7John 7

1Shure kwezvinhu izvi Jesu wakafamba-famba muGarirea; nokuti wakange asingadi kufamba-famba muJudhiya, nokuti VaJudha vakange vachitsvaka kumuuraya.Select John 7:1

2Zvino mutambo weVaJudha, mutambo wematende wakange waswedera.Select John 7:2

3Naizvozvo vanin'ina vake vakati kwaari: Ibvai pano muende muJudhiya, kuti vadzidzi venyuwo vaone mabasa enyu amunoita.Select John 7:3

4Nokuti hakuna umwe anoita chinhu muchivande iye amene achitsvakawo kuva pachena. Kana uchiita zvinhu izvi, zviratidze kunyika.Select John 7:4

5Nokuti kunyange vanin'ina vake vaiva vasingatendi kwaari.Select John 7:5

6Naizvozvo Jesu akati kwavari: Nguva yangu haisati yasvika, asi nguva yenyu inogara yakagadzirwa.Select John 7:6

7Nyika haigoni kukuvengai; asi ini inondivenga, nokuti ini ndinopupura nezvayo, kuti mabasa ayo akaipa.Select John 7:7

8Kwirai imwi kumutambo uyu; ini handisati ndokwira kumutambo uyu, nokuti nguva yangu haisati yazadzisika.Select John 7:8

9Wakati areva zvinhu izvi kwavari, akagara muGarirea.Select John 7:9

10Asi vanin'ina vake vakati vakwira, naiye akabva okwira kumutambo, kwete pachena, asi panenge sepachivande.Select John 7:10

11Zvino VaJudha vakamutsvaka pamutambo, vakati: Aripi uya?Select John 7:11

12Kwakavapo kun'un'una kwakawanda pakati pezvaunga pamusoro pake; vamwe vachiti: Wakanaka. Asi vamwe vachiti: Kwete, asi anotsausa chaunga.Select John 7:12

13Kunyange zvakadaro kwakange kusina munhu wakataura pachena pamusoro pake nekutya VaJudha.Select John 7:13

14Zvino pava pakati pemutambo, Jesu akakwira kutembere, akadzidzisa.Select John 7:14

15Zvino VaJudha vakashamisika vachiti: Uyu anoziva sei magwaro asina kudzidza?Select John 7:15

16Jesu akavapindura akati: Dzidziso yangu haisi yangu, asi yake wakandituma.Select John 7:16

17Kana munhu achida kuita chido chake, achaziva zvedzidziso kana ichibva kuna Mwari, kana kuti ini ndinotaura zvangu.Select John 7:17

18Anozvitaurira zvake, anotsvaka rumbidzo yake pachake; asi anotsvaka rumbidzo yewakamutuma, ndiye wechokwadi, uye hapana kusarurama maari.Select John 7:18

19Mozisi haana kukupai murairo here? Asi hakuna wenyu anoita murairo. Munotsvakirei kundiuraya?Select John 7:19

20Chaunga chikapindura chikati: Une dhimoni; ndiani anotsvaka kukuuraya?Select John 7:20

21Jesu akapindura akati kwavari: Ndakaita basa rimwe, uye munoshamisika mese.Select John 7:21

22Naizvozvo Mozisi wakakupai dzingiso (kusiri kuti yakabva kuna Mozisi, asi kumadzibaba), zvino nesabata munodzingisa munhu.Select John 7:22

23Kana munhu nesabata achigamuchira dzingiso, kuti murairo waMozisi urege kutyorwa, munonditsamwira nokuti ndaporesa munhu zvakaperera nesabata here?Select John 7:23

24Musatonga nezvinoonekwa, asi tongai kutonga kwakarurama.Select John 7:24

25Vamwe veveJerusarema ndokuti: Uyu haasiye wavanotsvaka kuuraya here?Select John 7:25

26Asi tarira, anotaura pachena, asi havarevi chinhu kwaari. Kuti vatungamiriri vanoziva zvechokwadi here kuti ndiye Kristu chaiye?Select John 7:26

27Asi uyu tinoziva kwaanobva; asi Kristu kana achisvika, hakuna angaziva kwaanobva.Select John 7:27

28Naizvozvo Jesu wakadanidzira mutembere achidzidzisa achiti: Nemwi munoziva ini, uye munoziva kwandakabva; uye handina kuzviuira, asi wakandituma ndewechokwadi, wamusingazivi imwi.Select John 7:28

29Asi ini ndinomuziva, nokuti ndinobva kwaari, uye iye wakandituma.Select John 7:29

30Naizvozvo vakatsvaka kumubata, asi hakuna wakaisa ruoko paari, nokuti awa rake rakange risati rasvika.Select John 7:30

31Asi vazhinji vechaunga vakatenda kwaari, vakati: Kana Kristu achisvika, achaita zviratidzo zvizhinji kune izvi uyu zvaaita here?Select John 7:31

32VaFarisi vakanzwa chaunga chichin'un'una zvinhu izvi pamusoro pake; VaFarisi nevapristi vakuru ndokutuma vabatsiri kuti vamubate.Select John 7:32

33Naizvozvo Jesu akati kwavari: Ndichinemwi chinguvana, ndoenda kune wakandituma.Select John 7:33

34Muchanditsvaka mukasandiwana; uye apo pandiri ini, imwi hamugoni kuuya.Select John 7:34

35Naizvozvo VaJudha vakataurirana vachiti: Uyu oda kuendepi kuti isu tisamuwana? Achaenda kune vakapararira veVaGiriki, adzidzise VaGiriki here?Select John 7:35

36Ishokoi iri raanoti: Muchanditsvaka, asi hamungandiwani; nerekuti: Pandiri ini, imwi hamugoni kuuya?Select John 7:36

37Zvino nezuva rekupedzisira, iro guru remutambo Jesu wakasimuka akadanidzira achiti: Kana ani nani ane nyota, ngaauye kwandiri anwe.Select John 7:37

38Anotenda kwandiri, rugwaro sezvarwakareva, nzizi dzemvura mhenyu dzichaerera kubva mudumbu rake.Select John 7:38

39Asi izvi wakareva zveMweya wavaizogamuchira vanotenda kwaari; nokuti Mweya Mutsvene wakange asati avapo, nokuti Jesu wakange asati akudzwa.Select John 7:39

40Naizvozvo vazhinji vechaunga vakati vachinzwa shoko iri vakati: Zvirokwazvo uyu ndiye muporofita.Select John 7:40

41Vamwe vakati: Uyu ndiye Kristu. Asi vamwe vakati: Ko Kristu angabva Garirea here?Select John 7:41

42Rugwaro haruna kureva here kuti Kristu achabva kumbeu yaDhavhidhi, nepamusha weBhetirehemu paiva naDhavhidhi?Select John 7:42

43Naizvozvo pakava nekupesana pakati pechaunga pamusoro pake.Select John 7:43

44Zvino vamwe vavo vakada kumubata, asi hakuna wakaisa maoko kwaari.Select John 7:44

45Zvino vabatsiri vakaenda kuvapristi vakuru neVaFarisi; ivo vakati kwavari: Nemhaka yei musina kumuuisa?Select John 7:45

46Vabatsiri vakapindura vakati: Hakuna kumbotaura munhu seizvi, semunhu uyu.Select John 7:46

47Zvino VaFarisi vakavapindura vakati: Nemwi matsauswa kanhi?Select John 7:47

48Aripo here wakatenda kwaari kuvatungamiriri kana kuVaFarisi?Select John 7:48

49Asi chaunga ichi chisingazivi murairo chakatukwa.Select John 7:49

50Nikodhimo, uya akauya kwaari usiku, ari umwe wavo, akati kwavari:Select John 7:50

51Murairo wedu unotonga munhu here, kunze kwekuti wambomunzwa nekuziva chaanoita?Select John 7:51

52Vakapindura vakati kwaari: Ko iwewo uri weGarirea here? Nzvera uone kuti hakuna kumuka muporofita kuGarirea.Select John 7:52

53Umwe neumwe ndokuenda kumba kwake.Select John 7:53