28Matthew 28

1Zvino pakupera kwesabata kotanga kuedza, koenda kumusi wekutanga wevhiki, kwakasvika Maria Magidharini neumwe Maria kuzoona guva.Select Matthew 28:1

2Zvino tarira, kwakaitika kudengenyeka kwenyika kukuru, nokuti mutumwa waIshe wakaburuka kubva kudenga, akaswedera, akakungurusa ibwe kubva pamukova, akagara pamusoro paro.Select Matthew 28:2

3Kuonekwa kwake kwakange kwakaita semheni, nechipfeko chake chaiva chichena semagada echando.Select Matthew 28:3

4Zvino varindi vakadedera nekumutya, vakava sevakafa.Select Matthew 28:4

5Asi mutumwa akapindura akati kuvakadzi: Musatya imwi; nokuti ndinoziva kuti munotsvaka Jesu wakange arovererwa pamuchinjikwa.Select Matthew 28:5

6Haasi pano; nokuti wamuka sezvaakareva. Uyai muone nzvimbo Ishe paakange arere.Select Matthew 28:6

7Kurumidzai kuenda munoudza vadzidzi vake kuti wamuka kuvakafa; uye tarirai anokutungamirirai kuGarirea, ikoko muchanomuona; tarirai, ndakuudzai.Select Matthew 28:7

8Ndokubva vakakurumidza kubuda paguva vane kutya nemufaro mukuru, vakamhanyira kunoudza vadzidzi vake.Select Matthew 28:8

9Zvino vakati vachienda kunoudza vadzidzi vake, tarira, Jesu wakavachingamidza, achiti: Hekanhi! Vakaswedera vakabata tsoka dzake vakamunamata.Select Matthew 28:9

10Zvino Jesu akati kwavari: Musatya; endai, munoudza hama dzangu kuti vaende kuGarirea, uye vachanondionako.Select Matthew 28:10

11Vakati vachifamba, tarira, vamwe vevarindi vakaenda muguta vakapira vapristi vakuru zvese zvakaitika.Select Matthew 28:11

12Vakati vaungana nevakuru, vakarangana, vakapa mari zhinji kumauto,Select Matthew 28:12

13vachiti: Itii: Vadzidzi vake vakauya usiku vakamuba isu tirere.Select Matthew 28:13

14Kana izvi zvikazikanwa kumutungamiriri, isu tichamunyengerera, tikuitei musava mukushungurudzika.Select Matthew 28:14

15Ndokubva vatora mari vakaita sezvavakadzidziswa. Shoko iri rikaparadzirwa pakati peVaJudha kusvikira nhasi.Select Matthew 28:15

16Zvino vadzidzi gumi neumwe vakaenda kuGarirea, kugomo Jesu raakavaraira.Select Matthew 28:16

17Vakati vachimuona, vakamunamata; asi vamwe vakakonona.Select Matthew 28:17

18Jesu ndokuswedera akataura kwavari, achiti: Simba rese rakapiwa kwandiri kudenga nepanyika.Select Matthew 28:18

19Endai naizvozvo muite marudzi ese vadzidzi, muchivabhabhatidza muzita raBaba nereMwanakomana nereMweya Mutsvene;Select Matthew 28:19

20muchivadzidzisa kuchengeta zvese zvandakakurairai; zvino tarirai, ini ndinemwi mazuva ese kusvikira pakuguma kwenyika. Ameni.Select Matthew 28:20