1James 1

1Jakobho, muranda waMwari newaIshe Jesu Kristu, kumarudzi gumi nemaviri ari mukupararira: Kwaziwai.Select James 1:1

2Zvitorei semufaro wese, hama dzangu, kana muchiwira mumiedzo yakasiyana-siyana,Select James 1:2

3muchiziva kuti kuedzwa kwerutendo rwenyu kunobudisa kutsungirira;Select James 1:3

4asi kutsungirira ngakuve nebasa rakapedzeredzwa, kuti muve vakapedzeredzwa nekukwana, musingatairi pachinhu.Select James 1:4

5Uye kana umwe wenyu achishaiwa uchenjeri, ngaakumbire kuna Mwari, anopavhurira vese, uye asingatuki, zvino achadzipiwa.Select James 1:5

6Asi ngaakumbire murutendo, asiri asina chokwadi nechinhu; nokuti asina chokwadi wakaita sefungu regungwa rinosundwa nemhepo richidzungaidzwa.Select James 1:6

7Nokuti munhu uyu ngaarege kufunga kuti achagamuchira chinhu kuna Ishe.Select James 1:7

8Murume ane moyo miviri anoshanduka-shanduka panzira dzake dzese.Select James 1:8

9Asi hama yakaderera ngaizvikudze pakukudzwa kwake;Select James 1:9

10nemufumi pakuderedzwa kwake; nokuti seruva reuswa achapfuura.Select James 1:10

11Nokuti zuva rinobuda pamwe nekupisa, ndokuomesa uswa, neruva rahwo rinowira pasi, nekunaka kwechimiro chahwo kwakaparara; saizvozvowo mufumi achabvuruvara panzira dzake.Select James 1:11

12Wakaropafadzwa munhu anotsungirira pamuedzo; nokuti kana atendwa, achagamuchira korona yeupenyu, Ishe yaakavimbisa kune vanomuda.Select James 1:12

13Kusava nemunhu anoti achiidzwa ati: Ndinoidzwa naMwari; nokuti Mwari haagoni kuedzwa nechakaipa, naiye amene haaidzi munhu.Select James 1:13

14Asi umwe neumwe anoidzwa, kana achikwehwa nekuchiva kwake pachake, nekukwezwa.Select James 1:14

15Ipapo kuchiva kana kwarema kunozvara chivi; nechivi kana chaperedzerwa, chinobereka rufu.Select James 1:15

16Musanyengerwa, hama dzangu dzinodikanwa.Select James 1:16

17Chipo chese chakanaka nechipiwa chese chakaperedzerwa chinobva kumusoro, chichiburuka kubva kuna Baba vezviedza, navo pasina kupinduka, kana mumvuri wekushanduka.Select James 1:17

18Nekuda kwake wakabereka isu neshoko rechokwadi, kuti isu tive sechibereko chekutanga chezvisikwa zvake.Select James 1:18

19Naizvozvo, hama dzangu dzinodiwa, munhu umwe neumwe ngaave anokurumidza pakunzwa, anononoka pakutaura, anononoka pakutsamwa;Select James 1:19

20nokuti kutsamwa kwemunhu hakuiti kururama kwaMwari.Select James 1:20

21Naizvozvo bvisai zvinyangadzo zvese nekuwandisa kwekuipa, mugamuchire nemoyo munyoro shoko rakabatanidzwa pamuri, rinogona kuponesa mweya yenyu.Select James 1:21

22Asi ivai vaiti veshoko, uye kwete vanzwi chete, muchizvinyengera pachenyu.Select James 1:22

23Nokuti kana umwe ari munzwi weshoko uye asiri muiti, iye wakafanana nemunhu anoona chiso chake chechisikirwo muchionioni;Select James 1:23

24nokuti anozviona pachake, ndokuenda, ndokukanganwa pakarepo kuti wanga akadini.Select James 1:24

25Asi uyo anotarisisa mumurairo wakaperedzerwa werusununguko ndokurambirirapo, uyo asati ari munzwi anokanganwa asi muiti webasa, uyu acharopafadzwa pakuita kwake.Select James 1:25

26Kana umwe pakati penyu achiti anotenda, kana asingadzori rurimi rwake, asi achinyengera moyo wake, chitendero cheuyu hachina maturo.Select James 1:26

27Chitendero chakachena chisina kusvibiswa pamberi paMwari naBaba ndechichi: Kufambira nherera nechirikadzi pakutambudzika kwavo, azvichengete asina gwapa kubva kunyika.Select James 1:27