151 Corinthians 15

1Naizvozvo, hama, ndinokuzivisai evhangeri yandakakuparidzirai, yamagamuchirawo, neyamumire mairi;Select 1 Corinthians 15:1

2uye yamunoponeswawo nayo, kana muchibatisisa inzwi reevhangeri randakaparidza kwamuri, kunze kwekuti makatenda pasina.Select 1 Corinthians 15:2

3Nokuti ndakakumikidza kwamuri pakutanga izvo zvandakagamuchirawo, kuti Kristu wakafira zvivi zvedu, zvichienderana nemagwaro;Select 1 Corinthians 15:3

4uye kuti wakavigwa, uye kuti wakamutswa nezuva retatu, zvichienderana nemagwaro;Select 1 Corinthians 15:4

5uye kuti wakaonekwa kuna Kefasi, pashure kune vanegumi nevaviri;Select 1 Corinthians 15:5

6shure kweizvozvo wakaonekwa kuhama dzinopfuura mazana mashanu nguva imwe, vazhinji vavo vachiripo kusvikira ikozvino, asi vamwewo varara;Select 1 Corinthians 15:6

7shure kweizvozvo wakaonekwa kuna Jakobho; pashure kuvaapositori vese.Select 1 Corinthians 15:7

8Uye pakupedzisira kwevese akaonekwa neniwo, sekune wakazvarwa nguva isina kufanira.Select 1 Corinthians 15:8

9Nokuti ini ndiri mudikisa wevaapositori, handifaniri kunzi muapositori, nokuti ndakashusha kereke yaMwari.Select 1 Corinthians 15:9

10Asi nenyasha dzaMwari ndiri zvandiri, uye nyasha dzake dziri pandiri hadzina kuva pasina; asi ndakabata zvikuru kupfuura vese; zvakadaro handisi ini, asi nyasha dzaMwari dzineni.Select 1 Corinthians 15:10

11Naizvozvo, kana ndiri ini kana ivo, saizvozvo tinoparidza uye saizvozvo makatenda.Select 1 Corinthians 15:11

12Zvino kana Kristu achiparidzwa kuti wakamutswa kubva kuvakafa, vamwe pakati penyu vanoreva sei kuti hakuna kumuka kwevakafa?Select 1 Corinthians 15:12

13Asi dai pasina kumuka kwevakafa, naKristu haana kumutswa;Select 1 Corinthians 15:13

14uye kana Kristu asina kumutswa, naizvozvo kuparidza kwedu hakuna maturo, nerutendo rwenyuwo harwuna maturo.Select 1 Corinthians 15:14

15Nesuwo tinowanikwa tiri zvapupu zvaMwari zvenhema, nokuti takapupura zvaMwari kuti wakamutsa Kristu iye waasina kumutsa, kana kuri kuti vakafa havamutswi.Select 1 Corinthians 15:15

16Nokuti dai vakafa vasingamutswi, Kristu haanawo kumutswa;Select 1 Corinthians 15:16

17uye dai Kristu asina kumutswa, rutendo rwenyu haruna maturo; muchiri muzvivi zvenyu.Select 1 Corinthians 15:17

18Naizvozvo nevarere muna Kristu vaparara.Select 1 Corinthians 15:18

19Dai muupenyu huno tine tariro muna Kristu chete, tinonzwisa tsitsi kukunda vanhu vese.Select 1 Corinthians 15:19

20Asi ikozvinowo Kristu wakamutswa kubva kuvakafa, akava chibereko chekutanga chevarere.Select 1 Corinthians 15:20

21Nokuti sezvo nemunhu rufu rwakauya, kumuka kwevakafawo kwakauya nemunhu.Select 1 Corinthians 15:21

22Nokuti vese muna Adhamu sezvavanofa, saizvozvowo vese muna Kristu vachararamiswa.Select 1 Corinthians 15:22

23Asi umwe neumwe padzoro rake; Kristu chibereko chekutanga, tevere avo vari vaKristu pakuuya kwake,Select 1 Corinthians 15:23

24kozouya kuguma, paachazokumikidza umambo kuna Mwari, ivo Baba, paachaparadza kutonga kwese neushe hwese nesimba.Select 1 Corinthians 15:24

25Nokuti anofanira iye kutonga, kusvikira aisa vese vavengi pasi petsoka dzake.Select 1 Corinthians 15:25

26Muvengi wekupedzisira uchaparadzwa ndirwo rufu.Select 1 Corinthians 15:26

27Nokuti wakaisa zvinhu zvese pasi petsoka dzake. Asi kana achiti zvinhu zvese zvakaiswa pasi pake, zviri pachena kuti ari kunze wakaisa zvinhu zvese pasi pake.Select 1 Corinthians 15:27

28Zvino kana zvinhu zvese zvaiswa pasi pake, ipapo Mwanakomanawo amene achaiswa pasi paiye wakaisa zvese pasi pake, kuti Mwari ave zvese mune zvese.Select 1 Corinthians 15:28

29Ko, vanobhabhatidzirwa vakafa vachaita sei kana vakafa vasingatongomutswi? Vakagobhabhatidzirwa vakafa nemhaka yei?Select 1 Corinthians 15:29

30Nemhaka yei nesu tiri panjodzi awa rega-rega?Select 1 Corinthians 15:30

31Ndinofa zuva nezuva, ndinopika nokuzvikudza pamusoro penyu kwandinako muna Kristu Jesu Ishe wedu.Select 1 Corinthians 15:31

32Kana ndakarwa nenzira yevanhu nezvikara paEfeso, zvinondibatsirei, kana vakafa vasingamutswi? Ngatidye nekunwa, nokuti mangwana tinofa.Select 1 Corinthians 15:32

33Musanyengerwa; kushamwaridzana nevakaipa kunoodza tsika dzakanaka.Select 1 Corinthians 15:33

34Pengenukai nenzira yekururama uye musatadza, nokuti vamwe vane kusaziva Mwari; ndinotaura kuti muve nenyadzi.Select 1 Corinthians 15:34

35Asi umwe achati: Vakafa vanomutswa sei? Uye vanouya nemuviri wakaita sei?Select 1 Corinthians 15:35

36Dununu, icho chaunodzvara iwe hachiitwi chipenyu kunze kwekuti chafa;Select 1 Corinthians 15:36

37uye icho chaunodzvara, haudzvari muviri uchavapo, asi tsanga isina chinhu, kana yezviyo kana yezvimwe;Select 1 Corinthians 15:37

38asi Mwari anoipa muviri paanoda napo, nekumbeu imwe neimwe muviri wayo pachayo.Select 1 Corinthians 15:38

39Nyama yese haisi nyama imwe; asi imwe inyama yevanhu, imwewo inyama yemhuka, imwewo yehove, imwewo yeshiri.Select 1 Corinthians 15:39

40Kune miviriwo yekudenga, nemiviri yenyika; asi kubwinya kweyekudenga ndekumwe, asi kweyenyika ndekumwe.Select 1 Corinthians 15:40

41Kumwe kubwinya ndekwezuva, nekumwe kubwinya ndekwemwedzi, uye kumwe kubwinya ndekwenyeredzi, nokuti nyeredzi inosiyana neimwe nyeredzi pakubwinya.Select 1 Corinthians 15:41

42Kwakadarowo kumuka kwevakafa. Kunodzvarwa mukuora, kunomutswa mukusaora;Select 1 Corinthians 15:42

43kunodzvarwa mukuzvidzwa, kunomutswa mukubwinya; kunodzvarwa muutera, kunomutswa musimba.Select 1 Corinthians 15:43

44Kunodzvarwa kuri muviri wechisikirwo, kunomutswa kuri muviri wemweya. Kune muviri wechisikirwo, uye kune muviri wemweya.Select 1 Corinthians 15:44

45Zvakanyorwawo saizvozvo zvichinzi: Munhu wekutanga Adhamu wakaitwa munhu anorarama; Adhamu wekupedzisira mweya unoraramisa.Select 1 Corinthians 15:45

46Asi zvinotanga hazvisi zvemweya asi zvechisikirwo; tevere zvemweya.Select 1 Corinthians 15:46

47Munhu wekutanga wakabva panyika, ndewevhu; munhu wechipiri ndiIshe anobva kudenga.Select 1 Corinthians 15:47

48Sewevhu, vakadarowo avo vevhu; uye sewekudenga, vakadarowo vekudenga.Select 1 Corinthians 15:48

49Uye sezvatakatakura chimiro chewevhu, tichatakurawo chimiro chewekudenga.Select 1 Corinthians 15:49

50Zvino ndinoreva izvi, hama, kuti nyama neropa hazvingagoni kugara nhaka yeushe hwaMwari; nokuora hakungagari nhaka yekusaora.Select 1 Corinthians 15:50

51Tarirai, ndinokuudzai chakavanzika: Hatingavati tese, asi tichashandurwa tese;Select 1 Corinthians 15:51

52nenguva diki-diki, mukuhwaira kweziso, pahwamanda yekupedzisira; nokuti hwamanda icharira, uye vakafa vachamutswa mukusaora, nesu tichashandurwa.Select 1 Corinthians 15:52

53Nokuti ichi chinoora chinofanira kupfeka kusaora, neichi chinofa chipfeke kusafa.Select 1 Corinthians 15:53

54Zvino kana ichi chinoora chapfeka kusaora, neichi chinofa chapfeka kusafa, ipapo kuchaitika shoko rakanyorwa rinoti: Rufu rwakamedzwa mukukunda.Select 1 Corinthians 15:54

55Iwe rufu, rumborera rwako rwuripi? Iwe guva, kukunda kwako kuripi?Select 1 Corinthians 15:55

56Rumborera rwerufu chivi, nesimba rechivi murairo.Select 1 Corinthians 15:56

57Zvino ngaavongwe Mwari anotipa kukunda naIshe wedu Jesu Kristu.Select 1 Corinthians 15:57

58Naizvozvo, hama dzangu dzinodikanwa, simbai, musingazungunuswi, nguva dzese muchiwedzerwa pabasa raIshe muchiziva kuti kubata kwenyu hakusi pasina muna Ishe.Select 1 Corinthians 15:58