1John 1

1Pakutanga wakange aripo Shoko, uye Shoko wakange ana Mwari, uye Shoko wakange ari Mwari.Select John 1:1

2Iye uyu wakange ana Mwari pakutanga.Select John 1:2

3Zvinhu zvese zvakaitwa naye, uye kunze kwake hakuna kuitwa chinhu chimwe chakaitwa.Select John 1:3

4Maari maiva neupenyu, uye upenyu hwaiva chiedza chevanhu,Select John 1:4

5uye chiedza chinovhenekera murima, asi rima harina kuchigamuchira.Select John 1:5

6Kwakauya munhu wakatumwa kubva kuna Mwari, zita rake riri Johwani.Select John 1:6

7Iye wakauyira uchapupu, kuti apupure zvechiedza, kuti vese vatende naye.Select John 1:7

8Iye wakange asiri icho chiedza, asi wakatumwa kuti apupure pamusoro pechiedza.Select John 1:8

9Chaiva chiedza chechokwadi, chinovhenekera munhu umwe neumwe anouya panyika.Select John 1:9

10Wakange ari munyika, nenyika yakaitwa naye, asi nyika haina kumuziva.Select John 1:10

11Wakauya kune zvake, asi vake havana kumugamuchira.Select John 1:11

12Asi vese vakamugamuchira, wakavapa kodzero kuti vave vana vaMwari, ivo vanotenda kuzita rake;Select John 1:12

13vakaberekwa kwete neropa, kana nechido chenyama, kana nechido chemurume, asi naMwari.Select John 1:13

14Shoko ndokuzova nyama, akagara pakati pedu, uye takaona kubwinya kwake, kubwinya sekwewakaberekwa umwe ega waBaba, azere nenyasha nechokwadi.Select John 1:14

15Johwani wakapupura pamusoro pake, akadanidzira achiti: Uyu ndiye wandaireva ndichiti: Uyu anouya shure kwangu wakanditangira; nokuti wakange aripo mberi kwangu.Select John 1:15

16Nepakuzara kwake isu tese takagamuchira, uye nyasha nenyasha.Select John 1:16

17Nokuti murairo wakapiwa naMozisi, nyasha nechokwadi zvakauya naJesu Kristu.Select John 1:17

18Hakuna wakatongoona Mwari; Mwanakomana wakaberekwa umwe ega, ari pachifuva chaBaba, ndiye wakamuzivisa.Select John 1:18

19Uye uhu ndihwo uchapupu hwaJohwani, apo VaJudha vakatuma vapristi neVaRevhi kubva kuJerusarema kuti vanomubvunza kuti: Iwe ndiwe ani?Select John 1:19

20Akabvuma, uye haana kuramba; ndokubvuma achiti: Ini handisi Kristu.Select John 1:20

21Zvino vakamubvunza vachiti: Saka kudini? Iwe uri Erija here? Akati: Handisi. Iwe uri uya muporofita here? Akapindura akati: Kwete.Select John 1:21

22Naizvozvo vakati kwaari: Ndiwe ani? Kuti tipe mhinduro vatituma; unoti kudini pamusoro pako?Select John 1:22

23Akati: Ini ndini inzwi reanodanidzira murenje: Ruramisai nzira yaIshe; sezvakareva Isaya muporofita.Select John 1:23

24Ava vakange vatumwa vaibva kuVaFarisi.Select John 1:24

25Zvino vakamubvunza, vakati kwaari: Unogobhabhatidzirei, kana iwe usiri Kristu, kana Eria, kana muporofita uya?Select John 1:25

26Johwani akavapindura, achiti: Ini ndinobhabhatidza nemvura; asi pakati penyu pamire wamusingazivi imwi;Select John 1:26

27ndiye anouya shure kwangu, ari mberi kwangu, wandisina kufanira ini kuti ndisunungure rukanda rweshangu yake.Select John 1:27

28Izvozvi zvakaitika paBhetabhara, mhiri kwaJoridhani, kwaibhabhatidza Johwani.Select John 1:28

29Ava mangwana Johwani wakaona Jesu achiuya kwaari, akati: Tarirai, Gwayana raMwari, rinobvisa rotakura chivi chenyika.Select John 1:29

30Uyu ndiye ini wandaitaura nezvake ndichiti: Shure kwangu kunouya murume, wakanditangira, nokuti wakange ariko mberi kwangu.Select John 1:30

31Neni ndakange ndisingamuzivi; asi kuti aziviswe kuna Israeri, nekuda kweizvozvo ini ndakauya ndichibhabhatidza nemvura.Select John 1:31

32Johwani ndokupupura, achiti: Ndakaona Mweya achiburuka kudenga senjiva, akagara pamusoro pake.Select John 1:32

33Neni ndakange ndisingamuzivi; asi wakandituma kubhabhatidza nemvura, ndiye wakati kwandiri: Uyo waunoona Mweya achiburukira pamusoro pake nekugara pamusoro pake, ndiye anobhabhatidza neMweya Mutsvene.Select John 1:33

34Zvino ini ndakaona ndikapupura kuti uyu Mwanakomana waMwari.Select John 1:34

35Ava mangwanazve Johwani wakange amire, nevaviri vevadzidzi vake;Select John 1:35

36zvino wakatarisa Jesu achifamba-famba, akati: Tarirai Gwayana raMwari.Select John 1:36

37Vadzidzi vaviri ndokumunzwa achitaura, ndokutevera Jesu.Select John 1:37

38Zvino Jesu atendeuka wakavaona vachitevera, akati kwavari: Munotsvakei? Vakati kwaari: Rabhi* (ndokuti kana zvichishandurwa, Mudzidzisi) munogarepi?Select John 1:38

39Akati kwavari: Uyai muone. Vakauya vakaona paaigara; ndokugara naye zuva iroro; rakange riri awa rinenge regumi.Select John 1:39

40Andiriya munin'ina waSimoni Petro waiva umwe wevaviri vakange vazvinzwa naJohwani vakamutevera.Select John 1:40

41Iye wakatanga kuwana mukoma wake chaiye Simoni, akati kwaari: Tamuwana Mesiasi; ndiko kuti kana zvichishandurwa, Kristu.Select John 1:41

42Zvino akamuisa kuna Jesu. Jesu ndokuti amutarira akati: Iwe uri Simoni mwanakomana waJona; iwe uchanzi Kefasi (zvinoshandurwa kunzi Petro).Select John 1:42

43Ava mangwana Jesu akada kubudira kuGarirea, ndokuwana Firipi, ndokuti kwaari: Nditevere.Select John 1:43

44Zvino Firipi wakange ari weBhetisaidha, muguta raAndiriya naPetro.Select John 1:44

45Firipi akawana Nataniyeri, ndokuti kwaari: Tamuwana Mozisi waakanyora nezvake pamurairo nevaporofita, Jesu weNazareta, mwanakomana waJosefa.Select John 1:45

46Nataniyeri ndokuti kwaari: Chinhu chakanaka chinogona kubva muNazareta here? Firipi akati kwaari: Uya uone.Select John 1:46

47Jesu wakaona Nataniyeri achiuya kwaari, ndokuti pamusoro pake: Tarira muIsraeri wechokwadi, musina kunyengera maari.Select John 1:47

48Nataniyeri akati kwaari: Mandizivirepi? Jesu akapindura, akati kwaari: Firipi asati akudana, pawanga uri munyasi memuonde, ndakuona.Select John 1:48

49Nataniyeri akapindura ndokuti kwaari: Rabhi, imwi muri Mwanakomana waMwari, imwi muri Mambo waIsraeri.Select John 1:49

50Jesu akapindura ndokuti kwaari: Unotenda nokuti ndati kwauri: Ndakuona munyasi memuonde. Uchaona zvinhu zvikuru kune izvi.Select John 1:50

51Zvino akati kwaari: Zvirokwazvo, zvirokwazvo, ndinoti kwamuri: Kubva ikozvino muchaona denga razaruka, nevatumwa vaMwari vachikwira nekuburukira pamusoro peMwanakomana wemunhu.Select John 1:51