapfekedza?Select Matthew 25:38

39Takakuonai rinhi muchirwara, kana mutirongo, tikauya kwamuri?Select Matthew 25:39

40Uye Mambo achapindura ati kwavari: Zvirokwazvo ndinoti kwamuri: Sezvamakaitira umwe wehama dzangu idzi mudikisa, makaitira ini.Select Matthew 25:40

41Ipapo uchatiwo kune vari kuruoko rweruboshwe: Ibvai kwandiri, imwi makatukwa, muende kumoto usingaperi, wakagadzirirwa dhiabhorosi nevatumwa vake.Select Matthew 25:41

42Nokuti ndakange ndine nzara, mukasandipa chekudya; ndakange ndine nyota, mukasandipa chekunwa;Select Matthew 25:42

43ndakange ndiri mweni, mukasandigamuchira; ndakashama, mukasandipfekedza; ndichirwara, nemutirongo, mukasandishanyira.Select Matthew 25:43

44Ipapo avawo vachamupindura vachiti: Ishe, takakuonai rinhi mune nzara, kana mune nyota, kana muri mweni, kana makashama, kana muchirwara, kana muri mutirongo, tikasakushandirai?Select Matthew 25:44

45Zvino achavapindura achiti: Zvirokwazvo ndinoti kwamuri: Pamusina kuitira umwe wevadikisa ava, hamuna kuitirawo ini.Select Matthew 25:45

46Ava vachaenda kukurangwa kusingaperi; asi vakarurama kuupenyu husingaperi.Select Matthew 25:46