27Matthew 27

1Kwakati kwaedza, vapristi vakuru vese nevakuru vevanhu vakarangana kupikisa Jesu kuti vamuuraye.Select Matthew 27:1

2Vakati vamusunga vakamutungamidza ndokunomukumikidza kuna Pondiyo Pirato mutungamiriri.Select Matthew 27:2

3Zvino Judhasi wakange amutengesa aona kuti wapiwa mhosva, akazvidya moyo akadzosera makobiri esirivheri makumi matatu kuvapristi vakuru nevakuru,Select Matthew 27:3

4achiti: Ndatadza, ndatengesa ropa risina mhosva. Vakati: Zvinei nesu? Zvionere iwe.Select Matthew 27:4

5Akakanda makobiri esirivheri mutembere, akabva akaenda akanozvisungirira.Select Matthew 27:5

6Vapristi vakuru vakatora makobiri esirivheri vakati: Hazvitenderwi kuaisa muchivigiro chezvipo, nokuti mutengo weropa.Select Matthew 27:6

7Vakarangana, vakatenga nawo munda wemuumbi wehari, uve wekuviga vatorwa.Select Matthew 27:7

8Naizvozvo munda uyo wakanzi munda weropa kusvikira nhasi.Select Matthew 27:8

9Zvino zvakazadziswa zvakarehwa naJeremiya muporofita achiti: Vakabva vatora makobiri esirivheri makumi matatu, mutengo waiye wakatarirwa mutengo, iye vana vaIsraeri wavakatarira mutengo;Select Matthew 27:9

10vakaaripira munda wemuumbi wehari, saShe zvaakandiraira.Select Matthew 27:10

11Zvino Jesu wakamira pamberi pemutungamiriri. Mutungamiriri akamubvunza achiti: Iwe uri mambo weVaJudha here? Jesu akati kwaari: Unoreva iwe.Select Matthew 27:11

12Asi wakati achipomerwa mhosva nevapristi vakuru nevakuru, haana kupindura chinhu.Select Matthew 27:12

13Pirato ndokuti kwaari: Haunzwi kuti zvinhu zvingani zvavanopupura kupokana newe here?Select Matthew 27:13

14Asi haana kumupindura kunyange pashoko rimwe chete, zvekuti mutungamiriri wakashamisika zvikuru.Select Matthew 27:14

15Zvino pamutambo mutungamiriri aiva netsika yekusunungurira chaunga musungwa umwe wavanenge vada.Select Matthew 27:15

16Uye nenguva iyo vaiva nemusungwa wakakurumbira wainzi Bharabhasi.Select Matthew 27:16

17Naizvozvo vakati vaungana, Pirato akati kwavari: Ndeupi wamunoda kuti ndikusunungurirei: Bharabhasi kana Jesu anonzi Kristu?Select Matthew 27:17

18Nokuti wakange achiziva kuti vakange vamukumikidza negodo.Select Matthew 27:18

19Zvino wakati agara pachigaro chekutonga, mukadzi wake akatumira kwaari, achiti: Usava nechokuita neuyo wakarurama, nokuti ndatambudzika zvinhu zvizhinji nhasi muchiroto pamusoro pake.Select Matthew 27:19

20Asi vapristi vakuru nevakuru vakakumbirisa zvaunga kuti vakumbire Bharabhasi, vaparadze Jesu.Select Matthew 27:20

21Mutungamiriri akapindura akati kwavari: Ndeupi wevaviri wamunoda kuti ndikusunungurirei? Ivo vakati: Bharabhasi.Select Matthew 27:21

22Pirato akati kwavari: Ko ndichamuitei Jesu anonzi Kristu? Vese vakati kwaari: Ngaarovererwe pamuchinjikwa.Select Matthew 27:22

23Zvino mutungamiriri akati: Nokuti wakaita chii chakaipa? Asi vakanyanya kudanidzira vachiti: Ngaarovererwe pamuchinjikwa!Select Matthew 27:23

24Pirato wakati achiona kuti hazvibatsiri chinhu asi kutoti poita bongozozo, wakatora mvura akageza maoko pamberi pechaunga achiti: Handina mhosva neropa reuyu wakarurama; muchazvionera imwi.Select Matthew 27:24

25Vanhu vese ndokupindura vakati: Ropa rake ngarive pamusoro pedu nepamusoro pevana vedu.Select Matthew 27:25

26Zvino akavasunungurira Bharabhasi, asi wakati arova Jesu netyava, akamukumikidza kuti arovererwe pamuchinjikwa.Select Matthew 27:26

27Zvino mauto emutungamiriri akaisa Jesu mumba memutungamiriri, hondo yese ikaunganira kwaari.Select Matthew 27:27

28Vakamukurura, vakamupfekedza nguvo tsvuku.Select Matthew 27:28

29Vakati varuka korona yeminzwa, ndokupfekedza musoro wake, nerutsanga muruoko rwake rwerudyi. Vakafugama pamberi pake vakamuseka vachiti: Hekanhi, Mambo weVaJudha!Select Matthew 27:29

30Vakamupfira, ndokutora rutsanga vakamurova mumusoro wake.Select Matthew 27:30

31Vakati vamuseka, vakamukurura nguvo, vakamupfekedza nguvo dzake vakamuendesa kunoroverera pamuchinjikwa.Select Matthew 27:31

32Vakati vachibuda, vakawana munhu weKurini, wainzi Simoni. Vakamumanikidza uyu kuti atakure muchinjikwa wake.Select Matthew 27:32

33Vakati vasvika panzvimbo inonzi Gorogota, ndiko kuti, Nzvimbo yedehenya,Select Matthew 27:33

34vakamupa vhiniga yakavhenganiswa nenduru kuti anwe; asi wakati aravira akasada kunwa.Select Matthew 27:34

35Vakati vamuroverera pamuchinjikwa, vakagovana nguvo dzake vachikanda mujenya, kuti zvizadziswe zvakarehwa nemuporofita zvinoti: Vakagovana nguvo dzangu pakati pavo, vakakanda mujenya pamusoro pechekupfeka changu.Select Matthew 27:35

36Uye vakagara pasi, vakamurindapo.Select Matthew 27:36

37Vakaisa pamusoro pemusoro wake rugwaro rwemhosva yake rwakanyorwa kuti: UYU NDIJESU MAMBO WEVAJUDHA.Select Matthew 27:37

38Ndokurovererwa pamuchinjikwa makororo maviri pamwe naye, umwe kuruoko rwerudyi, umwe kuruboshwe.Select Matthew 27:38

39Vakange vachipfuura vakamunyomba, vachidzungudza misoro yavo,Select Matthew 27:39

40vachiti: Iwe unoputsa tembere nekuivaka nemazuva matatu, zviponese; kana uri Mwanakomana waMwari, buruka pamuchinjikwa.Select Matthew 27:40

41Saizvozvowo vapristi vakuru vachimuseka nevanyori nevakuru vachiti:Select Matthew 27:41

42Wakaponesa vamwe, iye haagoni kuzviponesa. Kana ari Mambo waIsraeri, ngaaburuke ikozvino pamuchinjikwa, tigomutenda.Select Matthew 27:42

43Waivimba naMwari; ngaachimusunungura ikozvino kana achimuda. Nokuti wakati: Ndiri Mwanakomana waMwari.Select Matthew 27:43

44Makororowo akarovererwa pamuchinjikwa pamwe naye, akamuseka saizvozvo.Select Matthew 27:44

45Zvino kubva paawa rechitanhatu kwakava nerima panyika yese kusvikira paawa repfumbamwe.Select Matthew 27:45

46Neawa rinenge repfumbamwe Jesu wakadanidzira nenzwi guru achiti: "Eri, Eri rama sabakitani?" Ndiko kuti: Mwari wangu, Mwari wangu, mandisiyirei?Select Matthew 27:46

47Vamwe vevakange vamirepo vakati vanzwa vakati: Uyu anodana Eria.Select Matthew 27:47

48Pakarepo umwe wavo akamhanya, akatora chipanje, akazadza nevhiniga ndokuisa parutsanga, akamupa kuti anwe.Select Matthew 27:48

49Asi vamwe vakati: Regai tione kana Eria achiuya kuzomuponesa.Select Matthew 27:49

50Jesu ndokudanidzirazve nenzwi guru akapa mweya.Select Matthew 27:50

51Zvino tarira, vheiri retembere rakabvaruka kuita mapandi maviri, kubva kumusoro kusvikira pasi. Nyika ikadengenyeka, mabwe akatsemuka.Select Matthew 27:51

52Makuva akazarurwa; nemitumbi mizhinji yevatsvene vakange varere ikamutswa.Select Matthew 27:52

53Vakati vabuda pamakuva shure kwekumuka kwake vakapinda muguta dzvene, vakaonekwa kuvazhinji.Select Matthew 27:53

54Zvino mukuru wezana nevaiva naye vakarinda Jesu vakati vachiona kudengenyeka kwenyika nezvinhu zvakaitika, vakatya zvikuru vachiti: Zvirokwazvo uyu wakange ari Mwanakomana waMwari.Select Matthew 27:54

55Nevakadzi vazhinji vakange varipo, vakatarira vari kure, vakange vatevera Jesu vachibva Garirea vachimushandira.Select Matthew 27:55

56Pakati pavo paiva naMaria Magidharini, naMaria mai vaJakobho naJose, namai vevanakomana vaZebhedhi.Select Matthew 27:56

57Zvino ava manheru kukasvika umwe mufumi achibva Arimatiya wainzi Josefa. Iyewo pachake waiva mudzidzi waJesu.Select Matthew 27:57

58Uyu wakaenda kuna Pirato akakumbira mutumbi waJesu. Ipapo Pirato akaraira kuti mutumbi aupiwe.Select Matthew 27:58

59Josefa wakati atora mutumbi, akauputira nemucheka werineni wakachena.Select Matthew 27:59

60Akauradzika muguva rake idzva, raakange achera muruware; akakungurusira ibwe guru pamukova weguva, akabva.Select Matthew 27:60

61Uye ipapo paiva naMaria Magidharini neumwe Maria, vagere pakatarisana neguva.Select Matthew 27:61

62Nezuva raitevera, raitevera zuva rekugadzirira, vapristi vakuru neVaFarisi vakaungana kuna Pirato,Select Matthew 27:62

63vachiti: Ishe, tinorangarira kuti munyepedzeri uyo wakati achiri mupenyu: Mushure memazuva matatu ndichamuka.Select Matthew 27:63

64Naizvozvo rairai kuti guva richengetwe kusvikira zuva retatu; zvimwe vadzidzi vake vangauya usiku vakamuba, vagoti kuvanhu: Wakamuka kuvakafa; kurasika kwekupedzisira kukazova kwakanyanya pane kwekutanga.Select Matthew 27:64

65Pirato akati kwavari: Mune varindi; endai murichengete sezvamunoziva.Select Matthew 27:65

66Vakaenda, vakanochengeta guva, vakaisa mucherechedzo pabwe, vane varindi.Select Matthew 27:66