3Colossians 3

1Naizvozvo kana makamutswa pamwe naKristu, tsvakai zvekumusoro, uko kuna Kristu agere kuruoko rwerudyi rwaMwari.Select Colossians 3:1

2Rangarirai zviri kumusoro, kwete zviri panyika.Select Colossians 3:2

3Nokuti makafa, uye upenyu hwenyu hwakavigwa pamwe naKristu muna Mwari.Select Colossians 3:3

4Kana Kristu upenyu hwedu achionekwa, ipapo imwiwo muchaonekwa pamwe naye mukubwinya.Select Colossians 3:4

5Naizvozvo urayai mitezo yenyu iri panyika, upombwe, tsvina, kushumba kwakaipa, kuda zvakaipa, uye kuchiva, kunova kunamata zvifananidzo.Select Colossians 3:5

6Nekuda kwezvinhu izvi, hasha dzaMwari dzinouya pavana vekusateerera;Select Colossians 3:6

7imwiwo maimbofamba mazviri, pamairarama mazviri.Select Colossians 3:7

8Asi ikozvino imwiwo bvisai zvese izvi, kutsamwa, hasha, uipi, kunyomba, nekutaura zvinonyadzisa kubva mumuromo wenyu;Select Colossians 3:8

9regai kureverana nhema, zvamakabvisa munhu wekare nemabasa ake,Select Colossians 3:9

10mukapfeka mutsva, anovandudzwa paruzivo semufananidzo wewakamusika;Select Colossians 3:10

11apo pasina muGiriki uye muJudha, kudzingiswa uye kusadzingiswa, mutorwa, muSikitia, musungwa, wakasununguka; asi Kristu ndiye zvese, uye ari mune zvese.Select Colossians 3:11

12Naizvozvo pfekai sevasanangurwa vaMwari, vatsvene nevanodikanwa, moyo yetsitsi, moyo munyoro, kuzvininipisa, unyoro, nemoyo murefu;Select Colossians 3:12

13muchiitirana moyo murefu, nekukanganwirana kana umwe ane mhosva neumwe; Kristu sezvaakakukanganwiraiwo, saizvozvowo imwi;Select Colossians 3:13

14zvino pamusoro pezvinhu zvese izvi pfekai rudo, ndicho chisungo chekupedzeredza.Select Colossians 3:14

15Nerugare rwaMwari ngarwutonge mumoyo yenyu, ndirwo rwamakadanirwawo mumuviri mumwe; uye ivai vanovonga.Select Colossians 3:15

16Shoko raKristu ngarigare mamuri neufumi muuchenjeri hwese; muchidzidzisana nekurairana mumapisarema, nenziyo, nenziyo dzemweya, muimbire Ishe nenyasha mumoyo wenyu;Select Colossians 3:16

17uye zvese chero chipi chamunoita pashoko kana pachiito, itai zvese muzita raIshe Jesu, muchivonga Mwari naBaba kubudikidza naye.Select Colossians 3:17

18Vakadzi zviisei pasi pevarume venyu pachenyu, sezvo zvakafanira muna Ishe.Select Colossians 3:18

19Varume, idai vakadzi venyu, uye regai kuvavavira.Select Colossians 3:19

20Vana, teererai vabereki pazvinhu zvese, nokuti izvi zvinofadza Ishe.Select Colossians 3:20

21Madzibaba, musatsamwisa vana venyu, kuti varege kuora moyo.Select Colossians 3:21

22Varanda, teererai pazvinhu zvese vari vatenzi venyu panyama; kwete nekushandira maziso sevafadzi vevanhu, asi nemoyo wakarurama, muchitya Mwari;Select Colossians 3:22

23uye zvese kunyange chipi chamunoita, itai nemoyo, sekuna Ishe, uye kwete kuvanhu;Select Colossians 3:23

24muchiziva kuti kuna Ishe muchagamuchira mubairo wenhaka; nokuti munoshandira Ishe Kristu.Select Colossians 3:24

25Asi anoita zvisakarurama achagamuchira zvisakarurama zvaakaita; uye hakuna kusarurwa kwavanhu.Select Colossians 3:25