101 Corinthians 10

1Uye handidi kuti murege kuziva, hama, kuti madzibaba edu ese akange ari pasi pegore, uye ese akagura nemugungwa,Select 1 Corinthians 10:1

2uye ese akabhabhatidzwa muna Mozisi mugore nemugungwa,Select 1 Corinthians 10:2

3uye ese akadya kudya kumwe kwemweya,Select 1 Corinthians 10:3

4uye ese akanwa zvinwiwa zvimwe zvemweya; nokuti akanwa kubva padombo remweya rakavatevera; uye dombo iro rakange riri Kristu.Select 1 Corinthians 10:4

5Asi muruzhinji rwawo Mwari haana kufadzwa; nokuti akaparadzwa murenje.Select 1 Corinthians 10:5

6Zvino zvinhu izvi zvakava mifananidziro kwatiri, kuti tirege kushuva zvakaipa, sezvavakashuvawo.Select 1 Corinthians 10:6

7Uye musava vanamati vezvifananidzo, sevamwe vavo; sezvakwakanyorwa, kuchinzi: Vanhu vakagara pasi kudya nekunwa, ndokusimuka kutamba.Select 1 Corinthians 10:7

8Uye ngatirege kupomba, sevamwe vavo vakaita upombwe, ndokuwa nezuva rimwe zvuru makumi maviri nezvitatu.Select 1 Corinthians 10:8

9Uye ngatirege kuidza Kristu, sevamwe vavowo vakamuidza, vakaparadzwa nenyoka.Select 1 Corinthians 10:9

10Muregewo kun'un'una, sevamwe vavowo vakan'un'una, vakaparadzwa nemuparadzi.Select 1 Corinthians 10:10

11Zvinhu izvi zvese zvakavawirawo kuti zvive mifananidziro; uye zvakanyorwa kuva yambiro yedu takasvikirwa nemagumo enyika.Select 1 Corinthians 10:11

12Naizvozvo anofunga kuti amire, ngaaone kuti haawi.Select 1 Corinthians 10:12

13Hakuna muedzo wakakubatai kunze kweuri muvanhu; asi Mwari wakatendeka, asingazotenderi kuti muidzwe kupfuura pamunogona napo, asi pamwe nemuedzo achaitawo nzira yekupukunyuka, kuti mugone kuutakura.Select 1 Corinthians 10:13

14Naizvozvo, vadikanwi vangu, tizai kunamata zvifananidzo.Select 1 Corinthians 10:14

15Ndinotaura sekune vakachenjera; imwi tongai zvandinotaura.Select 1 Corinthians 10:15

16Mukombe weropafadzo watinoropafadza, hausi kugoverana kweropa raKristu here? Chingwa chatinomedura, hachisi kugoverana kwemuviri waKristu here?Select 1 Corinthians 10:16

17Nokuti isu vazhinji tiri chingwa chimwe, muviri umwe; nokuti isu tese tinogovana pachingwa chimwe.Select 1 Corinthians 10:17

18Tarirai Israeri zvepanyama; vanodya zvibairo havasi ivo vanogoverana nearitari here?Select 1 Corinthians 10:18

19Ko ndoti kudii? Kuti chifananidzo chinhu here? Kana kuti chakabairwa chifananidzo chinhu here?Select 1 Corinthians 10:19

20Asi kuti vahedheni zvavanobaya, vanozvibaira madhimoni, uye kwete kuna Mwari; zvino handidi kuti mudyidzane nemadhimoni.Select 1 Corinthians 10:20

21Hamugoni kunwa mukombe waIshe nemukombe wemadhimoni; hamugoni kugovana tafura yaIshe netafura yemadhimoni.Select 1 Corinthians 10:21

22Kana tinozvimutsira godo Ishe here? Ko takasimba kumupfuura here?Select 1 Corinthians 10:22

23Zvinhu zvese zvinotenderwa kwandiri; asi hazvisi zvese zvinobatsira. Zvinhu zvese zvinotenderwa kwandiri; asi hazvisi zvese zvinovaka.Select 1 Corinthians 10:23

24Kusava neanozvitsvakira zvake, asi umwe neumwe zveumwe.Select 1 Corinthians 10:24

25Zvese zvinotengeswa pamisika yenyama idyai, musingabvunzi chinhu nekuda kwehana;Select 1 Corinthians 10:25

26nokuti nyika ndeya Ishe nekuzara kwayo.Select 1 Corinthians 10:26

27Uye kana umwe wevasingatendi akakukokai, uye muchida kuenda, chese chinoiswa pamberi penyu idyai musingabvunzi chinhu nekuda kwehana.Select 1 Corinthians 10:27

28Asi kana umwe akati kwamuri: Ichi chakabairwa chifananidzo; musadya nekuda kwaiye wakuratidzai, uye kwehana; nokuti nyika ndeya Ishe nekuzara kwayo.Select 1 Corinthians 10:28

29Asi hana ndinoti, isati iri yako, asi yeumwe; nokuti kusununguka kwangu kunotongerwei nehana yeumwe?Select 1 Corinthians 10:29

30Uye kana ini nenyasha ndichiwana mugove, ndingagotukirwei nekuda kwechinhu chandinovonga ini?Select 1 Corinthians 10:30

31Naizvozvo kana muchidya, kana kunwa, kana chipi nechipi chamunoita, zviitirei rukudzo rwaMwari.Select 1 Corinthians 10:31

32Regai kugumbusa zvese kuVaJudha nekuVaGiriki nekukereke yaMwari;Select 1 Corinthians 10:32

33seniwo ndinofadza vese pazvese, ndisingatsvaki rubatsiro rwangu, asi rwevazhinji, kuti vaponeswe.Select 1 Corinthians 10:33