5Matthew 5

1Zvino wakati achiona zvaunga akakwira mugomo, zvino wakati agara pasi vadzidzi vake vakauya kwaari;Select Matthew 5:1

2akashamisa muromo wake, akavadzidzisa achiti:Select Matthew 5:2

3Vakaropafadzwa varombo pamweya; nokuti ushe hwekumatenga ndehwavo.Select Matthew 5:3

4Vakaropafadzwa vanochema; nokuti ivo vachanyaradzwa.Select Matthew 5:4

5Vakaropafadzwa vanyoro; nokuti ivo vachagara nhaka yenyika.Select Matthew 5:5

6Vakaropafadzwa vane nzara nenyota yekururama; nokuti ivo vachagutiswa.Select Matthew 5:6

7Vakaropafadzwa vane tsitsi; nokuti ivo vachaitirwa tsitsi.Select Matthew 5:7

8Vakaropafadzwa vakachena pamoyo; nokuti ivo vachaona Mwari.Select Matthew 5:8

9Vakaropafadzwa vanoyananisa; nokuti ivo vachanzi vana vaMwari.Select Matthew 5:9

10Vakaropafadzwa vanoshushwa nekuda kwekururama; nokuti ushe hwekumatenga ndehwavo.Select Matthew 5:10

11Makaropafadzwa imwi, kana vachikutukai, vachikushushai, vachikutaurirai zvakaipa zvese vachireva nhema nekuda kwangu.Select Matthew 5:11

12Farai mupembere kwazvo, nokuti mubairo wenyu mukuru mumatenga; nokuti vakashusha saizvozvo vaporofita vakakutangirai.Select Matthew 5:12

13Imwi muri munyu wenyika; asi kana munyu warasa kuvava, ucharungwa nei? Hauchabatsiri chinhu, asi kurasirwa kunze, utsikwe-tsikwe nevanhu.Select Matthew 5:13

14Imwi muri chiedza chenyika; guta rakamiswa pamusoro pegomo haringavanziki;Select Matthew 5:14

15uye mwenje havautungidzi vakauisa pasi pedengu, asi pachigadziko chemwenje, uvhenekere vese vari mumba.Select Matthew 5:15

16Saizvozvo chiedza chenyu ngachivhenekere pamberi pevanhu, kuti vaone mabasa enyu akanaka, vagokudza Baba venyu vari kumatenga.Select Matthew 5:16

17Musafunga kuti ndauya kuzoparadza murairo kana vaporofita; handina kuuya kuzoparadza, asi kuzozadzisa.Select Matthew 5:17

18Nokuti zvirokwazvo ndinoti kwamuri: Kusvikira denga nenyika zvichipfuura, vara diki rimwe kana chidodzi chimwe kubva pamurairo hazvingatongopfuuri, kusvikira zvese zvaitika.Select Matthew 5:18

19Naizvozvo ani nani anotyora umwe wemirairo midikisa iyi, akadzidzisa vanhu saizvozvo, achanzi mudikisa muushe hwekumatenga; asi ani nani anoita akaidzidzisa, iye achanzi mukuru muushe hwekumatenga.Select Matthew 5:19

20Nokuti ndinoti kwamuri: Kunze kwekuti kururama kwenyu kukapfuura kwevanyori nekweVaFarisi, hamungatongopindi muushe hwekumatenga.Select Matthew 5:20

21Makanzwa kuti zvakanzi kune vekare: Usauraya; uye ani nani anouraya achava nemhosva yemutongo;Select Matthew 5:21

22asi ini ndinoti kwamuri: Ani nani anotsamwira umwe wake pasina chikonzero, achava nemhosva yemutongo; neanoti kune umwe wake: Dununu! achava nemhosva yedare remakurukota; uye anoti: Benzi! achava nemhosva yegehena remoto.Select Matthew 5:22

23Naizvozvo kana uchiuisa chipo chako kuaritari, ipapo ukarangarira kuti umwe wako ane chekupikisana newe,Select Matthew 5:23

24siya ipapo chipo chako pamberi pearitari, uende umbonotanga wayanana neumwe wako, ugouya wopira chipo chako.Select Matthew 5:24

25Tenderana nemudzivisi wako nekukurumidza, uchiri munzira naye, zvimwe mudzivisi angakukumikidza kumutongi, mutongi akukumikidze kumupurisa, ukakandirwa mutirongo.Select Matthew 5:25

26Zvirokwazvo ndinoti kwauri: Haungatongobudimo, kusvikira waripa kamari kekupedzisira.Select Matthew 5:26

27Makanzwa kuti zvakanzi kune vekare: Usaita upombwe;Select Matthew 5:27

28asi ini ndinoti kwamuri: Wese anotarisa mukadzi kuti amuchive, watoita upombwe naye mumoyo make.Select Matthew 5:28

29Uye kana ziso rako rerudyi richikugumbusa, uridzure urase kubva kwauri; nokuti zviri nani kwauri kuti umwe wemitezo yako uparare, kwete kuti muviri wako wese ukandirwe mugehena.Select Matthew 5:29

30Zvino kana ruoko rwako rwerudyi ruchikugumbusa, urugure urasire kure newe; nokuti zviri nani kwauri kuti umwe wemitezo yako uparare, kwete kuti muviri wako wese ukandirwe mugehena.Select Matthew 5:30

31Zvakanziwo: Ani nani anoramba mukadzi wake, ngaamupe rugwaro rwekurambana;Select Matthew 5:31

32asi ini ndinoti kwamuri: Ani nani anoramba mukadzi wake, kunze kwemhosva yeupombwe, anomuitisa upombwe; uye ani nani anowana wakarambwa anoita upombwe.Select Matthew 5:32

33Zvekare makanzwa kuti zvakanzi kune vekare: Usapika nhema, asi uripire Ishe mhiko dzako;Select Matthew 5:33

34asi ini ndinoti kwamuri: Musatongopika; kana nedenga, nokuti chigaro chaMwari cheushe;Select Matthew 5:34

35kana nenyika, nokuti chitsiko chetsoka dzake; kana neJerusarema, nokuti iguta raMambo mukuru;Select Matthew 5:35

36uye usapika nemusoro wako, nokuti haugoni kuita ruvhudzi rumwe ruchena kana rutema.Select Matthew 5:36

37Asi shoko renyu ngarive: Hongu, hongu; kwete, kwete; chinopfuura izvi chinobva kune wakaipa.Select Matthew 5:37

38Makanzwa kuti zvakanzi: Ziso neziso, uye zino nezino;Select Matthew 5:38

39asi ini ndinoti kwamuri: Musapikisa wakaipa; asi ani nani anokurova padama rako rerudyi, umutendeusire rimwewo.Select Matthew 5:39

40Neanoda kukusungisa, nekutora shati yako, umutendere nguvo yakowo.Select Matthew 5:40

41Ani nani anokumanikidza kuenda maira imwe uende naye mbiri.Select Matthew 5:41

42Ipa anokumbira kwauri, usafuratira anoda kukwereta kwauri.Select Matthew 5:42

43Makanzwa kuti zvakanzi: Ude umwe wako, uvenge muvengi wako.Select Matthew 5:43

44Asi ini ndinoti kwamuri: Idai vavengi venyu, ropafadzai vanokutukai, batai zvakanaka vanokuvengai, munyengeterere vanokubatai zvakaipa vachikushushai.Select Matthew 5:44

45Kuti muve vana vaBaba venyu vari kumatenga, nokuti vanobudisira zuva ravo kune vakaipa nevakanaka, nemvura vanoinaisira vakarurama nevasakarurama.Select Matthew 5:45

46Nokuti kana muchida vanokudai, mune mubairo wei? Ko, vateresiwo havaiti izvozvo here?Select Matthew 5:46

47Uye kana muchikwazisa vamwe venyu chete, munoita zvikuru kupfuura vamwe nei? Ko, vateresiwo havaiti saizvozvo here?Select Matthew 5:47

48Naizvozvo imwi muve vakakwana, saBaba venyu vari kumatenga vakakwana.Select Matthew 5:48