121 Corinthians 12

1Zvino maererano nezvipo zveMweya, hama, handidi kuti musaziva.Select 1 Corinthians 12:1

2Munoziva kuti maiva vahedheni muchikweverwa kuzvifananidzo mbeveve, sevanotungamirirwa.Select 1 Corinthians 12:2

3Saka ndinokuzivisai, kuti hakuna munhu anotaura neMweya waMwari anoti: Jesu ndichakatukwa; uye hakuna munhu angati: Jesu ndiIshe, kunze neMweya Mutsvene.Select 1 Corinthians 12:3

4Zvino kune marudzi akasiyana ezvipo, asi Mweya ndeumwe.Select 1 Corinthians 12:4

5Uye kune marudzi akasiyana eushumiri, asi Ishe mumwe.Select 1 Corinthians 12:5

6Kune marudzi akasiyana emabasa, asi ndiMwari umwe, anobata zvese mune vese.Select 1 Corinthians 12:6

7Asi umwe neumwe anopiwa kuratidza kweMweya kune zvinobatsira.Select 1 Corinthians 12:7

8Nokuti kune umwe kunopiwa neMweya shoko reuchenjeri, nekune umwe shoko reruzivo, neMweya iwoyu;Select 1 Corinthians 12:8

9nekune umwe rutendo, neMweya iwoyu, nekune umwe zvipo zvekuporesa, neMweya iwoyu;Select 1 Corinthians 12:9

10nekune umwe kuita mabasa esimba, nekune umwe chiporofita, nekune umwe kupatsanura mweya, nekune umwe marudzi endimi, nekune umwe kududzira ndimi;Select 1 Corinthians 12:10

11asi izvi zvese Mweya iwoyu umwe unozviita, unogovera umwe neumwe pachake sezvaanoda.Select 1 Corinthians 12:11

12Nokuti muviri sezvauri umwe, uye une mitezo mizhinji, nemitezo yese yemuviri uyu umwe, kunyange iri mizhinji, muviri ndeumwe; wakadarowo Kristu.Select 1 Corinthians 12:12

13Nokutiwo neMweya umwe isu tese takabhabhatidzirwa mumuviri umwe, kana VaJudha kana VaGiriki, kana varanda kana vakasununguka; tesewo takanwiswa paMweya umwe.Select 1 Corinthians 12:13

14Nokutiwo muviri hausi mutezo umwe asi mizhinji.Select 1 Corinthians 12:14

15Kana rutsoka rukati: Nokuti handisi ruoko, handisi wemuviri; zvisinei naizvozvi harwusi rwemuviri here?Select 1 Corinthians 12:15

16Nenzeve kana ikati: Nokuti handisi ziso, handisi wemuviri; zvisinei naizvozvi haisi yemuviri here?Select 1 Corinthians 12:16

17Dai muviri wese waiva ziso, kunzwa kwaivepi? Kana wese waiva kunzwa, kunhuhwidza kungadai kuripi?Select 1 Corinthians 12:17

18Asi zvino Mwari wakagadza mitezo, umwe neumwe wayo, pamuviri, sezvaakada.Select 1 Corinthians 12:18

19Asi kana yese yaiva mutezo umwe, muviri ungadai uri kupi?Select 1 Corinthians 12:19

20Asi zvino mitezo mizhinji, asi muviri umwe.Select 1 Corinthians 12:20

21Uye ziso harigoni kuti kuruoko: Handinei newe; kanazve musoro kutsoka: Handinei newe.Select 1 Corinthians 12:21

22Asi zvikuru kwazvo mitezo iyo yemuviri inoonekwa seisina simba zvikuru, inodikanwa;Select 1 Corinthians 12:22

23naiyo yemuviri yatinofunga kuti haikudzwi, ndiyo yatinopa rukudzo zvakawedzerwa; nemitezo iyo yedu isina kunaka ine runako rwakawedzerwa;Select 1 Corinthians 12:23

24asi yedu ine runako haishaiwi; asi Mwari wakabatanidza muviri pamwe, apa rukudzo rukuru kune yaishayiwa,Select 1 Corinthians 12:24

25kuti parege kuva nekupatsanurana pamuviri; asi mitezo ichengetane zvakaenzana.Select 1 Corinthians 12:25

26Uye kana mutezo umwe uchitambudzika, mitezo yese inotambudzika pamwe nawo; kana mutezo umwe uchikudzwa, mitezo yese inofara pamwe nawo.Select 1 Corinthians 12:26

27Zvino imwi muri muviri waKristu, nemitezo, umwe neumwe.Select 1 Corinthians 12:27

28Uye Mwari wakagadza vamwe pakereke, kutanga vaapositori, kechipiri vaporofita, kechitatu vadzidzisi, kozouya mabasa esimba, tevere zvipo zvekuporesa, mabasa erubatsiro, utungamiriri, ndimi dzakasiyana-siyana.Select 1 Corinthians 12:28

29Vese vaapositori here? Vese vaporofita here? Vese vadzidzisi here? Vese vanoita mabasa esimba here?Select 1 Corinthians 12:29

30Vese vane zvipo zvekuporesa here? Vese vanotaura nendimi here? Vese vanodudzira here?Select 1 Corinthians 12:30

31Asi shuvai zvipo zvakanakisisa. Uye ndichiri kukuratidzai nzira yakanakisisa zvikuru.Select 1 Corinthians 12:31