5Ephesians 5

1Naizvozvo ivai vateveri vaMwari, sevana vanodikanwa;Select Ephesians 5:1

2uye fambai murudo, Kristu sezvaakatidawo, akazvipa nekuda kwedu, ave chipo nechibairo kuna Mwari zvive hwema hunonhuhwira.Select Ephesians 5:2

3Asi upombwe netsvina yese kana kuchiva ngazvirege kutongorehwa pakati penyu, sezvinofanira vatsvene;Select Ephesians 5:3

4neunzenza, nekutaura kweupenzi, kana kunemera, zvinhu zvisina kufanira; asi zviri nani kuvonga.Select Ephesians 5:4

5Nokuti munozviziva izvi, kuti mhombwe yega-yega, kana munhu asina kuchena, kana munhu anochiva, anova munamati wezvifananidzo, haana nhaka muushe hwaKristu nehwaMwari.Select Ephesians 5:5

6Ngakurege kuva nemunhu unokunyengerai nemashoko asina maturo; nokuti nekuda kwezvinhu izvi kutsamwa kwaMwari kunouya pamusoro pevana vekusateerera.Select Ephesians 5:6

7Naizvozvo regai kuva vagovani navo.Select Ephesians 5:7

8Nokuti maimbova rima, asi ikozvino mava chiedza muna Ishe; fambai sevana vechiedza.Select Ephesians 5:8

9Nokuti chibereko cheMweya chiri mukunaka kwese nekururama nechokwadi,Select Ephesians 5:9

10muchiongorora zvinofadza kuna Ishe;Select Ephesians 5:10

11uye musadyidzana nemabasa erima asina zvibereko, asi zviri nani mutsiurewo;Select Ephesians 5:11

12nokuti zvinhu zvinoitwa navo pakavanda zvinonyadzisa kunyange kutaura.Select Ephesians 5:12

13Asi zvinhu zvese zvinotsiurwa zvinoratidzwa nechiedza; nokuti zvese zvinoratidzwa chiedza.Select Ephesians 5:13

14Naizvozvo anoti: Simuka iwe urere, uye muka kubva kuvakafa, zvino Kristu achakuvhenekera.Select Ephesians 5:14

15Naizvozvo chenjerai kuti munofamba sei nekuchenjerera, kwete semapenzi asi sevakachenjera;Select Ephesians 5:15

16muchidzikunura nguva, nokuti mazuva akaipa.Select Ephesians 5:16

17Naizvozvo musava matununu, asi vanonzwisisa zviri kuda kwaIshe.Select Ephesians 5:17

18Uye regai kuraradza newaini, makuri mune bongozozo guru, asi zadzwai neMweya,Select Ephesians 5:18

19muchitaurirana nemapisarema nenziyo, nenziyo dzeMweya, muchiimba nekuita mutinhimira mumoyo yenyu kuna Ishe,Select Ephesians 5:19

20muchipa kuvonga nguva dzese pamusoro pezvinhu zvese kuna Mwari naBaba, muzita raIshe wedu Jesu Kristu,Select Ephesians 5:20

21muchizviisa pasi umwe kune umwe mukutya Mwari.Select Ephesians 5:21

22Vakadzi, zviisei pasi pevarume venyu pachenyu, sekuna Ishe,Select Ephesians 5:22

23nokuti murume musoro wemukadzi, saKristuwo ari musoro wekereke, uye ndiye Muponesi wemuviri.Select Ephesians 5:23

24Asi kerekewo sezvairi pasi paKristu, saizvozvowo vakadzi kuvarume vavo pachavo pachinhu chese.Select Ephesians 5:24

25Varume, idai vakadzi venyu pachenyu, Kristu sezvaakadawo kereke, akazvipa nekuda kwayo;Select Ephesians 5:25

26kuti aiite tsvene ainatse nekusuka kwemvura neShoko,Select Ephesians 5:26

27kuti aikumikidze kwaari, kereke inobwinya isina gwapa kana kuwonyana, kana chimwe chezvakadai, asi kuti ive tsvene isina chaingapomerwa.Select Ephesians 5:27

28Saizvozvo varume vanofanira kuda vakadzi vavo pachavo semiviri yavo pachavo. Anoda mukadzi wake pachake, anozvida iye.Select Ephesians 5:28

29Nokuti hakuna wakatongovenga nyama yake pachake, asi anoifunda nekuchengetedza, sezvinoita Ishewo kukereke;Select Ephesians 5:29

30nokuti isu tiri mitezo yemuviri wake, yenyama yake neyemafupa ake.Select Ephesians 5:30

31Nekuda kweizvozvi munhu achasiya baba namai vake, ndokubatanidzwa kumukadzi wake; uye ava vaviri vachava nyama imwe.Select Ephesians 5:31

32Chakavanzika ichi chikuru, asi ndinotaura zvaKristu nezvekereke.Select Ephesians 5:32

33Asi imwiwo umwe neumwe pachake ngaade mukadzi wake pachake sezvaanozvida iye; nemukadzi aone kuti atye murume.Select Ephesians 5:33