4Philippians 4

1Naizvozvo, hama dzangu vadikanwi vanoshuviwa, mufaro wangu nekorona, saizvozvo mirai nesimba muna Ishe, vadikanwi.Select Philippians 4:1

2Ndinokumbirisa Yuodhia, uye ndinokumbirisa Sindike, kuti vave nemurangariro umwe muna Ishe.Select Philippians 4:2

3Uye ndinonyengerera iwewo, umwe wangu wechokwadi pabasa, batsira vanhukadzi vaya, vakabatirana neni paevhangeri, pamwe naKiremendi, nevamwe vakabata neni, mazita avo ari mubhuku reupenyu.Select Philippians 4:3

4Farai muna Ishe nguva dzese; ndinotizve: Farai.Select Philippians 4:4

5Unyoro hwenyu ngahuzikanwe kuvanhu vese. Ishe ari pedo.Select Philippians 4:5

6Musafunganya pamusoro pechinhu, asi pazvinhu zvese, nemunyengetero nemukumbiro nekuvonga, zvichemo zvenyu ngazvizikanwe kuna Mwari,Select Philippians 4:6

7zvino rugare rwaMwari rwunopfuura kunzwisisa kwese, rwuchachengeta moyo yenyu nemifungo yenyu muna Kristu Jesu.Select Philippians 4:7

8Pakupedzisira, hama, chese chechokwadi, chese chinokudzwa, chese chakarurama, chese chakachena, chese chinodikanwa, chese chinorumbidzwa, kana kunaka kupi nekupi, uye kana chingarumbidzwa chipi nechipi, fungai zvinhu izvi;Select Philippians 4:8

9nezvamakadzidza nekugamuchira nekunzwa nekuona mandiri, itai izvozvo; naMwari werugare achava nemwi.Select Philippians 4:9

10Asi ndakafara zvikuru muna Ishe, kuti ikozvino makatomutsiridzazve kundirangarira; kwamaindirangarirawo nako, asi makashaiwa mukana.Select Philippians 4:10

11Kwete kuti ndinotaura izvi nekuda kwekushaiwa, nokuti ini ndadzidza kugutsikana nezvinhu zvandiri.Select Philippians 4:11

12Ndinoziva zvese kuzvidzwa, uye ndinoziva kuva nezvakawandisa; papi nepapi nepazvinhu zvese ndakadzidziswa zvese kuguta nekunzwa nzara, zvese kuva nezvizhinjisa nekushaiwa.Select Philippians 4:12

13Ndinogona kuita zvinhu zvese kubudikidza naKristu anondisimbisa.Select Philippians 4:13

14Kunyange zvakadaro makaita zvakanaka zvamakabatana neni pakutambudzika kwangu.Select Philippians 4:14

15Zvino munozivawo imwi VaFiripi, kuti pakutanga kweevhangeri, pandakabva kuMakedhonia, hapana kereke yakadyidzana neni pashoko rekupa nekugamuchira, asi imwi mega;Select Philippians 4:15

16nokuti kunyange paTesaronika makatumira kamwe nekupamha pakushaiwa kwangu.Select Philippians 4:16

17Kwete kuti ndinotsvaka chipo, asi ndinotsvaka chibereko chinowedzera kuchikwama chenyu.Select Philippians 4:17

18Zvino ndagamuchira zvese uye ndawanzirwa; ndaguta, ndagamuchira kuna Epafrodito zvinhu zvinobva kwamuri, hwema hwezvinonhuhwira, chibairo chinogamuchirwa, chinofadza Mwari.Select Philippians 4:18

19Asi Mwari wangu achazadzisa kushaiwa kwenyu kwese zvichienderana nefuma yake mukubwinya, muna Kristu Jesu.Select Philippians 4:19

20Zvino kuna Mwari naBaba vedu, ngakuve nekubwinya kusvikira rinhi narinhi. Ameni.Select Philippians 4:20

21Kwazisai mutsvene umwe neumwe muna Kristu Jesu. Hama dzineni dzinokukwazisai.Select Philippians 4:21

22Vatsvene vese vanokukwazisai, zvikuruwo avo veimba yaKesari.Select Philippians 4:22

23Nyasha dzaIshe wedu Jesu Kristu ngadzive nemwi mese. Amen.Select Philippians 4:23